Dilmurod Nabiyev

2022-08-31 19:27:20 #Prezident_nutqidan

Men doim aytganman va yana qaytaraman, biz uchun birinchi oʻrinda TAʼLIM, TAʼLIM va yana TAʼLIM turadi – Prezident

Shavkat Mirziyoyev oʻz nutqida davlatimizni rivojlantirishdagi 5 ta asosiy vazifalardan eng muhimi taʼlim ekanligini taʼkidladi.

"Farzandlarimiz zamonaviy bilim va koʻnikmalarni puxta egallashlari uchun eng qulay sharoitlar yaratishni izchil davom ettiramiz.

Buning uchun, maktablarning oʻquv dasturlari, oʻqitish uslubi, darsliklar mazmuni tubdan qayta koʻrib chiqiladi.

Ushbu tizim avval ilgʻor xorijiy mutaxassislar tomonidan ekspertizadan oʻtkazilib, keyingina hayotga tadbiq etiladi.

Barcha hududlarimizda, ayniqsa qishloq joylarda maktablar qurish, ularni malakali pedagog kadrlar bilan taʼminlash masalalariga alohida eʼtibor beramiz.

Ustoz va murabbiylar mehnatini ragʻbatlantirish borasidagi ishlarimizni yangi bosqichga koʻtaramiz.

Imkoniyati cheklangan bolalar uchun inklyuziv taʼlimni har tomonlama rivojlantiramiz”, – dedi Prezidentimiz.

: eduuz

@qarduuz Ochish/sharhlash

2022-08-31 18:07:18 #Талабаларга_қулайлик
#Бунёдкорлик

2022/2023 ўқув йилида Қарши давлат университети янгиланган қиёфада чирой очади. Тез фурсатларда ҳар томонлама қулай, барча зарур шарт-шароитларга эга янги талабалар турар жойи 600 нафар талаба-ёшларни ўз бағрига чорлайди.

Мустақиллигимизнинг 31 йиллик тантанаси университет жамоаси ва ёшлари учун қўшалоқ шодиёнага айланади.

@rektor_qarshidu Ochish/sharhlash

2022-08-31 15:52:25 #Ректор_табриги
#Байрам_муборак

ЯНГИ ЎЗБЕКИСТОНДА ЭЛ АЗИЗ, ИНСОН АЗИЗ!

Қадрли ҳамкасблар, азиз талабалар!

Ўзлигимизни англашдек, инсоний шаънимиз, қадр-қимматимизни сақлашдек шарафга, ҳурликни чин маънода ҳис эта олишдек бахтга муяссар бўлганимизнинг 31 йиллик тантанаси билан Сиз азизларни қутлашдан беҳад мамнунман.

Албатта, бундай шараф ва бахтни халқимиз осонликча қўлга киритмаганига тарих шоҳид. Ушбу айём кунлари бугунги тинч-осойишта ҳаётга қандай оғир синов ва машаққатлар эвазига эришилганини яна бир бор чуқур ҳис этамиз.

Шубҳасиз, мустамлакачилик кишанларидан озод бўлиш ва ўз мамлакатининг мустақиллиги учун жон бериб курашган ота-боболаримиз хотираси шу заминда унган авлодлар онгу шуурида, қалб қўрида манггу сақланади, уларнинг номлари инсоният тарихидан абадий ўрин олади.

Батафсил ушбу ҳаволада: https://qarshidu.uz/uz/news/2768-yangi-ozbekistonda-el-aziz-inson-aziz

@rektor_qarshidu Ochish/sharhlash

2022-08-30 18:04:36 #Талабаларга_қулайлик
#Бунёдкорлик

Қарши давлат университетида талаба-ёшларнинг муносиб шароитларда сифатли билим олишлари учун 1000 ўринга мўлжалланган янги ўқув биноси қурилиши бошланди. Ҳозирда иншоотнинг пойдевори тугалланиш арафасида. Демак, Янги Ўзбекистоннинг янгиланаётган олий таълим муассасаси сифатида Қарши давлат университетининг замонавий ўқув бинолари сони яна биттага кўпаяди.

@rektor_qarshidu Ochish/sharhlash

2022-08-30 15:29:48 #Талабаларга_қулайлик
#Бунёдкорлик_жараёни

Қарши давлат университетида янги 2022-2023 ўқув йилига муносиб тайёргарлик кўрилмоқда. Жумладан, тез орада барча қулайликларга эга, замонавий кўринишдаги 1500 ўринли ўқув биноси қайта таъмирланиб, фойдаланишга топширилади. Маҳобатли кўринишга эга ушбу ўқув биноси университет жамоаси ва талаба-ёшлари учун ҳақиқий байрам совғаси бўлади.

@rektor_qarshidu Ochish/sharhlash

2022-08-27 20:52:54 Ватанни севиш керак!

Давлатимиз раҳбари энергияни қаердан оласиз, деган саволга «Ватанни севиш керак», деб жавоб қайтарди.

@rektor_qarshidu Ochish/sharhlash

2022-08-24 14:53:10 “Буюк ипак йўли” халқаро туризм марказининг очилиш маросимидан фотолавҳалар

Манба: https://t.me/shmirziyoyev

@rektor_qarshidu Ochish/sharhlash

2022-08-24 14:53:10 #Эътироф

Янги Ўзбекистоннинг улуғвор меъморий мажмуаси

Кеча қадимий ва навқирон Самарқанд шаҳрида муҳташам мажмуа – “Буюк ипак йўли” халқаро туризм марказининг тантанали очилиш маросими бўлиб ўтди. Унда иштирок этган давлатимиз раҳбари нутқ сўзлаб, барчани ушбу қувончли воқеа билан табрикладилар. Айниқса, “Қадимий ва навқирон Самарқанд бағрида қад ростлаган мана шундай замонавий, улуғвор меъморий мажмуа барчамизга, бутун халқимизга муборак бўлсин, буюрсин” деган сўзлари миллионлаб халқимиз қаторида мени ҳам тўлқинлантириб юборди. Қалбимда чексиз фахр-ифтихор туйғуларини уйғотди.

Эътироф этилгандек, ушбу мажмуа Янги Ўзбекистоннинг дунёга кенг очилаётган яна бир дарвозасидир. Бу мамлакатимизда сайёҳлик индустриясини ривожлантириш борасидаги улкан ишларнинг бир қисми деб, биламан. Шунингдек, нуфузли халқаро тадбирлар, улкан анжуманларнинг шу ерда бўлиб ўтишида янги марказимиз ҳам самарали хизмат қилади.

Шу ўринда меҳнаткаш ва бағрикенг, олийжаноб халқимизни бетакрор меъморий мўъжизани ўзида мужассам этган гўзал маскан билан яна бир бора чин кўнглимдан табриклайман.

Дилмурод НАБИЕВ,
Қарши давлат университети ректори, профессор

@rektor_qarshidu Ochish/sharhlash

2022-08-13 10:23:50 #Хавфсиз_ҳудуд_хавфсиз_талаба
#Қарши_давлат_университети_мисолида

@rektor_qarshidu Ochish/sharhlash

2022-08-13 07:39:27 #Хушхабар

Талабамиз жаҳон чемпионатидаги иштирокини ғалаба билан бошлади

Қашқадарё вилояти ўғлони Қарши давлат университети Жисмоний маданият факультети 2-босқич талабаси Нурбек Муртазоев (-81 кг) Эквадор давлатида дзюдо бўйича ёшлар ўртасида бўлиб ўтаётган жаҳон чемпионатидаги иштирокини ғалаба билан бошлади. Ҳамюртимиз АҚШ вакилини иппон баҳоси билан мағлубиятга учратди.

Спортчи талабамизга кейинги баҳсларда ҳам омад тилаймиз!

@rektor_qarshidu Ochish/sharhlash