Rustamovna's blog

2023-04-27 18:25:16 Нотўғри қарашларимиз бизни чеклаб қўяди. Аслида эса бизда чексиз ҳаёт кучи мавжуддир. Кўпинча ўзимизни ҳаёт учун аҳамиятсиз ва қадрсиздек ҳисоблаймиз. Қимматли ва қадрли бўлмоғимиз учун раҳбар бўлишимиз шарт эмас. Бу дунёда биринчи бўлиш охиратда ҳам биринчи бўлиш дегани эмас. Ochish/sharhlash

2023-04-26 20:27:38 Yaxshi voqealar sodir bo’lganda xursand bo’lganing kabi, yomon voqealar sodir bo’lmayotgani uchun ham xursand bo’lib turasanmi? Ochish/sharhlash

2023-04-25 16:01:55 Биргина метро қолган эди, шунгаям етиб олишибди: Тинг-тин — «Амир Темур бекати - Куч адолатдадир. Кучли бўлиш нимадир бир нима». Тинг-тин — «Мустақиллик майдони бекати. Мустақил давлат бўлиш нимадир бир нима, давомида, 30-апрель куни бефарқ бўлмай овоз беринг»… Ochish/sharhlash

2023-04-25 07:10:05 Биргина метро қолган эди, шунгаям етиб олишибди:

Тинг-тин — «Амир Темур бекати - Куч адолатдадир. Кучли бўлиш нимадир бир нима».

Тинг-тин — «Мустақиллик майдони бекати. Мустақил давлат бўлиш нимадир бир нима, давомида, 30-апрель куни бефарқ бўлмай овоз беринг»

Тинг-тин — «Пахтакор бекати - энди ўқитувчилар пахтага бормайди, 52- модда, овоз беринг»

Тинг-тин «Халқлар дўстлиги бекати, энди шахсий ёзишмаларингизни тарқатган инсонларга нимадир бир нима»

Тинг-тин — Энди аниқ наушниксиз юриб бўлмайди. Ochish/sharhlash

2023-04-24 08:16:59 (( Ochish/sharhlash

2023-04-23 19:12:25 Олдин айтмаганларимдан:
Xushnudbek.uz жамоасига қўшилиш учун рўйхатдан ўтиб, қабул қилинганманам, лекин тайинли иш қилмаганмиз, режалар катта бўлган лекин нимадир ўхшамаган. Архивни титиб, кўриб эслаб қолдим

Лекин шуни ҳам фойдаси теккан, катта каналларда рекламалар қилиш, контент-планлар тузиш қандай бўлиши бўйича анча нарса билиб олганман.

Ростан ҳам, ҳаётимизга кириб келадиган барча билимлар, фойдалар, инсонлар, имкониятлар бизга керакли вақтда, керакли жойда кириб келади. Буни кечиктириб ёки шошилтириб бўлмайди Ochish/sharhlash

2023-04-22 20:22:22 Кўпчиликни ёшлигида шундай кундалиги бўлган бўлса керак.
Ичи тўла ўзимиз учун энг қийин деб билган «дард-у муаммо»лар, эмоция билан ёзилган бўлар эди.

Мактабда энг ёқтирмаган синфдошимиз ёки аразлаб қолган дўстимиз ҳақида тўлдириб ёзар эдик.
Ярашиб олгандан кейин ўқиб, қизариб, кулиб қўйилар эди.

Бу кундаликни плюс томони, қулфланиши. Кимдир топиб олса ҳам калити бўлмайди)
Бир марта калитини йўқотиб қўйиб, оча олмаганман ҳатто, ана сифат))

Ишқилиб, ўша пайт учун қийин деб ўйлаган ўзимизча дардларимиз ота-она билан келиша олмай, тушунмай қолиш, ўртоғимиз билан гап талашиб, аразлаб қолиш катта муаммодек ажойиб ҳис берар эди.

Ҳозир вақт ўтгани сари аслида кўтариб бўлмайдиган дард йўқлиги, ҳаммаси бир кун кулгили бўлиши ва ўтиб кетишини тушунаверасан Ochish/sharhlash

2023-04-21 14:18:20 Ижтимоий тармоқларда бугун:

Бугун ҳамма бир- бирига табрикларни CTRL+C ва CTRL+V қиладиган, табриклар кўпайиб кетганида адашиб ўзи юборган табрикни эгасига юбориб қўядиган кун;

Расмлар такрорланадиган, "Раҳмат" дейиш ўрнига бир-бири билан фақат расм алмашадиган кун;

Гуруҳларга кириб қолсангиз, ҳамма табрик юборади. Лекин ҳеч ким "ответить" қилиб жавоб бермайди, токи бирон бир мавзу очилиб қолмагунча;

Жа ёзишга эринганлар учун стикер ва гифлар ёрдамга келади.

Нима бўлса ҳам бугун бошқача кун! Ochish/sharhlash

2023-04-21 07:57:58 Мани ҳайитлигим қани?

Ҳайитлик ёш танламайди)) Ochish/sharhlash

2023-04-21 05:44:16 Ҳайит Аллоҳга итоат қиладиганларникидир.

Аллоҳнинг тоатида ўтказган ҳар бир кунингиз, ҳар бир соатингиз сиз учун ҳайитдир, қувончдир, шодиёнадир.

Аллоҳга осийлик қилинмаган ҳар кун ҳайитдир. Мўминнинг Мавлосини эслаб, Унга итоат қилиб, шукр қилиб ўтказган ҳар бир куни ҳайитдир.

Ҳайит не? У эмас кийим ё безак,
Амалнинг ортиши ҳайитдир бешак.

Иймонинг зиёда бўлса ҳайитдир,
Юрагинг тақвога тўлса ҳайитдир.

Охиратдан қўрқиб йиғла, ҳайитдир,
Диним деб бағрингни тиғла, ҳайитдир.

Қалбингни тақвога тўлдир, ҳайитдир,
Кибру-ҳавойингни ўлдир, ҳайитдир.

Энг Буюк Раббингга бўйсун, ҳайитдир,
Дилинг исёнини қўйсин, ҳайитдир.

Исломий ҳаддингда тургин, ҳайитдир,
Уқбо кошонасин қургин, ҳайитдир.

Аллоҳ ибодатингларни қабул айласин ва келаси шу кунларга яхшиликда етказсин.

Арабчадан Муқим Маҳмуд таржимаси

@IkromSharif Ochish/sharhlash