Qazaqda’rya Ernazar Alako’z babamnin’ ruwxina estelik #1 O | Kitapxana

Qazaqda’rya
Ernazar Alako’z babamnin’ ruwxina estelik

#1

Oristiki bastan ayag’i,
Patshaliq suw emes bayag’i,
Motorlasqan “mangal qayiqlar”,
Suwda juldiz tu’neydi tag’i,
Qazaqda’rya,
Qazaqda’rya,

Juldiz qong’an usi jag’ista
Qarsi ju’zer qizlar ag’isqa.
Qonaq bala yosh bar ma sende,
Ju’r ten’izge, qizdan qalispa,
Dep uyaltar qizdin’ jen’gesi,

Mag’an qiziq ha’zir ha’mmesi.
Qos qayiqqa ten’nen bo’linip
Mindi qizlar. Usi su’wretti-
Xatqa salg’im keldi qatirip,
Yadqa salg’im keldi qatirip,
Qarjawbaydin’ aw qayig’ina-
(Qa’lem aldim) - minip atirip.
Yadin’dama Qazaqda’rya?

Qayiq basi iqqa qaradi,
Aldi suwdin’ “to’sin” jaradi,
Qayiqtag’i qizil shalg’ishlar,
Ottay g’ijlap janip baradi,
Qazaqda’rya,
Qazaqda’rya,

Izde tolqin oyin quradi,
Qiya barip jarg’a uradi,
Uwiljig’an usi a’lpetin’,
Qiyalimda man’gi turadi,
Qazaqda’rya,
Qazaqda’rya.

A’skerbay A’jiniyazov


https://t.me/Qq_e_kitapxana