2023-04-01 10:24:39
ҚУШЛАРНИ АСРАБ-АВАЙЛАЙЛИК!
1-апрель Халқаро қушлар куни сифатида нишонланади. Табиати мафтункор, гўзал юртимизда қушларнинг тури жуда кўп. Улар инсонларга нафақат дўст, балки ижтимоий ҳаётда ҳам соғлом умр кечиришида ёрдамчи бўлиб хизмат қилади. Турли зарарли қурт қумурсқалар, ҳашоротларни еб, дарахтларни, ўсимликларни баравж ривожланишида қушлар муҳим аҳамият касб этади. Юртимизда. Лайлак, турна, қалдирғоч, чумчуқ, ҳакка, мусийча, бедана ҳаттоки ширали овози билан одамларни мафтун этадиган булбулни, ва ёки тун қуши саналган бойўғлини ҳам учратиш мумкин. Кўп қушлар қизил китобга киритилган бўлсада айримлар қушларни овлашдан, уларни қириб юборишдан таб тортишмайди. Энди қушлар кунига келсак Халқаро қушлар куни 1894 йилдан илк бора Америка қўшмаш штатларида, кейинчалик оммабоп бўлиб бошқа штатларда, Европа давлатларида ўтказила бошланди. Маълумот ўрнида айтиш керакка Ўзбекистонда қушларнинг 19 туркумига оид 440 дан кўпроқ тури бор экан.
1-апрел Халқаро қушлар куни муносабати билан Ўзбекистон Экологик партияси Фарғона вилоят Кенгаши томонидан Фарғона шаҳридаги 11-умутаълим мактабида "Қушларни асрайлик" мавзусида ўқув тарғибот тадбири ташкиланди. Унда Экологик партия Фарғона вилоят Кенгаши бош мутахассиси Шоҳрух Каричаев ўқувчиларга Халқаро қушлар куни, Қизил китобга киритилган қушлар, қушларнинг тури бўйича атрофлича маълумот бериб ўтди.
Мактабнинг Биология ўқитувчиси Махфират Матяқубова, География ўқитувчиси Анора Ривожиддиновалар иштирокида ташкил этилган дарс ўқувчилар учун ҳам ғоят қизиқарли ва ёдда қоларли бўлиб ўтди.
Тадбирда қушларни асраб авайлаш, уларга озор бермаслик, қушларга кўпроқ дон дун бериш, уларга табиатда ин қуриш, жонзодларга меҳр-эътиборли бўлиш ҳақида тушунтириб ўтилди. Ўқувчилар ўзларини қизиқтирган саволларига устозлари ва мутахассислардан етарли жавоблар олдилар.
Ўзбекистон Экологик партияси Фарғона вилоят Кенгаши матбуот хизмати.
27 views07:24