Rais Buva

2021-05-01 12:44:07 Сардоба фожеаси айбдорларини топиш - бу худди ёш бола билан беркинмачоқ ўйнашга ўхшайди.
Қаерга беркинганини биласиз-у, қидираверасиз...

Бугун Сардоба фожеасига бир йил тўлди.

@RaisBuva Ochish/sharhlash

2021-04-29 17:35:29 ​​Ҳайрли кеч қадрлилар. Яна каналга материаллар ташлолмай, сизларни зериктириб қўйдим. Хапаўмейсларда...
Водийда сафарда эдим. Интернетга киргани вақтим бўлмади. Вақт бўлганда эса – антенна чиқмади. (падарига ламинат шу тормоз мобил интернетниям-чи)...

Қонунларга тупириб қўйган айрим ҳокимлар ҳақида!

Водийнинг вилоят, туманларидаги ишларни эшитиб – ямалари тупроқ билан тўлдирилаётган йўлларда юравериб, ходовойи тўкилиб қолган эски нексия сингари порлоқ келажакка бўлган ишончим ҳам тўкилиб қетди...

Айниқса кўхна водийнинг бир вилоятидаги айрим туман ҳокимларининг қутириб кетгани, давлатнинг пахта учун мўлжалланган, унумдорлиги 90-95% ерларини таниш-билиш қилиб, соққаси бор бойларга тарвуз-қовун экишга сотиб юборгани...
Аввал тузук ишлаб турган йирик заводларни сунъий банкрот қилиб, хусусий секторга соққалаб юборгани...

Сотилмаган, ўзлаштирилмаган ерлар, боғлар, бинолар деярли қолмагани... Ер, биноларни эртага туман учун нафи тегадиган лойиҳалар таклиф қилган тадбиркорларга эмас, “тепакалдан” кўпроқ қистираётган бойматларга бўлиб берилаётгани...

Халқ дехқон бозорларини бузиб, халқни янги бойларнинг қиммат, одам бормас комплексларига “мажбурий” хайдаётгани-ю, ўзлари йўлтанламас автоларда юриб, туман йўлларини ямалардан иборат экстремал – квест йўлларга айлантириб ташлашганини...

Яна бир ёқда фермерлардан турли баҳоналар билан хадеб пул йиғавериб, уларниям буткул бездириб ташлагани... .
..ва бошқа (давлат сиёсатини саботаж қиляётган) кирдикорларини эшитиб, кузатиб – ўша, охиратини бугунги нафсига, маишатига алиштириб юборган айрим нокас ҳокимларга нисбатан ўзимда кучли нафрат хиссини туйдим.

Водий сафари таасуротларимни шу ерда секин-секин ёритиб бораман. Колхозимизда Адолат хола ҳали ҳаёт бўлса, тегишли ташкилотлар секин материалларни сақлаб олоуришсин.

Ҳозирча эса ижтимоий тармоқларда кенг муҳокамаларга сабаб бўлаётган бошқа кунлик, ҳафталик воқеаларни эслаб ўтсак. Нима дейсизлар?
Хўш, бугундан каналда нималар, қайси воқеа-ходисотлар ҳақида материаллар чиқарилишини истайсиз?

@RaisBuva Ochish/sharhlash

2021-04-17 09:34:15 - Раис Бува, колхозда коррупцияни йўқотиш учун конкрет нима қиляпсизлар? (Фақат обқочмасдан жавоб беринг, илтимос)

- Кенг кўламли ишлар амалга оширилмоқда...

- Бўлди, давом этмай қўёуринг, кўнглим айниб, қусгим кепкетти, узр...

@RaisBuva Ochish/sharhlash

2021-04-15 21:18:01 Кундузи Олмалиқда солиқчилар сотувчи аёллардан бирини ерда судрагани акс этган видео тарқалибди.

Мен видеони ҳозир Кун.узда кўриб, негадир ҳаёлимга - бошқанинг ўлжасини тортиб олаётган бир гала текинхўр чиябўрилар тўдаси келди...

Сал вақт ўтиб ДСҚ раиси бу нобоп ҳодимлар учун халқдан узр сўраб чиқибди. Барака топсин.

Лекин вазирга бир саволим бор эди:
Аёлларни ерда судраётган бу ҳодимлар шунчаки "бажарувчилар" эканлигини ёш болаям билади. Уларга одамлар билан шундай муносабатда бўлиш ваколатини берган "курсидагилар" ҳам жавобгарликка тортиладими ёки шу “пешкаларга” чора кўрилиб, яна 1 узр билан масала ёпилиб кетадими? Шу нарса қизиқтиради.

@RasiBuva Ochish/sharhlash

2021-04-15 20:58:30 Қурилиш вазирининг қариндошлари билан боғлиқ вазиятни Коррупцияга қарши курашиш агентлиги ўрганаётган экан.

Жавоблар эса ўша-ўша “дежурный” шаблонлар:
Аниқланди... Мониторинг, тадбирлар амалга ошириляпти... Ўрганяпмиз... Ўрганишда давом этамиз, Таклифлар берганмиз, ва х.к...

Янгилик эмас. Бу ишлар ҳам то унут бўлиб, одамлар ёдидан кўтарилгунча ўрганишса керак...
Кузатамиз.

@RaisBuva Ochish/sharhlash

2021-04-14 19:19:12 Непотизм нима дегани?

Непотизм - коррупциянинг бир тури. Юртда коррупциянинг ривожланишига катта хисса қўшадиган иллат.

Непотизм - бу лотинча nepos - уруғ, зот, насл, сулола ва иккинчи nepotis — набира, жиян сўзларидан келиб чиққан.

Непотизм - қариндош-уруғ ва ошна-оғайничилик алоқаларини биринчи ўринга қўйган холда, камчиликлари ва бошқа хислатларига эътибор бермасдан сиёсатда ёки тадбиркорликда уларга махсус шароит яратиб беришлик, қўллаб-қувватлаш, касбларида ва ишларида мулозимлик поғонасида кўтарилиши, бойлик орттиришларида ёрдам беришлик иллатидир.

Непотизмга йўл қўйган амалдорлар ўз мансаб ваколатини суистеъмол қилган ҳисобланади ва Ўзбекистонда мавжуд қонунларга мувофиқ жиноий жавобгарликка тортилиши керак.
#бизкоррупциягақаршимиз

Лекин, лекин бизда Бунёдкор стадиони бор...

@RaisBuva Ochish/sharhlash

2021-04-13 20:04:41 Олоурийлар, олоурийлар. Мамлакат камбағаллашиб қомейди!
Юртим адо бўлмас "связьларинг" бор.

P.S. Шунчаки қизиқ, бундай ҳолат Хитой давлатида рўй берганда нима бўларди?

@RaisBuva Ochish/sharhlash

2021-04-13 09:49:49 Ҳа, тиббий ниқобни ечиб қўйдим. Фонниям ўзгартирдим. Ярашибдими?

Янги расм зўр бўпти. (ребрендинг)

Эскиси яхшийди. (ўрганипполудик)

Фарқи йўқ. Фақат яна 1 ҳафта йўқалиппомасез бўлгани...

@RaisBuva Ochish/sharhlash

2021-04-13 09:21:08 Channel photo updated Ochish/sharhlash

2021-04-13 02:55:13 Барчамизга ойлар султони - Моҳи Рамазон муборак бўлсин!
Тутган рўзаларимизни Аллоҳ ўз даргоҳида қабул қилсин!

@RaisBuva Ochish/sharhlash