Ошиқ одам бундай бўлмайди,
Бундай бўлмас ишқ кирган юрак.
Сен шунчаки бир оз ёқтириб,
Ё овунчоқ истасанг керак!
Ошиқларнинг қисмати оғир,
Ҳатто ҳавас қилмай қўяқол.
Юраклари тинимсиз оғрир,
Нафас ололмаслар бемалол!
Йўқ, қўйсангчи,
Сенга йўл бўлсин,
Сенинг кўксинг тор бу туйғуга.
Бир чеккага қочарсан секин,
Бошинг қўйгинг келмай қайғуга!
Ҳаммага ҳам эмас бу насиб,
Ҳаммага ҳам берилмас неъмат!
Дўппингни от, кўрса муносиб,
Қийноғига сени мухаббат!
Сен ўзингни севасан беҳад,
Маҳлиёдир ўзинга кўзинг.
Бу севгида тилайман омад,
Ўзинг учун омон бўл ўзинг!
Малика Тавфиқ
@Zamonaviy_Psixolog
