2023-01-24 12:25:37
Ernazar Alako'z ko'terilisindegi bir no'kerdin' jan halatindag'i aytqani
Jilaygo'rme xesh qashan qaraqalpag'im,
Bolmadi dep menin' bir altin tag'im.
Qara qilsa baxtin'di bir qorqag'in',
Ashardag'i baxtin'di bir urpag'in'.
Jar salip-en' mudami a'dillik dep,
Sol jol menen tariyxta ketildik ko'p.
Tuwg'an ulin' halin'di g'arremge a'kep,
Iskenjeler qisqanda so'tildik ko'p.
Qulag'imiz mudami kesikpeken,
Ko'kiregimiz lawlamas tesikpeken ?!
Uri-g'ar kire berer esikpeken,
Jarti baxit bul elge nesippeken ?!
Awzimiz birikpegen alameken,
Baxtimizdi urlag'an jalameken.
To'rtew tu'wel turalmay qalameken,
Bul elge bir loppiq jew mabameken?!
Danalarin axmag'i baylap berip,
Qanalasin dushpang'a saylap berip.
O'z qizlarin xang'a dep saylap berip,
Is etken be usilar oylap ko'rin'.
Ju'rekgenem qan jilar qaraqalpag'im,
Xa'mel ushin qurttig'oy min' darag'in.
Kim asinsa elim dep jaw-jarag'in,
G'arg'alarg'a toltirdi onin' bag'in.
Dushpanina aparip eldin' asin,
Nayza saldi ju'rekke uriwlasim.
Kerek bopti na'ma'rtke menin' basim,
Qashan tiyar sorli el ko'zdin' jasin ?
Jilaygo'rme xeshqashan qaraqalpag'im,
Bolardag'i senin'de altin taxtin',
Satqinlardan tuwilg'an sorli urpag'in',
Jandirmawg'a urinar eldin' baxtin.
El basina jang'ay-da altin shiraq.
Sol jag'in'a bek bolin' batir urpaq.
Dushpanin'a dos bolar ba'rha qorqaq.
Men o'ldim. Qalago'rmen' sizler sorlap...
O'tebay Sa'rsenbaev
https://t.me/Qq_e_kitapxana
13 viewsedited Ā 09:25