«ПсихоБЛОГ»

2022-08-27 21:53:14 Киролмаганларни эса икки марта табриклайман. Ҳаёт сизларга тил ўрганиб чет элда сифатли таълим олиш учун зўр имконият бермоқда)) Ochish/sharhlash

2022-08-27 21:50:42 Ўқишга кирганларни табриклайман) Ochish/sharhlash

2022-08-27 21:33:23 Мандат чиқибдими? Ochish/sharhlash

2022-08-27 13:42:42 Социолог, олима аёл Дилсора Фозилова ёзмоқда:

"Платформани билимсиз, фикрсиз муллаларга бериб қуйдингиз. Аёлга босим кучайиб кетди. Уни кийимидан тортиб, қиладиган ҳар бир ҳаракати кеча-кундуз муллаларнинг таҳлилида бўлди. Улар оғиз кўпиртириб тасвирлаётган жаннати аёл бўлиш имконсиз бўлиб қолди жамиятда. Чунки шундоқ ҳам борини бериб яшаётган эди Ўзбек аёли.

Очиқдан-очиқ эрни қиролга, хотинни чўрига тенг дедилар. Аёлни уриб, жисмонан азоб бериш жоиз дедилар. Аёлларнинг энг зўри умуман гапирмайдигани дедилар. Аёлнинг эри урган жойи дўззахда куймайди дедилар. Сиз индамадингиз! Энди бу муллалар аёлга қуйган стандартларга тушолмай битта-битта бўғизланаяпти улар. Яна айб ўзларида уларни, чунки муллалар айтган аёл бўла олмаяптилар. Қонунлар эса аёллар учун ишламайди, чунки қонунчилар ҳам муллалардан сабоқ олдилар. Чунки эркаклар қонунларни айланиб ўтадилар аёллар эса ўтолмайдилар.

Сиз давлат тепасида турган раҳбар жаноблар, хатоларингизни кўраяпсизми? Олдин чаласавод муллаларингизни йиғиштиринг. Кейин зўравонларингизга қарши кучли қонунлар ва уларнинг ижросини мустаҳкамланг. Аёл ҳам инсон! У бирор томонлама бирортангиздан кам эмас!" - дейди Дилсора Фозилова.

@PsixoBLOGuz Ochish/sharhlash

2022-08-27 07:36:50 Хотинини уриб ўлдириб қўйган эркак ва унинг бу "қаҳрамонлиг"ини олқишлаган ижтимоий тармоқ фаолларини кузатиб, бир мулоҳаза келиб қолди.

Ўзбек жамиятида, айниқса ёшлар орасида зўравонлик ва куч ишлатиш культи кучайиб бормоқда (олдин кучсизмиди? Буни билмадим). MMA каби спорт турларига қизиқиш ошиши бежиз эмас, бу ҳам зўравонлик культи шаклланаётганидан далолат.

Зиёлиларнинг ҳам дийдаси қаттиқлашиб бораётганига гувоҳ бўлмоқдамиз. Ўлим жазосини қайтариш талаблари кўп янграмоқда.

Зўравонлик культи ҳукм сурадиган жамиятларнинг биринчи қурбони одатда аёллар бўлади: ҳуқуқлари топталади, уларга нисбатан куч ишлатилади, айб аёлларнинг "бузилиб" кетишидан қидирилади. Бунга реакция ўлароқ феминистик ҳаракат шаклланади.

Ўзбек жамиятида ҳозирча жараён бошланғичида турибди: аёлларга қарши куч ишлатилиши, уларнинг ҳуқуқлари бузилиши энди-энди оммавий майдонга чиқмоқда, муҳокамага сабаб бўлмоқда. Муҳокамаларда ҳозирча анъанавий қараш устуворлик қилмоқда: ҳатто ўзини зиёли ҳисоблаган одамлар ҳам бемалол "хиёнат қилган бўлса, ўлдириб тўғри қипти", "аёлнинг ўзи айбдор" қабилидаги жиноий нуқтаи назарда трансляция қилмоқда, куч ишлатилиши, ўлим фожиа деб қабул қилинмаяпти.

Кейинги босқич одатда кучли феминистик ҳаракатнинг шаклланиши бўлиши керак. Аммо ўзбек жамияти ижтимоий-сиёсий онг ривожи нуқтаи назаридан шу қадар орқадаки, ҳаливери бу босқичга ўтмасак керак. Қолаверса, ўзбек консерватизми ҳали жамиятимизда шаклланиб улгурмаган қараш ва ҳаракатларга қарши кескин негатив кайфият шакллантириб олган: атеизм ҳали ҳаракат ўлароқ шаклланмаган, лекин атеизмга қарши тарғибот айни авжида, феминизм ҳали тузукроқ кучга айланмаган, лекин консерваторларга тегишли ресурсларга тинмай феминизмга нафрат сочилади, либерал давра тўрт-беш одамдан иборат, бироқ либерализмни ёвуз куч деб эълон қилишга улгуришган.

Менимча, ечим омманинг савия ва билимини оширишда, шу жумладан, феминизм, либерализм сингари қарашларни яхшилаб тушунтиришда бўлса керак. Ҳозир ҳатто зиёли, ўқимишли ёшлардан ҳам феминизм ёки либерализм ҳақида, "чириган" Ғарб ёки "ёвуз" пантуркизм ҳақида стереотипларга асосланган хулосаларни эшитиш мумкин: либерализмни фақат ЛГБТ, феминизмни фақат фаҳш, пантуркизмни Туркия гегемонияси деб тушунадиганлар, менимча, кўпчиликни ташкил этади.

Бундай стереотиплар асирига айланган одамлар билан тенгма-тенг баҳс юритиб ҳам бўлмайди, зеро улар мутлақ ҳақиқат деб қабул қилиб олган қарашларини шубҳа остига олишга, танқидий таҳлил қилишга қодир эмас. Аввал одамларни фикрлашга, таҳлилга ўргатиб бориш керак. Хуллас, ечим маърифат бўляпти. Ҳар доимгидай.

@AsanovEldar Ochish/sharhlash

2022-08-25 11:37:25 #йўлдагиўйлар

Бакалаврда ўқиганимда бир домламиз "Сенларнинг билиминг мен учун бир тийин" деб дарс бошларди. Якунлашни ҳам шу гап билан якунларди. Бир домла тилидан айтилган ушбу сўзлар бутун жамиятга сингиб кетганини англамаган эканман. Шу кунларда жуда ҳам яхши англадим. Ochish/sharhlash

2022-08-23 19:23:36 Аҳлоқ эволюцияси ҳақида инглизча википедияда мақола бор экан. Қизиқ... https://en.wikipedia.org/wiki/Evolution_of_morality Ochish/sharhlash

2022-08-21 19:38:58 Аҳлоқ эволюцияси ҳақида инглизча википедияда мақола бор экан. Қизиқ...

https://en.wikipedia.org/wiki/Evolution_of_morality Ochish/sharhlash

2022-08-20 20:15:37 Буллинг

Мактабда табиатан нимжонроқ, кучсизроқ ўғил/қиз болалар кўпинча буллинг(безорилик, зўравонлик, масхаралаш) қурбонига айланиш ҳолатлари мавжуд. Негаки, бундай болалар мўмин-қобил, тарбияли бўлиб бировга озор етказа олишмайди. Афсуски, шундай болалар ижтимоий иерархиядаги кучлиларнинг зўравонлигига учрайди.

Мана шундай ҳолатларда улар кимгадир мурожаат қила олишлари учун психологик тайёр бўлишлари лозим. Аниқроғи уларни тайёрлаш керак бўлади. Буллингга учраган/учраётган ўсмир бу ҳақида кимгадир айта олиши лозим. Аммо безорилар буни терпилалик/козёллик дегани сабаб мазлум яна безорилар қўлида қурбон бўлишда давом этади.

Шу сабабдан ҳам буллингга қарши мактаб ҳодимлари тарғибот ишларини олиб боришлари лозим(Бу борада фуқаролар фаоллиги ҳам муҳим ўрин тутади). Ўқувчилар буллингга учраётганликлари ҳақида айта олишлари учун имкон бўлиши керак. Бу терпилалик/козёллик, уят ёки қўрқоқлик эмаслигини тушунтириш жуда муҳим.

Нега?

Чунки муттасил давом этувчи буллинг психикаси таъчирчан ўсмирларни энг камида:

— дарсларни яхши ўзлаштирмаслигига олиб келса;

энг кўпида эса:

— депрессияга тушириб суицидгача етаклаши мумкин.

PS. Мазкур постни ёзишда қуйидаги видео сабаб бўлди. Видеони барча яқинларингиз билан ўртоқлашинг. Ота-оналар, мактаб психологлари, ўқитувчилар ушбу видеони ўқувчиларга қўйиб беришса ҳам фойдадан ҳоли бўлмас эди.

Видеони кўриш




@PsixoBLOGuz Ochish/sharhlash

2022-08-20 18:34:57 Мен 11-сентябр фожиаси Америка махсус хизматлари томонидан уюштирилганига бутунлай ишонч ҳосил қилган киши билан гаплашдим. Бироқ, маълум бўлишича, у конспирологларнинг отаси Ян Крейннинг катта мухлиси эмас экан. Мен ундан модомики 11-сентябр воқеалари ҳақиқатан ҳам давлат идораларининг буйруғи билан содир бўлган бўлса, нега фитнани уюштирганлар Ян Крейнни йўқ қилишмаганини сўрадим. У елкаси оша кўз ташлади-да, мен томон эгилди. Унинг сўзларига кўра, Ян Крейн ҳукуматга ишлайди, мақсад эса конспирологларни аҳмоққа чиқариб уларни обрўсизлантириш деб айтди.

Rob Brotherton, Suspicious minds: Why We Believe Conspiracy Theories

@PsixoBLOGuz Ochish/sharhlash