Abu Bakr Fozilov

2023-03-07 21:34:40 Tugadi Kim biladi, kim bilmaydi, Fevral oyi uchun o’zimga o’zim “yakkaxon chellenj” e’lon qilgan edim. Unga ko’ra, har kuni kamida bittadan post kanalga joylab borilishi kerak edi va bu uddalandi! Molodesman) Navbatdagi chellenj - haftasiga 500 betdan… Ochish/sharhlash

2023-03-01 22:01:07 2023-yilning dastlabki bir oyi yakunlandi. “Yangi yildan boshlayman” degan vajlar hammasi esdan chiqdi. Yanvar men uchun hech narsani o‘zgartirmadi, ya’ni men yanvar uchun hech narsa qilmadim. Fevraldan ayrim narsalarni o‘zgartirish qaroriga keldim. O‘zi… Ochish/sharhlash

2023-02-28 20:38:02 Bugun tunda kelarmish bahor…

… va ortiq sovuq yemaymiz, metan zapravkalar ochiladi, hayot yana o’z ritmiga tushadi.

Balkim faqat men uchun shunaqadir, bilmadim-ku, lekin bahorni eng ko’p tarannum etgan shoirlar sovet davrida ijod qilgandek tuyuladi.

Izg’irin paxta dalalari, qahraton qish, ziyolilarga qilingan sovuq va ayovsiz munosabat kabi omillar qalamkashlar uchun bahorga bo’lgan muhabbat va sog’inchni uyg’otgan, deb o’ylab qolaman ba’zida.

P.S: Bu borada boshqacha argument yoki faktlar bordir, izlanib ko’rmaganman.

@phaziloff Ochish/sharhlash

2023-02-27 21:54:58 Yaxshi yozish, to’g’ri savol berish, o’rinli gapirish kabilarni ham san’at turi sifatida tan olib, bu borada vazirliklar tashkil etilishi tarafdoriman)

@phaziloff Ochish/sharhlash

2023-02-26 21:11:21 Qishning tugayotganidan shu yoshgacha bunchalik qattiq xursand boʻlmagandim.

Haliyam anomal sovuqdagi holatimizdan alamzadaman.

Navroʻzda 15-20 tonnalik sumalak yoki osh qilib, yaralarimizni unutishga “yordam berishsa”, hammasi yaxshi bo’p ketadi yana…

@phaziloff Ochish/sharhlash

2023-02-25 21:40:44 TikTok, Instagramdagi ayrim vaynerlar “odamzot butunlay fikrlashdan to’xtadi” deb o’ylay boshlaganiga ancha bo’ldimi?)

@phaziloff Ochish/sharhlash

2023-02-24 21:54:50 Konsert yoqimli bo’ldi)

Qo’llab-quvvatlaganlarga kattakon rahmat!

Yelkadan tog’ ag’darildi)

@phaziloff Ochish/sharhlash

2023-02-23 21:19:25 Ertaga konsert

Qanaqadir motivatsion nimalarnidir yozib tashlashim kerak edi balki)

Ortiqcha emotsiya va bosimlarni o’chirib qo’ydim. Odatiy chiqishlarimdan biri bo’ladi shunchaki. Har kunlik bajarib yurgan ishimdek tasavvur qilishni o’rganyapman. Qayeridadir kulguli bo’lar, balkim zerikarli yoki umuman muvaffaqiyatsiz amalga oshar… Kim bilsin, o’tgan galgidan ham yaxshiroq chiqib qolar, noma’lum. Eskilarini esdan chiqaramiz albatta.

Nima bo’lganda ham barchasini boricha - oddiygina qabul qilmoqchiman. Har holda mendan yaxshi chiqadiganlar talaygina, ana, o’shalar kuldirsin)

Yaxshi chiqsa, omadim keldi, deb hisoblayman. O’xshamay qolsa ham fojeaga yo’yish yo’q. Sizlar ham shunday qilinglar)

P.S: Mazkur kanal shaxsan o’zimga tegishli bo’lib, faqat o’z fikrlarim va kechinmalarim bilan o’rtoqlashib kelmoqdaman. Kuzatayotgan, tushunayotgan va albatta, xalaqit bermayotganlarning har biriga alohida rahmat! Hali ko’p yozamiz)

@phaziloff Ochish/sharhlash

2023-02-22 21:57:01 22-kun

Nimanidir eplab, odatga aylantira olishimga bo‘lgan ishonchim samolarda parvoz qilmoqda)

Kutganimdan ham a’loroq kechyapti o‘zimcha tashkil qilgan chellenjim.

Undan tashqari, kunlik g‘oyalar, gap-so‘z, kechinmalarni yozib borishda gap ko‘p ekan. Fevralning tugamasligini xohlayapman)

Bunaqa chellenjlarni keyingi oylarda ham davom ettirarmiz, kitob o‘qish yoki yana nimadirlar bo‘yicha.

@phaziloff Ochish/sharhlash

2023-02-21 21:07:33 Prokrastinatsiyaga o'ralgan prokrastinator

Siz ham muhim, bajarilishi shart bo'lgan ishlaringizni chetga surib, ahamiyatsiz, ammo sizga zavq beruvchi ishlarga ko'p chalg'iysizmi? Tabriklayman, sizda prokrastinatsiya!

Prokrastinatorlarni yomon odam deb bo'lmaydi. Ular mashaqqatlarga dosh beradi. Axir, muhim ishlarni chetga surib qo'yish, insondan kuch va matonat talab qilishi tabiiy )

Biz doim muhim ishlarni o'z vaqtida bajarmaymiz. Dedlaynga taqab boramiz. Ungacha esa ahamiyat jihatdan 0,01% ham qimmatli bo'lmagan narsalarga vaqtimizni sarflaymiz.

Masalan, men muhim bir kitobni o'qishim, unga taqriz yozishim, u haqida video ishlashim kerak. Ammo men u kitobni o'qish o'rniga YouTube tomosha qilib o'tiribman. Siz hammi? Biz siz bilan qondoshmiz )

Sizda-chi? Prokrastinatsiya mavjudmi?

@marufjonblogi Ochish/sharhlash