Kosimjonov Ibrokhim — Blog

2023-01-21 22:39:24 Foydasi tegar.

Oxirgi yillarda imlo xatolarsiz yozishga harakat qilganim uchun, juda ham ko'p foydali manbalar topgan bo'lsam kerak. Quyida ularni sizlar bilan bo'lishaman. Sizlarga ham foydasi tegar.

- matn.uz
Yozgan matnlaringizni tekshirib olish uchun foydali sayt. Shuningdek, matnlarni lotindan kirillga o'tkazish funksiyasi ham bor.

- savodxon.uz
Matn.uz bilan deyarli farq qilmaydi. Ustunlik tomoni word, excel dasturlariga ham ishlatish mumkin. Lekin, xizmatlari to'lov evaziga.

- @xatoliklar
Ko'p uchraydigan imlo xatolar va ularni yechimini ulashib boradigan ajoyib kanal.

- tahrirchi
Tahrirchi klaviaturasi imlo xatolarsiz yozishingizga ajoyib ko'makdosh bo'lishi mumkin. Ushbu ilova yaratilganiga ko'p bo'lmagani sababli kamchiliklari bo'lishi ham ehtimoldan yiroq emas.

Eng asosiyi yozish vaqtida shubhalangan har qanday so‘zingizni tekshirib oling. Shunda xatolar asta-sekin kamayib boradi.

@Kosimjonov_Ibrokhim Ochish/sharhlash

2023-01-15 22:30:27 O'zimizdan boshlash kerak!

Biz siyosatchi yoki mashhur shaxs bo'lmasligimiz mumkin. Lekin har birimiz qilayotgan ishlar jamiyatimiz o'zgarishiga ma'lum miqdorda hissa qo'shadi.

- Biz jamiyatimizdagi poraxo'rlikdan nolimiz. Lekin, tibbiy ko'rikdan o'tmasdan pora evaziga ma'lumotnoma olishdan ta'b tortmimiz.

- Biz tabiat ifloslanishidan nolimiz. Lekin, biz uchun to'g'ri kelgan joyga axlat tashlash odatiy hol.

- Biz avariyalar soni ko'pligidan nolimiz. Lekin, kamar taqib mashina haydashni uyat deb hisoblaymiz.

- Biz yurtimizda ta'lim rivojlanmaganidan nolimiz. Lekin, yiliga 1marta kitob o'qishga erinamiz.

Jamiyatimiz yaxshi tomonga o'zgarishi uchun harakatni o'zimizdan boshlashimiz kerak. Shundagina o'zgarishlarni boshqalardan ham kutishimiz mumkin bo'ladi.

@Kosimjonov_Ibrokhim Ochish/sharhlash

2023-01-13 20:37:39 Aldashini xohlaymizmi yoki aldanishni?

Ishim sababli kuniga 10lab mijozlar bilan suhbatlashishimga to‘g‘ri keladi. Baʼzi mijozlar tomonidan beriladigan savollarni eshitib hayron qolaman. Ilojsiz narsalarni so‘rashadi. Qadriyatimga to‘g‘ri kelmagani uchun har safar ochiqcha gapiraman. Lekin, ularga mening gaplarim ko‘p holatlarda yoqmaydi. Shunday hollarda insonlarning aksariyat qismi aldanishni xohlaydi degan fikrga kelaman. Nega bu fikrga kelishimni quyida bir necha misollar bilan ko‘rsataman.

- Viza 100% olamanmi? Kafolat berasizmi?

Shunaqa savollar ham beradigan insonlar ko‘p. Ertaga nima bo‘lishini bilmaydigan inson zotiga qanaqa qilib bunaqa savollar berish mumkin bilmiman.

- 2oy koreys tilini o‘rganib Topikdan 4yoki 5daraja ola olamanmi? Kafolat bormi?

2oyda yuqori daraja olishni o‘zi fantastika. Bunaqa savollar beradigan inson olishi 2marta fantastika.

Agar bu kabi misollar keltirishni davom etsam post ancha cho‘zilib ketadi. Aldanishni xohlovchi insonlar uchun ularga mos reklamalar ham kundan kunga oshib bormoqda. "100% kafolat", "3oyda koreysdek gaplashasiz", "Kafolatli viza" aldanishni xohlaydiganlar, aldashdan taʼb tortmaydiganlarning o‘ljasi bo‘lib qoladi. Odamlar xohish, istaklaridan kelib chiqib foydalanib qoladiganlar ham kam emas.

P.s:. Haqiqatni aytsang ham yomon ko‘rinasan

@Kosimjonov_Ibrokhim Ochish/sharhlash

2023-01-09 00:04:14 " Topganingiz to'ylarga buyursin"

Subyektiv ko'rsatuvini yangi sonini ko'ra turib, ko'p eshitgan va aytilinadigan duo "topganingiz to'ylarga buyursin" hayolimga keldi. Duo amalga oshayotganidek, bizning jamiyatdagi aksariyat insonlar topayotgan pullar to'ylargagina buyurmoqda.

Achinarlisi to'y uchun 60, 70million sarflagan insonlar, ta'limga kelganida 3, 4million ham sarflagisi kelmaydi. Lekin kelajagimiz hashamatli to'ylarga ketgan sarf-xarajatga emas, ta'limga qilingan invistitsiyaga bog'liqligini unutib qo'yatgandekmiz.

Yaqin yillarda jamiyatimizdagi insonlar ta'limga boshqa narsalardan ko'ra ko'proq invistitsiya qiladi degan umiddaman.

P.s:. Ba'zi duolar ijobad bo'lishini ham xohlamisan.

@Kosimjonov_Ibrokhim Ochish/sharhlash

2022-05-09 17:43:26 Topikdan 3oyda 3daraja olish mumkinmi?

Anchadan beri shu mavzu bo'yicha yozishga harakat qilaman. Lekin, har doim yozmoqchi bo'lgan vaqtimda negadir yozishdan qaytaman. Lekin, oxirgi vaqtlarda "Bizda o'qib Topikdan 3darajani 3oyda 0dan o'rganib olasiz" degan mazmundagi reklamalarni ko'rib, bu postni yozishga qaror qildim.

Savolga javob berishdan oldin, tilni tez o'rganish sabablari va nimalarga bog'liq ekanini birinchi navbatda ko'rib chiqamiz.

– Qobiliyat
Til o'rganish uchun deyarli barchamizga qobiliyat bor, lekin hammada buni miqdori turlichadir. Kimgadir ko'proq va kimgadir kamroq bo'ladi. Til o'rganishga qobiliyati ko'proq insonni mashina bilan yo'lga chiqqan insonga, qobiliyati kamroq insonni esa velosiped bilan yo'lga chiqqan insonga o'xshatish mumkindir.

– Mehnat va Intizom
Sizda qobiliyat ko'p bo'lishiga qaramasdan harakat qilmas ekansiz, hech qanday natijaga erishib bo'lmaydi. Bu holat ham mashinasi bo'la turib boshqarishni bilmaydigan insonga o'xshatsa bo'ladi. Shuningdek intizom hamma narsaga muhim bo'lgani kabi til o'rganishga ham juda muhim omillardan biridir.

– Qiziqish
Til o'rganishdagi eng kerakli omillardan biri deb ikkilanmasdan qiziqish deb ayta olaman. O'rganayotgan tilingizga qiziqsangiz, o'rganish davomida vaqt o'tganini sezmasdan zavq bilan o'rganasiz. Bu esa tilni juda qisqa fursatda o'rganishga kerak.

– Yaxshi o'qituvchi
Tilni o'rganishingizga o'qituvchining hissasi juda katta hisoblanadi. Qanaqa o'qituvchini qo'liga o'qishingizga qarab tilni sifatli yoki sifatsiz o'rganasiz.

– Oiladagi holat
G'alati eshitilmasin, sizning oiladagi holatlar ham sizni til o'rganishingizga ta'sir ko'rsatadi. Misol tariqasi oilangiz a'zolaridan biri kasal bo'lsa, siz til o'rganishga e'tibor qaratishingizni iloji yo'q va bu tabiiy holat.

– Vaqt
Eshitgandirsiz, biron narsani mukammal o'rganish uchun 10ming soat qoidasi borligini. Til o'rganish uchun ham ma'lum vaqtingizni o'rganayotgan tilingiz uchun ajratishingiz kerak. Lekin hammadan ham bunday imkoniyat yo'q.

Yuqoridagi barchasi ijobiy bo'lgan inson 3oyda 3daraja olishi mumkin. Lekin, har doim bizga qaysidir biri yoki bir nechtasi yetishmasligi mumkin. Kimgadir vaqt, kimgadir esa qiziqish, boshqa insonga oiladagi vaziyati yaxshi bo'lmasligi mumkin. Shu sababli ham 3oyda 3daraja olish imkonsiz.

Nega unda "Koreys tili 0dan Topikdan 3oyda 3daraja oling" yoki "Ingliz tilini bilmasdan turib 3oyda IELTS 7 oling" mazmunidagi reklamalar ko'payib bormoqda. Chunki ko'plab til o'rganishga xohishi borlar qisqa vaqt hamda oson usullar bilan til o'rganib biron bir natijaga erishishni xohlashadi. Buni bilgan "insofli" va "rostgo'y" insonlar reklama berishmoqda.

Eng ayanchlisi esa reklamaga ishonuvchi qatlam hali ham ko'pligidadir. Qachon rivojlansagina odam, hech narsani osonlikcha yoki juda qisqa vaqtda erishib bo'lmasligiga amin bo'ladi.

P.s:. Bu faqat mening shaxsiy fikrimdir.

@Kosimjonov_Ibrokhim Ochish/sharhlash

2022-05-07 21:04:51 Assalomu alaykum!

Nima deysiz hamma narsani boshi qiyin-a? Kanalni ochishga qaror qilganimga bir necha yil bo'ldi. Ochganimdan so'ng birinchi postni ham, 2oy o'tibgina qo'yishga to'g'ri keldi. Lekin, kanal uchun hali ham yaxshiroq rasm topa olmadim. Rasm ham qachondir topilib qolar, muhimi boshlab oldim-ku!!!

Kanalni o'zim uchun ochdim desam adashmagan bo'laman. Har doim shaxsiy fikrlarimni boshqalar bilan bo'lishgim kelgan, lekin har doim ham bunga imkon bo'lmagan. Ba'zan yaxshi suhbatdosh topilmasa, ba'zida esa vaqt topilmasdi. Shu sababli kanal orqali o'z shaxsiy fikrlarimni bemalol ifodalay olaman deb o'ylayman.

Lekin, faqatgina shu bilan kifoyalanish niyatidan yiroqman. Ushbu kanalni kuzatib boruvchi insonlarga o'zim bilgan foydali ma'lumotlar bilan bo'lishish niyatim ham yo'q emas. Ayniqsa koreys tili va Koreyaga oid ma'lumotlar kanalga ko'p bo'lish ehtimoli juda yuqori.

@Kosimjonov_Ibrokhim Ochish/sharhlash