2023-01-23 17:26:43
Илохий иштирокчиларимизнинг натижаларини бўлишишда давом этамиз!
НУР ОИЛАМИЗ!
ГЎЗАЛ СЕВГИ ФАРИШТАЛАРИ!
Мен Жаннат Онги курсига илк тўлов қилганимда менда жиддий касаллик бор эди ва оилавий ҳаётимда турмуш ўртоғим билан муносабатим нафрат, ғазаб, алам, кўз ёш, хиёнат, алкогол, назорат, контрол ва кучли тажовузкорлик асосида эди. Мен дарсга ўзим йиққан пулим билан бўлиб-бўлиб тўлов қилганман. Агар пул топа олмай қолсам онам берган тиллаларимни сотишни мўлжал қилиб қўйган эдим (ўша пайтдаги ишончсизлик, жабрдийдалик, камбағаллик онгида бошқача ўйлай олмас, бошқа йўлни билмас эдим).
Кун бўйи турмуш ўртоғим ва мен ишда кўчада бўламиз. Дарсни ўша пайтда тинимсиз эшитар эдим. Турмуш ўртоғим уйга жуда кеч қайтар ёки қайтмас ҳам эди, ўша пайтда дарс қилар эдим. Тинмай ёзар эдим. Умуман дарсни билдирмадим. Эрим бн жуда кучли, кескин кўтарилишлар жанжаллар бўлди. Лекин бу кўтарилишлар, жанжалларда дарсга оид ҳеч битта билим, маълумотни тилимга олмадим. Онг деган сўзни умуман ишлатмадим. Яъни сен унақа йўлни, мен бунақа йўлни танлаганмиз, сен унақа онгда, мен бунақа онгдаман, танлов каби сўзларни мутлақо ишлатмадим. Бир марта телефонимни текшириб нима дарс у деб сўраб қолди. Шартта Сапфирияни текин дарсини
Соғлом Руҳни очиб кўрсатдим. "Стрессга тушмаслигим, даволанишимга ёрдам бўлиши учун эшитяпман. Истасангиз эшитиб кўринг" дедим. Йўқ эшитмайман деди. 1-2- курсда мутлақо ўзим билан ишладим. Ўзимдан бошқа ҳеч кимга ҳатто эримга ҳам деярли ҳеч нима ёзмадим. Аммо мен фақат ўзим билан ишласам ҳам эрим ўзгара, юмшай бошлади. Ҳатто психологлар ҳақида гапириб ҳозирги замонда одамга психолог керак чет элда деярли ҳар бир оилани, ҳар бир одамни доимий борадиган психологи бор деб қўяр эди. Лекин барибир курс ҳақида айтмадим. У бошқалар орқали билиб қолганида ҳам курс нархини 100$ деб айтдим. Шунда ҳам 100$? деб ваҳима қилди. Лекин мен курс фақат соғлиқ ва стрессга қарши кураш методлари ҳақида дедим.
3-курсда тўлиқ эрим билан ишладим. Эритдим, фотиҳа бердим, севги бердим, эритдим ва у бутунлай Нур, Севги Онгида қайта туғилди. Мен сиз Нурли Гўзал Оиламиз Фаришталарини ўқиб баъзида курсда олган Нурли билим ва янги Нур Онги частоталарини эрларингизга қарши қўллаётганингизни кўраман, улар билан курсдаги маълумотлар, билимлар тилида гаплашаётганингиз, сен у онгда, мен бу онгда, бу сени йўлинг, бу мени йўлим каби гапларизни кузатаман.
Ҳурматли СЕВГИЛАРИМ сизларга чуқур Севги ва Ҳурматда бу барбод қилиш, бўлиш онги эканини айтмоқчиман. Мен эр билан нафрат, хиёнат, оғриқ, калтак, алам билан яшашни, ажрим қарорига келишни барча оғриқларини, хўрликларини, ерга урилишни босиб ўтган, бу аламларни чеккан бир қисмингиз сифатида айтаманки бу курсда ўрганган билимларингизни эрингиз билан жанжалга, нафратга, унга ақл ўргатишга ва ажримга сарф этманг. Бу барбод қилиш, бу мана олдин сен ундоқ дегандинг, қилгандинг, энди мени навбатим мен бундоқ дейман ва мундоқ қиламан дейиш билан тенг. Бу масъулиятсизлик, бу ҳалиям жабрдийда ва улғаймаган бола онгида айблаш, таъзирини бериб қўйишдан бошқа нарса эмас.
Курсни курсдаги барча ЖОНЛИ НУР БИЛИМЛАРИНИ ЭНГ АВВАЛО ЎЗИНГИЗГА БЕРИНГ!!! Кейин эса бу НУР ЧАСТОТОЛАРИ орқали барча вазиятларни (қанчалик ириб чириб йиринглаб кетган вазият, инсон, муносабат бўлмасин) қандоқ бўлса шу ҳолича масъулият ва ҳаққонийлик билан шу ҳолича СЕВГИДА қабул қилинг, Севги беринг, Оқ фотиҳа беринг, Севинг, тан олинг, эритинг, координаталар беринг, ҳар бир жараённинг, вазиятнинг Асл Генларини уйғотинг кейин вазиятлар ўзи эриб Биринчи Проекцияси очилиб боради, илоҳий тартиб билан ўз ўрнига келади!
6.5K viewsedited 14:26
С
