Kanal manzili:
Toifalar:
Bloglar
Til: Oʻzbek tili
Obunachilar:
97
Kanalning ta’rifi
Кўнглим яна ёлғизмиз
Ичикдим шууринга.
Пойинга чўкканча тиз,
Мен яна хузурингда.
Бу каналда сиз Зулфия мукофоти совриндори, журналист Гулбаҳор Қобулованинг шеърлари, кечинмалари ва хикояларидан баҳраманд бўлишингиз мумкин.
Ratings & Reviews
Reviews can be left only by registered users. All reviews are moderated by admins.
5 stars
1
4 stars
1
3 stars
1
2 stars
0
1 stars
0
Oxirgi xabar
2022-07-09 04:44:26
Қалбларини иймон нури мунаввар этиб турган дилга яқин инсонларим, Қурбон хайитингиз муборак бўлсин!
@qobulova_gulbahor
45 viewsГулбахор Кобулова, edited 01:44
2022-07-08 10:04:07
#Киноя
— Гапни айлантирмасдан қисқа ва лўнда жавоб берсангиз. Табиий ГАЗ қачон ўзимизга ҳам берилади?
Масъул амалдорлар:
— Раҳмат. Саволингиз жуда ҳам ўринли. Айни вақтида берилган савол деб ўйлайман. Энди гапни айлантириб, баҳоналар билан жавоб бериб бўлмайди. Дангал жавобни менимча бутун халқимиз кутяпти. Чиндан ҳам бугунги кунда жуда кўпчиликни қийнаётган, кўплаб юртдошларимизнинг ҳақли равишда эътирозларига сабаб бўлаётган оғриқли мавзулардан бири бўйича савол бердингиз. Маълумки, сўнгги йилларда аввалари етти ухлаб тушимизга ҳам кирмаган даражадаги ижобий ўзгаришлар рўй берди ва бу бутун халқимизнинг юксак эътирофига сазовор бўлмоқда. Агар нокамтарликка йўймасангиз дангал айта оламан-ки, дунё бундай кескин ўзгаришлардан тамомила ҳайратда қолмоқда. Бундай шиддатли жараёнлар биз масъул раҳбарлардан яна-да халққа яқин бўлиб, уларнинг дардини тинглаб, халқ ичида юришимизни тақозо қилади. Ўзгаришларга лаббай деб жавоб бериб, халқ ичида юрганимизда, бу ютуқлар негизида яна тўлиқ ҳал этишга улгирилмаган муаммолар ҳам йўқ эмаслигига гувоҳ бўлишимиз мумкин. Шу каби бизга қўшимча масъулият юклайдиган ҳолатлардан бири ГАЗ муаммоси. Албатта, гуруч курмаксиз бўлмагандек, бу каби муаммолар ҳам бизни ўйлантирмасдан қолмайди. Лекин бундай вазиятларда шошма-шошарлик билан, фақат бугуннигина ўйлаб қарор бериш юрт келажагини ўйлаётган фуқарога хос иш бўлмайди. Муаммо бор. Йўқ эмас. Муаммо борлигини тан олиш ўзи катта ечим. Уни бартараф этиш учун эса ҳар бир жиҳатни атрофлича ўрганиб, масъуллар билан тизимли равишда, танқидий-таҳлилий тарзда кўриб чиқиб ечим топишга ҳаракат қилинмоғи керак. Шу сабабли, бу соҳа мутахассислари билан муаммо устида тизимли тарзда шуғулланмоқдамиз. Аслида, ҳар бир одам ўзига савол бериши керак-да: "Бугун мен жамиятга фойдали нима иш қилдим? Одамларга нима нафим тегяпти?" деб. Агар ҳар биримиз ўз вазифамизга масъулият билан ёндошсак, қонун устуворлигини таъминласак, жамоат назоратини янги босқичга олиб чиқсак, ўйлайман-ки, ҳар қандай муаммолар тез орада ўз ечимини топади. Сиз саволда таъкидлаб ўтган ГАЗ муаммоси ҳам бугун ё кеча пайдо бўлиб қолган муаммо эмас. Бугунги глобал дунёда бир ҳудуддаги салбий ҳолат бошқа ҳудудларга ҳам таъсир қилмай қолмайди. Шу сабабли, ҳар бир ишга мушоҳада билан ёндошиб, муаммоларни тизимли тарзда кўриб чиқмоқ даркор. Масалан, бир оилада фарзанд касал бўлиб қолса, ота-она дарҳол дуч келган одамга даволатмайди. Тажрибали ва кўпни кўрган инсонлар билан маслаҳатлашиб маҳоратли доктор ё табиб топишга ҳаракат қиладилар. Биз ҳам бурч ва масъулиятимизни чуқур англаган ҳолда бу каби муаммолар илдиз отиб кетмаслиги устида тажрибали мутахассислар билан учрашмоқдамиз. Муаммони тизимли равишда бартараф этиш йўллари устида изланмоқдамиз. Мана шундай очиқ мулоқотлар, ўйлайман-ки, халқ дардини енгиллатишда муҳим бир кўприк бўлиб хизмат қилади. Умид қиламан-ки, халқимиз ҳам бу каби ишларда раҳбарларга камарбаста бўлиб ҳаракат қиладилар. Саволингиз учун яна бир бор раҳмат.
Журналист-модератор:
— Жавобингиз учун сизга ҳам раҳмат. Ўйлайманки, юртдошларимиз ўзлари кутган керакли жавобни олишди. Энди, кейинги саволларга навбат берайлик.
Абдулазиз Саидалихонов
61 viewsГулбахор Кобулова, edited 07:04
2022-07-07 15:45:26
#Ним_коса
Бир куни подшо Афандининг ўғлини ҳузурига чақирди. Боланинг қадди-қомати, қоши-кўзи худди отасиникига ўхшар эди. Унинг ақлини ҳам отасиникига ўхшаш-ўхшамаслигини синаш учун болага бир тилла берган эди, у пулни сира олмади.
— Нега тиллани олмайсан?
— Онамдан қўрқаман, у бегона одамдан пул олмагин деган.
— Яша, — хурсанд бўлди подшо,— мен онанг айтган бегона одам эмас, ҳукмдоринг бўламан, ола бер!
— Мен подшо эканлигингизни биламан, онам бунга барибир ишонмайди-да.
— Нима учун? — ҳайрон бўлди подшо.
— Агар подшо пул берса, бир тилла эмас, кўпроқ берар эди, дейди-да.
Боланинг шустрийлигини кўрган шоҳ, унга 100 тилла бериб, вазирликка ишга жойлаб қўйибди...
P.S.: Шу-шу бўлиб, ҳамма шустрийлар катта-катта амалдор бўла бошлабди...
*
Қиссадан хисса: Йиллар давомида мансаб пағонасидан юқорига кўтарила олмаётганингиз сабабини ташқаридан қидиришни бас қилинг.
Ҳаракатда баракат деб бежизга айтишмаган аҳир
@qobulova_gulbahor
74 viewsГулбахор Кобулова, 12:45
2022-07-06 09:28:39
#Шўрпешона
Аломат: Чарчоқ. Ҳолсизлик.
Аёл: -Кун бўйи тинмадим. Шундан бариси.
Аломат: Кўнгил айниши. Қусиш.
Аёл: - Қовун еб, кетидан сув ичмаслик керак эди.
Аломат: Бош оғриғи.
Аёл:- Қусгандан кейин бош оғрийди-да. Танам зўриқди, аҳир.
Аломат: Ҳид, таъм сезмаслик.
Аёл: - Бу ёмон белги. Шамоллаганга ўхшайман. Вақтида дори ичсам бўлар экан. Мана энди, овқат расво бўлиши тайин. Таъм билмаётган одамнинг овқатида маза бўлардими?
Аломат: Истма, ваража...
Аёл:- Ҳалиги, бу шунчаки...Ўшанинг учун-ки..
Шифохона.
Эр: - Доктор билан, мелисага ишинг тушмасин ўзи. Навбатни қара. Бутун шаҳар касалми дейман-а? Бу туришда ҳали узоқ кутамиз шекилли. Ҳудди сени доктирма-доктир олиб юришдан бошқа ишим йўқдай.
Касалман, касалман дейсан. Бир соатдан бери тик оёқда туриб кутишга бинойидек кучинг етяпди-ку. Ёлғон касал. Айёр касал булар...
Аёл: - Кечиринг ҳўжайин. Сизниям роса оввора қилдим. Майли кета қолайлик. Бошқа куни келармиз..
Юпанч: Шифохонага ётқизаман деб туриб олганида ҳам, барибир кўнмасдим. Ёш болаларимни ташлаб у ерда хотиржам ёта олармидим. Шунчаки шамоллаш бу. Ҳар доимгидек бир-икки кун силкитиб олади-да, кейин ҳаммаси яна ўз изига тушиб кетади.
Мусибат: Кутилмаганда аёлнинг жони узилди.( Кимлар учундир бу кутилмаган ўлимдек туюлиши мумкун. Ҳатто биз номини эшитганда бир сесканиб тушадиган ўлим ҳам, инсонлар каби юзсиз бўлолмайди. Жисмингдаги ширин жонингга озор бериб, сени мудҳиш оқибатлардан огох этишга урунади. Токи кеч бўлмасидан унинг ўз жонига дармон тутишга имкони бўлсин. Аммо, ўлим шарпасини сезиб туриб ҳам, ўзини сезмасликка оладиган, ўз жонидан бошқасини сариқ чақага илмайдиган юзи қора одамлар ҳам бор-ки, улар ўз яқинларини аслида ўлим келишидан анча олдинроқ руҳан ўлдириб бўлган бўладилар.)
Ташхис: 90 %ўпка шикастланиши. Карона вируснинг оғир асоратлари.
Эр: -Эҳ нодон хотин. Ақлсиз хотин. Шунча дардинг бор экан, аввалроқ айтсанг бўлмасмиди! Ёш жонинг увол кетди. Увол.. ( Аввалроқ айтиш яна қанақа бўларкин-а? Дардини достон қилиш деганда сендай мунофиқлар нимани назарда тутасанлар !!)
Фожеа: Ўлиб ҳам қутулмади бечора аёл. Уни бепарволикда, бутун дунёни ағдар-тўнтар қилаётган дахшатли хасталикка беписанд қараганликда айблай бошлашди. Кошки, бу жонкуярлар салгина аввалроқ бу шўрпешона аёлга ҳамдард бўла олишганида эди.
Унинг бир умр хокисорлик билан жовдираган кўзлари, бугун жонсиз танаси узра ҳам юмилмай муаллақ қотиб турар, ҳудди аввалгидек ҳокисорлик билан ниманидир англатмоқчи бўлаётгандек кўринарди.
-Кечиринг, кечиринг мурғак нуридийдаларим. Сизнинг порлоқ келажагингиз учун ҳам, ўзимни асрай олишим кераклигини вақтида англай олмаганим учун кечиринг....
@qobulova_gulbahor
222 viewsГулбахор Кобулова, 06:28
2022-07-06 09:17:58
Сабрини синаш учун ёнига шошмадим!
Ўзлари ким эканини билиши учун танҳо деб номладим!
Чиройли бўлмасада гўзал деб атадим!
Яқинлашармикан деб олисладим!
Излармикан деб изламадим!
Ўзлари топсин деб ахтармадим!
Ишончини синаш учун алдаб кўрдим!
Менсиз ҳаёти қандай кечаркин деб ўлиб кўрдим!
Нимаики қилсам шуни ўйлаб, шу учун қилдим!
Аммо......
Бари сохталигини кейин билдим! Кимнинг аслида ким эканини вақт ўтиб билиб олавераркансан! Ҳаётда шунақа арзон одамлар ҳам учраб тураркан!
73 viewsГулбахор Кобулова, edited 06:17
2022-07-03 13:30:55
#Ним_коса
Бугун якшанба, ҳафтанинг 7-куни.
Сиз бу хабарни 7 кишига тарқатинг. Шунда Сиз бу хабарни 7 кишига тарқатган бўласиз...
*
Соддалигимиздан фойдаланиб бизни нуқул мегабайт сарфлаб бўлар-бўлмас уйдирмаларни тарқатишга ундайверадиган дўстларимизга юборамиз
@qobulova_gulbahor
106 viewsГулбахор Кобулова, edited 10:30
2022-07-03 12:25:49
#Туғруқхона...
Гинеколог кўрик учун кирар экан кечагина кўзи ёриган Сурайёга деди:
Яхши овқатланинг. Сизга ҳозир куч керак. Организм ўзини тезроқ тиклаб олиши учун углеводлар, витаминлар ва ёғга бой маҳсулотлар истеъмол қилиш жуда зарур.
Гинеколог кетгач, бироз аввал онаси ташлаб кетган кабоб ёдига тушди.
- Кел шуни иссиғида еб ола қолай. Яна бироз турса совиб, ёғлари қотиб қолади, дея хаёлидан ўтказди Сурайё.
-Гинеколог айтганидек катта-катта ейишим керак. Она соғлом бўлса, бола хам соғлом бўлади-да. Қани Сурайё гапни кичкина гапирсанг хам, нонни каттароқ тишла.
Кабобни ейишга шайланиб турган хам эди-ки, хонага педиатор кўрик учун кириб келди.
-Ие, ие бу қанақаси ойиси? Болангизда қасдингиз борми? Кабоб ейилганидан сўнг сутингизга қанча газ йиғилишини биласизми?
Сизга ҳозир умуман ёғли овқатлар мумкин эмас. Шўр бодринг, ширинликлар хам бордир-а ҳали таомномангизда? Болам азобланмасин, йиғлаб хунобимни оширмасин десангиз, бироз муддат нафсингизни тиясиз энди!
Сурайё кабоб билан "салом-алик" қилишга хам улгурмай, шу заҳоти яна хайрлашди."Шундоқ тураверса хонани ҳидлатиб юборади-да",- дея огоҳлантириш бераётган фаррош аёлнинг сўзини ерда қолдирмай - "Зорманда бузғунчи" кабобнинг масаласини тезроқ "бир ёқлик" қилишсин, дея шартта уларга бериб юборди.
- Яқинларингизга айтинг! Кўпроқ суюқ овқат қилиб келишсин. Фақат мол гўштига. Чақалоғингиз бир ҳаётдан, то иккинчи янги ҳаётига кўникиб олгунча хўрда, мастава каби қайнатма овқатлар билан кифояланиб турганингиз маъқул,-деди педиатор Сурайёнинг боласини бош-оёқ кўрикдан ўтказиб бўлгач.
Шу пайт хонага ҳовлиқиб бир ҳамшира кириб келди.
- Нилуфар Махмудовна кеча туғилган чақалоқларимиздан бири тинмай йиғлаяпти. Зудлик билан 7-палатага борар экансиз!
- Ҳамширанинг авзойидан қўрқиб кетган педиатор оёғини қўлига олиб 7-палата томон ошиқди. Ҳовлиқма, дея тариф берилган ҳамшира қиз, ҳовлиқмагина эмас, ғирт ваҳимани уяси экан. Шундоқ хам минг хаёлда чопиб бораётган докторга тинмай алланималарни шипшитиб кетадими-ей:
- Айтишларича, боланинг ойисига гинеколог қувват бўлади дея, кўза шўрва ичишни тавсия қилган эмиш...
Туғруқхонада ўтган 3-4 кун мана шундай гинеколог ва педиатор қарама-қаршиликларига тўла бўлди. Сурайё "катта-катта" емаётгани учун гинекологдан дакки эшитса, "катта-катта" еяётгани учун педиатор тинмай койирди.
Хуллас "гап еяверишдан" тўйиб кетди. Ва ниҳоят касалхонадан чиқадиган кун хам яқинлашди. Хайрият... Сурайё чақалоғини бағрига босиб, тангрига шу кунларга еткизгани учун хамду санолар айтарди. Уйи томон ошиқар экан, гинеколог ва педиатор яна эски пластинкаларини айлантиришди.... Турмуш ўртоғи билан икки жонкуяр шифокорларга яхшигина "МИННАТДОРЧИЛИК" билдиришиб бўлишгач, Сурайё чуқур тин олар экан турмуш ўртоғига секингина пичирлаб деди: - Адаси "икки қўчқорнинг калласи битта қозонда қайнамайди",- деган мақолнинг асил маъносини биласизми?
- Ҳа биламан. Нима сен билмайсанми? -деди турмуш ўртоғи Сурайёга ажабланиб қараб.
- Биламан, адаси, энди жуда яхши биламан! - деди Сурайё йўлак охиридаги кичкинагина эшикдан баравар киришга уриниб ўзаро тўқнашиб кетган Гинеколог ва педиатор томонга ишора қилиб.
-Чуқурроқ ўйлаб қаралса бу иккисига хам осонмас. Бири онага, иккинчиси бола ҳаётига жавобгар...Она ва болага то уйга жавоб бериладиган кунга қадар ҳеч бир заҳмат етказмасликга уринишади...
Сурайёнинг гапларидан сўнг турмуш ўртоғи мийиғида кулди-да деди:
- Хавотир олма биз бораётган жойда “қозонни фақат битта одам қайнатади”... @qobulova_gulbahor
223 viewsГулбахор Кобулова, 09:25
2022-07-03 11:49:16
Севимли инсонингиз билан жанжаллашсангиз, ўзингизга битта савол беринг.
Сиз ҳақ бўлишни истайсизми ёки бахтли бўлишни?
79 viewsГулбахор Кобулова, edited 08:49
2022-07-03 11:44:24
#Иқрор
Умр йўлларимизда турфа-хил одамларни учратамиз. Яхши, ёмон, манман, калондимоғ, бечора, фақир, бой, камбағал...
Уларнинг хар биридан қисман бўлса-да ўз ҳаётимизга дахлдорлик сезамиз. Қайсидир бири шодлигимизга, бошқалари эса уқубатларимизга сабабчи бўлади. Кўзимизни кулдирганларидан ёқимли, йиғлатганларидан эса аччиқ хотиралар ёдимизда қолади. Истасак-истамасак, ёқтирсак-ёқтирмасак вақти-соати етиб, улар билан йўлларимиз айро тушадиган кун келади. Кимлар биландир бутунлай, яна айримлари билан вақтинча хайр-хушлашамиз. Ҳаёт эса бизни қувончимизга-қувонч, андуҳларимизга-андуҳ қўшиши учун яна янгидан-янги одамлар билан рўбарў қилишда давом этади.
Тақдир ўз вазифасини шу зайлда адо этар экан, кимлардир бахтли, яна кимлардир аянчли қисматимизга замин тайёрлайди. Ўз қўлимиз, инон-ихтиёримизда бўлмайдиган воқеийликлар баробарида ғолиблар ёхуд аксинча мағлублар қаторида саф тортамиз....
Синовли бу дунёда бугун ғолиблар сафида турганлар, мағлубларга ачиниш билан эмас, ҳамдардлик хисси билан боқишни одат қилинг!
Токи кун келиб мағлубият гали сизга етганида, тўрт тарафдан боқаётган ачиниш хиссидан эзилиб эмас, ҳамдард инсонлар кўмагига суяниб яшашга ҳаддингиз бўлсин.
@qobulova_gulbahor
78 viewsГулбахор Кобулова, edited 08:44
2022-07-02 11:28:41
#кулги
Нима учун учишни биладиган эркакларни супермен дейишади, учишни биладиган аёлларни эса ялмоғиз кампир?
Қани адолат!?
Қани гендер тенглик!?
101 viewsГулбахор Кобулова, edited 08:28
Д
