Ибрат

2021-02-01 18:48:23 Бугун бир олимнинг маърузасидан эшитганларим: "Биз шундай бир аҳволга тушиб қолдикки, намозни роҳатланиш учун эмас қутулиш учун ўқияпмиз. Ўтиришларда хуфтон вақти кирганда орада бир киши: "туринглар хуфтон ўқиб олайлик кейин бемалол маза қилиб ўтирамиз", дейишади.
Аслида биз намоз билан роҳатланишимиз керак эмасми? Росулуллоҳ соллолаҳу алайҳи васаллам. "Тур эй Билол азон айтиб, такбир айтиб бизни роҳатлантир", дейишарди. Намоз вақти кирса Росулуллоҳ роҳатланардилар. Ҳозирги одамлар эса намоз тугаса роҳатланадилар!

Бу фикрлар ўзимга ҳам тегишли. Ochish/sharhlash

2021-01-31 04:39:29 Ҳикмат

Ер юзида иймон лаззати каби бошқа лаззат йўқдир.

Шайх Алий Тантовий роҳимаҳуллоҳ

@iybrat Ochish/sharhlash

2021-01-30 18:36:21 «Инсон Қуръондан иймони ва тақвоси миқдорича маъно олади».

Абдуллоҳ ибн Умар розияллоҳу анҳу

@iybrat Ochish/sharhlash

2021-01-29 12:36:06 Mehnatdan terlasa zo'r peshonadir,
Devorga tegmasa g'o'r peshonadir,
Ming bir peshonada ming bitta bitik...
Sajdaga tegmasa sho'r peshonadir!!!

@iybrat Ochish/sharhlash

2021-01-29 09:39:08 Абдуллоҳ ибн Аббос розияллоҳу анҳумо дедилар:
"Одамларни бойлиги учун ҳурмат қилиб, камбағаллиги учун ерга урган кимса малъундир".

@iybrat Ochish/sharhlash

2021-01-28 14:31:29 Абдуллоҳ ибн Аббос розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам:
«Агар Одам боласига (бир) водий тилла бўлса, яна унга икки водий (тилла) бўлишини яхши кўради. Унинг оғзини фақат тупроқ тўлдиради. Аллоҳ таоло тавба қилган кишиларни тавбасини қабул қилади» дедилар

@iybrat Ochish/sharhlash

2021-01-28 09:02:48 Milliarder Igor Ribakov ipotekani zamonaviy qullikning bir turi deb bilishini aytdi. Ribakov, ipoteka kreditini olgan odamlar doimiy ravishda ishlarini yo'qotilishidan qo'rqishadi, deb hisoblaydi.

Siz ipoteka kreditiga qanday qaraysiz?

@iybrat Ochish/sharhlash

2021-01-28 08:12:48 Қуръон фақат ҳақиқий мўминлар учун ҳидоят манбаи, шифо хазинасидир. Аллоҳга имон келтирган кишилар Қуръон билан эзгулик йўлини топадилар, ҳалолни ҳаромдан, оқни қорадан, яхшини ёмондан ажратадилар

@iybrat Ochish/sharhlash

2021-01-28 07:00:50 Амаллар баёни

Мукаллаф киши бажарадиган ва қилишдан сақланадиган амаллар шундай номланади:

1. Фарз. Бажариши шарт бўлиб, уни қилган киши савобга эга бўлади, бажармаса, қаттиқ гуноҳкор бўлади. Агар фарзлигига ишонмаса (менсимаса, қасддан тарк этса), кофир бўлади.

2. Вожиб. Бу амални бажарган киши савобли бўлар, бажармаган катта гуноҳкор бўлиб азобга қолар, ишонмаса кофир бўлмайди, аммо азобга қолар.

3. Суннат. Пайғамбаримиз соллаллоҳу алайҳи васалламнинг йўли демакдир. Қилса савоб, қилмаса гуноҳкор бўлмайди, бироқ пайғамбаримизнинг шафоатига лойиқ бўлмас.

4. Мустаҳаб. Бу Муҳаммад соллаллоҳу алайҳи васалламнинг кўп вақг қилиб юрган ишларидир. Қилса савоб, қилмаса гуноҳкор бўлмайди, лекин савобдан маҳрум бўлади.

5. Мубоҳ. Қилса савоб йўқ, қилмаса гуноҳ йўқ. Банданинг ихтиёридаги ишлардир: тўйгунча емоқ, ухламоқ, зарарсиз сўзларни сўзламоқ. Агар буларни ниятида Аллоҳни зикр қилса, савобга эришади.

Юқоридаги 5 амал банданинг бажариши ишларнинг номидир.

Банда сақланиши зарур бўлган амаллар қуйидагилар:

1. Макруҳ. Шариатда ман қилинган бўлиб, қилса гуноҳ, тийилса савобдир.

2. Ҳаром. Қуръон ва суннатда қилма деб қатъий ман қилинган амаллар. Уларни қилса гуноҳкор бўлур, азобга қолур ва қилмаса, тўхталса савобдир. Агар унинг ҳаромлигига ишонмаса ва ҳалол деса кофир бўлур. Бунга ёлғон сўзламоқ, ғийбат қилмоқ, чақимчилик, ароқ ичмоқ, шариат ҳаром қилган ҳайвон гўштлари, Бисмиллоҳсиз сўйилган гўштлар (Аллоҳдан ўзга нарсаларга атаб сўйган бўлса, Бисмиллоҳ деса ҳам), зино кабилар киради. Яна шундай тушуниш керакки, пулни ҳаромдан топиб, масалан, рибо (процент), бировнинг ҳақки қўшилган пул, ўғрилик билан топилган пулларга олинган ҳалол нарсалар ҳам ҳаромдир.

3. Мустакроҳ. Буни қилган инсон беодоб саналиб, қиёматда унинг итобга (азобга) қолиш хавфи бор. Кекирмоқ, тикка туриб таом емоқ, кўчаларда таом емок, луқмалардан катта олмоқ кабилар шулар жуумласидандир.

4. Муфсид — бузувчи деган маънодадир. Масалан, таҳорат, намоз, рўза, ҳаж амалларида содир бўлса, уни бошқатдан қилиш лозим.
Бу амалларнинг номини ёдлаб, маъносини англаб олиш лозим. Шунда исломдаги китобларни ўқиш уни англаш осон бўлади.
Эй “бандаи ожиз”, албатта, Аллоҳга қайтмоғимиз ҳакдир, Умринг қанча қолди, фақат ёлғиз Аллоҳга аёндир. Сен шундай яшагинки, ҳозир ўладигандай. Аллоҳимнинг берган неъматларидан унумли фойдалан. Ўтган умрингга надомат қил. Вақт орқага қайтмас! Буни доим фикр қил. Бутун мулкнинг, неъматнинг эгаси Ҳолиқ эгам бир кун сенга берилган бу неъматларни сўрашини унутма. Буйруқларига шошил!
Дунёга, шайтонга, нафсга қуллик қилма. Булар сенинг душманингдир!
Катта ғаминг дунё бўлмасин. Сен югурган билан Кузатувчи Хабардор эгам ўлчаб қўйган ризқни оласан У Зот ўлчаган ризқ чегарасидан ҳаргиз ўтолмайсан. Буни яхши бил ва ризқингни Унга таваккал қил!
Ислом йўли очиқ турганда унга амал қил ва мусибатнинг динга келишидан Раҳмон эгамдан паноҳ сўра!
Ҳар кунлик вазифани тайин кил ва ўтган гуноҳларинг учун надомат қил, йиғла, ўрнини яхши амаллар билан тўлғазишга шошил, тавба қил!


ИБРАТ Ochish/sharhlash

2021-01-27 14:41:11 Кеча узундир, уйқунг билан қисқартирма! Кундуз покизадир, гуноҳинг билан ифлос қилма!

Яҳё ибн Муоз роҳимаҳуллоҳ

@iybrat Ochish/sharhlash