YANGI QIZILTEPA

2022-09-24 07:29:39 МАРКАЗИЙ КЎЧА 9 СОАТГА ЁПИЛАДИ

Туман БЎСМ ўйингоҳида профессионал бокс кечаси ўтказилиши муносабати билан ҳамда аҳоли хавфсизлигини таъминлаш мақсадида бугун соат 15.00 дан 23.59 га қадар туман марказидан ўтувчи Ўзбекистон шоҳкўчасида автотранспорт воситалари ҳаракати чекланади. Ochish/sharhlash

2022-09-24 07:00:30 Qiziltepa tumanida “Ijtimoiy moslashuv maslahatxonasida hamkor tashkilotlar bilan hamkorlikni yo‘lga qo‘yish masalalari” mavzusida o‘quv seminari tashkil etildi.

Seminarda Oila va xotin-qizlar davlat qo‘mitasi bo‘lim boshlig‘i B. Qahhorov, Ayollarni reabilitatsiya qilish va moslashtirish Navoiy viloyat hududiy bo‘limi direktori N. Ermamatova, hamkor tashkilot va korxonalar vakillari, mas'ul xodimlar ishtirok etishdi.

Tadbir davomida so‘zga chiqqanlar murojaat qilgan, tazyiq va zo‘ravonlikdan jabr ko‘rgan, og‘ir ijtimoiy ahvolda qolgan xotin-qizlarga va ularning farzandlariga birinchi bepul tibbiy yordam ko‘rsatish, ularni o‘zining tasarrufidagi tibbiyot muassasalarida bepul davolash, murojaat qilgan ayollarning voyaga yetmagan farzandlari bilan psixologik ishlash bo‘yicha ma'lumotlar berildi. Shuningdek, gender zo‘ravonlikning xotin-qizlarga va ularning farzandlariga ta'siri, oqibatlari to‘g‘risida tavsiyalar berildi. Ochish/sharhlash

2022-09-24 06:30:44 Нима учун тиззалар ёмғир пайтида оғрийди?


Бўғимларнинг тоғай тўқимаси синовиал суюқлик ҳосил қилади, бу эса бўғимдаги суякларнинг ишқаланишида муҳим аҳамиятга эга.

Атмосфера босими кўтарилганда қон томирлари қон босимини ошириш учун тораяди. Шу сабабли синовиал суюқлик ишлаб чиқариш камаяди. Унинг етишмаслигидан бўғимларда оғриқ пайдо бўлади. Ochish/sharhlash

2022-09-24 05:55:16 Бугунги бокс оқшоми "Меридиан"дан "Марказий" стадионга кўчирилди

Бугун Навоий вилоятининг Қизилтепа тумани Тўдакўл соҳилидаги "Меридиан" дам олиш масканида ўтказилиши белгиланган профессионал бокс кечаси манзили ўзгарди.

Об-ҳаво шароити ҳамда кўплаб бокс мухлисларининг фикр ва таклифларини инобатга олган ҳолда бугунги профессионал бокс кечаси "Меридиан"дан Қизилтепа тумани марказидаги "Марказий" стадионга кўчирилди.

Навоий вилояти ҳамда Қизилтепа тумани ҳокими соврини учун ташкил этилаётган профессионал бокс оқшоми соат 18.00да "Марказий" стадионида бошланади.

Ўзбекистон профессионал бокс федерацияси матбуот хизмати

Обуна бўлинг Телеграм Ochish/sharhlash

2022-09-24 05:00:37 #Қонунчиликдаги_янгиликлар

Фойдаланилмаётган объектларга нисбатан оширилган солиқлар натижасида ҳосил бўлган қарзлар ҳисобдан чиқарилди

“Таъсирчан солиқ механизмини қўллаш натижасида ҳосил бўлган солиқ қарзини ҳисобдан чиқариш тўғрисида”ги Президент фармони (ПФ–218-сон, 09.09.2022 й.) қабул қилинди

Фармонга кўра, фойдаланилмаётган объектлар мулкдорларига нисбатан оширилган ставкаларда қўлланилган таъсирчан солиқ механизми натижасида ҳосил бўлган мол-мулк солиғи ва ер солиғи бўйича:

мавжуд солиқ қарзи ҳисобдан чиқарилади;
солиқ қарзини ундириш билан боғлиқ суд ва ижро ишлари тугатилади.

2022 йил 1 июлдан мазкур Фармон кучга киргунга қадар бўлган даврда таъсирчан солиқ механизмини қўллаш натижасида ундирилган солиқ келгуси тўловлар ҳисобига мулкдорларга қайтарилади.

Эслатиб ўтамиз, 2022 йил 1 июлдан бўш турган бинолар, фойдаланилмаётган ишлаб чиқариш майдонлари, яшаш учун мўлжалланмаган иншоотлар, тугалланмаган қурилиш объектларига ҳамда ушбу объектлар билан банд ерга мол-мулк солиғи ва ер солиғининг оширилган ставкаларини қўллаш, солиқ имтиёзлари ва преференцияларнинг амал қилишини тўхтатиш тартиби бекор қилинган Ochish/sharhlash

2022-09-23 20:00:33 ШОШИЛИНЧ ХАБАР!

Кўплаб тумандошларимизнинг фикр ва таклифларини инобатга олган ҳолда эртага Тўдакўл соҳилидаги "Меридиан" дам олиш масканида ўтказилиши режалаштирилган "Профессионал бокс кечаси" туман марказидаги Марказий ўйингоҳга кўчирилди.

Бокс кечаси соат 18.00 да бошланади. Ochish/sharhlash

2022-09-23 19:30:39 МАТБУОТ АНЖУМАНИ ЎТКАЗИЛДИ

Бугун "Профессионал бокс кечаси" олдидан боксчилар тарозига чиқиб, "Face to face" ("Юзма-юз") тадбирларидан сўнг журналист ва блогерлар учун матбуот анжумани ҳам ўтказилди.

Матбуот анжуманида ташкилотчилар ушбу бокс кечаси қандай ўтиши, кимлар ўртасида жанглар бўлиши бўйича маълумот беришди.

Шунингдек, матбуот анжуманида эртага профессионал боксдаги дебютини ўтказадиган боксчилар ҳам бокс кечасидан кутаётган воқеаларини сўзлаб беришди.

#матбуот_анжумани Ochish/sharhlash

2022-09-11 14:02:30 50 СЎМ ҲАМ КАМ БЕРМАЙСИЗЛАР

Туман ҳокими У. Файзиев бугун Ўртачўлда эканлиги ҳақида хабар берган эдик.

Ташриф жараёнида ҳоким Ўртачўлдаги ҳар бир ҳудудга бориб, фермерлар билан ҳам учрашди. Учрашувларда пахта йиғим-терими жараёнини янада уюшқоқлик билан бажариш, теримчилар учун тушлик тайёрлаш ва доимий равишда қайнатилган сув билан таъминлаш бўйича қатъий топшириқ берилди.

Шунингдек, ҳоким теримчиларнинг ҳақига хиёнат қилмасликни алоҳида таъкидлаб, "Теримчиларга терган ҳар бир килограмм пахта учун 1500 сўмдан пул беришларингиз лозимлигини яна бир бор эслатмоқчиман. 1500 сўмдан 50 сўм ҳам кам бермайсизлар!" — деди У. Файзиев.

Шунингдек, учрашув давомида ғалла экишга тайёргарлик кўриш, экиш ишларини тезлаштириш бўйича ҳам топшириқлар берилди. Ochish/sharhlash

2022-09-11 13:06:26 ҚИЗИЛТЕПА ТУМАНИ ҲОКИМИ ЯКШАНБАНИ ПАХТА ТЕРИМИГА БАҒИШЛАДИ

Қизилтепа тумани ҳокими У. Файзиев бугунги якшанбанинг эрта тонгидан Ўртачўл томон йўл олди. Айни пайтда пахта йиғиш-терим ишлари юқори суръатларда давом этаётган ушбу ҳудудда ташриф жараёнида туман ҳокими "Хазина-2000" фермер хўжалиги далаларида бўлиб, пахта теримида иштирок этаётган теримчилар билан кўришди. Улар билан суҳбатлашиб, меҳнатларига раҳмат айтди ҳамда бир гуруҳ теримчиларга эсдалик совғаларини топширди.

Ташриф жараёнида ушбу фермер хўжалиги томонидан такрорий экин сифатида етиштирилаётган соя ва кунжутнинг ҳам ҳолати кўздан кечирилди. Ochish/sharhlash

2022-09-11 08:17:53 #live

Айни пайтда туман ҳокими У. Файзиев Ўртачўл ҳудудидаги пахта етиштирилган далаларда теримчилар билан учрашмоқда. Ochish/sharhlash