#ПРЕМЬЕРА Борингни берганинг етмади менга... Она... Сочлари | Калбимда Сенсан
#ПРЕМЬЕРА
Борингни берганинг етмади менга...
Она... Сочларингни қорасин олдим,
Гоҳ дилинг поралаб, порасин олдим,
Ёшлик, кексалигинг орасин олдим,
Борингни берганинг етмади менга...
Юзларинга ажин солган ҳам менман,
Кўзларинг нурини олган ҳам менман,
Бугун аламларда қолган ҳам менман,
Борингни берганинг етмади менга...
Қийнадим неча йил ҳасратим билан,
Юрганман юракда ғафлатим билан,
Турибман ўзимга нафратим билан,
Борингни берганинг етмади менга...
Беминнат экан деб таладим тинмай,
Олис юравердим қадрингни билмай,
Яшадим бир сенга яхшилик қилмай,
Борингни берганинг етмади менга...
Сени соғинтириб қаритган ўзим,
Йўлимга қаратиб хоритган ўзим,
Кўнглингни ғамларга қоритган ўзим,
Борингни берганинг етмади менга...
Бугун англаб етдим қусурларимни,
Қандай оқлай сенсиз хузурларимни,
Қабул қиласанми узурларимни,
Борингни берганинг етмади менга...
Она... Сочларингни қорасин олдим,
Гоҳ дилинг поралаб, порасин олдим,
Ёшлик, кексалигинг орасин олдим,
Борингни берганинг етмади менга...
Муаллиф: Зоҳид Зиё...
➪ @QALBGAVHAR
Яқинларингизга улашинг, обуна бўлишни унутманг!!!
