2022-06-06 08:56:03
Senga aytadigan so'zim yo'q boshqa,
Mening sukutimdan diling dard tortsin.
Tunning xanjarlari ko'ksingni tilib,
Subhi saharlarda g'amlar uyg'otsin.
Endi behud chekkan afsus nadomat,
Tugadi tamoman sabrim bardoshim.
Mening yuragimni muzlatib qoʻydi,
Keragidan ortiq to'kilgan yoshim.
Kimning aybi bo'lsa Xudoyimga sol,
Hisobini qoldir qiyomat kuni.
Diling og'rishini istamasang gar,
O'tinib so'rayman so'zlatma meni.
Sendan ko'rmaganim qanday g'am qoldi,
Nechun bu iztirob bu jabr-u jafo.
Ket endi ko'zinga boqqanim sari,
Bo'g'ilib boryapman etmayin havo.
Haqqing yo'q so'roqlar etmagin meni,
Ne qilsam meniki savobu-gunoh.
Sen ketsang yuragim qolmaydi to'htab,
Omonat jonimning egasi Olloh.
Sen deya ,sevgi deb olovda yongan,
Dilim dardlarini qayga ko'chiray.
Jonimni azoblar bagʼriga otib,
Mendan kechganlaring qanday kechiray.
210 viewsTimur, 05:56