QOVCHIN

2022-10-03 13:25:57 Qovchin yoshlari

«O‘zbek jang sanʼati» sporti bo‘yicha 13 karra O‘zbekiston chempioni bo‘lgan qovchinlik yosh murabbiy qiz Hurziyo Bahromova haqida

P.S.: Hurziyoni keyingi faoliyatida omad tilaymiz. Jahon chempioni bo‘lib, yurtimiz bayrog‘ini baland ko‘tarish, qishlog‘imiz nomini butun dunyoga tanitish nasib qilsin. Boshqa yoshlarga o‘rnak va motivatsiya bo‘lishi uchun ushbu maʼlumotni ulashdik.

t.me/QovchinUz
t.me/qovchin_elonlari Ochish/sharhlash

2022-09-23 07:47:48 Qovchin yoshlari

Qovchinlik yosh tadbirkorga vaʼda qilingan tikuv mashinalari yetkazib berildi

Raʼno Husanova ayni paytda Abu Muin an-Nasafiy ziyoratgohida hunarmandchilik maktabi faoliyatini yo'lga qo'ygan. Ra'no Alisher Sa'dullayevdan faoliyatini kengaytirish maqsadida 5 ta tikuv mashinasi so'ragan edi. Respublika yoshlar yetakchisi uning taklifini ma'qullab, muammosini hal etishda va'da bergan edi.

Temur Poyonov - Yoshlar ishlari agentligi Qashqadaryo viloyati boshqarmasi boshlig'i

P.S.: Qovchinlik yosh tadbirkorni keyingi ishlarida omad tilab qolamiz. Boshqa yoshlarga oʻrnak va motivatsiya boʻlishi uchun ushbu maʼlumotni ulashdik.

t.me/QovchinUz
t.me/qovchin_elonlari Ochish/sharhlash

2022-09-21 19:37:17 Qovchin yoshlari

Dehqonchilikdan 40 million daromad topayotgan yigit

«Olis hududlarda minglab yoshlar ijara yerlaridan unumli foydalanib, daromad topishni boshlashmoqda. Mazkur videoda Abror ismli do‘stimiz bu boradagi o‘z tajribasi haqida so‘zlaydi».

Alisher Sadullayev - Yoshlar ishlar agentligi direktori

t.me/QovchinUz
t.me/qovchin_elonlari Ochish/sharhlash

2022-09-20 20:10:03 Qovchin yoshlari

«21 yoshli Ra’no Husanova — yosh tadbirkor. Ayol-qizlarga 8 xil hunar o‘rgatadi. Bugunga qadar 30 ga yaqin shogirdlariga hunar o‘rgatgan.

Ra’no singlimizning orzusini amalga oshishida mahalladagi yoshlar yetakchisi, mana shu tizim orqali yordam bera olganimizdan xursandmiz!

Albatta, ishonamizki, u yana ko‘plab shogirdlarga kasb-hunar o‘rgatib, ularning ham hayotda o‘z o‘rinlarini topishiga ko‘mak beradi»

Alisher Sadullayev - Yoshlar ishlar agentligi direktori

t.me/QovchinUz
t.me/qovchin_elonlari Ochish/sharhlash

2022-07-29 20:15:18 Night vibes...

Videoni qovchinliklarga ulashing:
t.me/QovchinUz Ochish/sharhlash

2022-07-29 19:00:23 Tungi Qovchin manzaralari...

Quyosh botishi bilan qovchinlik odamlar, chiroqlar bilan yoritilgan yo‘laklarda kechki sayrga chiqishadi.

7 yoshdan 70 yoshgacha bo‘lgan odamlarni sog‘liq uchun, yaxshi kayfiyat uchun piyoda bir necha kilometr yurishadi. Chiroqlar yoritilib, piyodalar yo‘lakchasi qurilganidan so‘ng kechki sayrga chiqish, qovchinliklar uchun anʼanaga aylanib ulgurdi desak mubolag‘a bo‘lmaydi.

Qovchinliklarga ulashing:
t.me/QovchinUz Ochish/sharhlash

2022-06-30 19:29:50 Qovchin yoshlari

Qovchinlik OʻzMU 1 bosqich talabasi Behruz Hayitov "Oʻzbekiston tarixi" telekanali "Evrika+" koʻrsatuvida ishtirok etib, oʻz bilimlarini sinab koʻribdi.

Behruz 59-maktab hamda "An-Nasafiy Avlodlari" oʻquv markazida dars bergan oʻqituvchilariga oʻz minnatdorchiligini bildirgan.

P.S.: Qovchin nomi oʻz yoshlari orqali butun dunyoga tanilmoqda. Ushbu video Qovchinlik yoshlar uchun motivatsiya boʻla oladi. Oʻqib bilib olib, oʻz ustlarida tinmay mehnat qilsalar, albatta natijaga erishadilar.

t.me/QovchinUz
t.me/qovchin_elonlari Ochish/sharhlash

2022-05-16 19:01:25 Sohibqiron nazariga tushgan Qovchin qishlogʻi

Qashqadaryo viloyati markazidan 17 kilometr janubi-g‘arbda Qovchin qishlog‘i joylashgan.

Qovchin nomi bilan bog‘liq qishloqlar Gʻuzor, Qamashi, Yakkabog‘, Kitob tumanlarida, qolaversa Respublikamizning boshqa hududlarida ham mavjud. Qishloqning "Qovchin" deb atalishiga sabab u yerda yashayotgan aholining ko‘pchiligi qovchin urug‘iga mansub.

Toponomik olim D. Abdurahmonov o‘zining "Qovchin so‘zining tarixi haqida" deb nomlangan maqolasida: «Haqiqatan ham, qovchin so‘zining urug‘ nomi ekanligi aniq. Bu urug‘, boshqa yerlar bilan birga, Qashqadaryo vohasida ham ko‘chib yurgan. "Qovchin" epchil va kuchli degan ma’noni beradi», deydi.

Qovchin urug‘iga mansub kishilar tabiatan jasur bo‘lganliklari tufayli Sohibqiron Amir Temur va Bobur qo‘shinlarida ko‘pchilikni tashkil qilgan. Bu haqda Sharafiddin Ali Yazdiyning "Zafarnoma" hamda Zahiriddin Muhammad Boburning "Boburnoma" asarlarida ham qayd etilgan.

t.me/QovchinUz
t.me/qovchin_elonlari Ochish/sharhlash

2022-05-16 14:58:13 Tarixiy surat

Qovchinlik sosialistik mehnat qahramoni Mahkamoy Hazratqulova va uning "brigada" a’zolari. (1986)

(Suratga sunʼiy intellekt yordamida rang berildi)

t.me/QovchinUz
t.me/qovchin_elonlari Ochish/sharhlash

2022-04-23 20:19:33 SEVGAN QISHLOG‘IM QOVCHIN

Qo‘msab qoldim bedor qalbim entikib,
Olislardan diydoringa ko‘z tikib,
Topolmasman ta‘rifingni she‘r bitib,
Ey ona yurt ey muqaddas tuprog‘im
Sog‘inarman seni Qovchin qishlog‘im.

Goh tom osha goho ko‘cha changitib,
Tepaverib to‘plar holin tang etib,
Sho‘xliklar ila kattalarni gangitib.
O‘tdi senda o‘tli bolalik chog‘im,
Sog‘inarman seni Qovchin qishlog‘im.

Tush ko‘rarman keksa chinorlaringni,
Dilga yaqin paxsa devorlaringni.
Tars yorilgan dardchil anorlaringni,
Tush ko‘rsamchi o‘ngimda ham quchog‘im.
Sog‘inarman seni Qovchin qishlog‘im.

Quchog‘ingda bobolarim hoki bor,
Unda yotar Abu Muin Nasafiy xokisor.
Har gar kelib yig‘lab qaytgum men zor-zor,
Sog‘inganda hayajonim titrog‘im,
Sog‘inarman seni Qovchin qishlog‘im.

Ne tong qalbim, ne tong qalbim qalqib ketdi da‘fatan.
Ostonadan boshlanar ahir Vatan!
Yetti iqlim aro bedor kezsam ham,
Aniq bir kun quchog‘inga qaytmog‘im,
Sog‘inarman seni Qovchin qishlog‘im.

Asqar Murod (2011)

t.me/QovchinUz
t.me/qovchin_elonlari Ochish/sharhlash