2023-04-26 20:14:29
#
Elimda_alyorim_qolur
***
Bir kuni...
Sig‘mayin dunyoga,
Dil sizga zorlanib yotmaydi.
Men uchib ketarman samoga,
Baribir, qo‘lingiz yetmaydi.
Bir kuni...
Men oyga aylanib,
Ko‘k uzra siz tomon boqarman,
Sizga nur sochmoqqa shaylanib.
Samoda quyoshday balqarman.
Bir kuni...
Bag‘ridan qo‘ymasdan
Yulduzlar o‘padi yuzimdan.
So‘ng baxtga cho‘milib bexosdan
Sevinchlar yog‘ilar ko‘zimdan.
Bir kuni...
Sizga hech yoqmagan
She'rlarim o‘z qadrin topadi.
Qolmaydi havas-la boqmagan,
Dil armon eshigin yopadi.
Bir kuni...
O‘kinchning, alamning
Ipiga boylanib qolarsiz.
Shodligi tatimay olamning,
Baxt so‘rab yonimga kelarsiz.
Bir kuni...
Namangan viloyati Yangiqoʻrgʻon tuman ixtisoslashtirilgan maktab 9-a sinf oʻquvchisi Rahimjanova Ruhshona
Kanalga obuna bo'lish: @RESPUBLIKA_FILOLOGLARI
Murojaat uchun: @RF_ADMINKA
769 viewsedited 17:14