2023-04-08 14:15:08
“China First Highway Engineering Co., LTD” mutasaddilari bilan uchrashuv
Toshkent shahar hokimi o‘rinbosari Sharof Raxmanov Xitoyning “China First Highway Engineering Co., LTD” kompaniyasi mintaqaviy menejeri Yuan Yan bilan uchrashdi.
O‘zaro muloqot davomida ikki tomonlama hamkorlik aloqalarini yo‘lga qo‘yish va rivojlantirish masalalari muhokama etildi.
Sharof Raxmanov mamlakatimizdagi qulay investitsiya muhiti haqida ma'lumot berib, ijtimoiy soha, ekologiya, obodonlashtirish, sanoat ob'ektlarini, shuningdek, transport yo‘llari, ko‘priklar va tunnellarni barpo etish yo‘nalishlarida qo‘shma loyihalarni amalga oshirish istiqbolli ekanligini ta'kidladi.
Bundan tashqari, mehmonxonalar, istirohat bog‘lari, savdo-ko‘ngilochar va biznes markazlarini qurish bo‘yicha ham hamkorlikni yo‘lga qo‘yish mumkinligi aytib o‘tdi.
Tomonlar amaliy muloqotlar davom etishini bildirishdi.
Ma'lumot uchun: kompaniya infratuzilma obyektlarini qurish bo‘yicha Xitoyda 1-o‘rinda turadi va mamlakatda barpo etilayotgan infratuzilma obyektlarining 60 foizi aynan shu kompaniya hissasiga to‘g‘ri keladi. Kompaniyaning bosh ofisi Pekin shahrida joylashgan bo‘lib, dunyoning 30 dan ortiq mamlakatida vakolatxonalari mavjud.
2.6K viewsedited 11:15