Орзиқиб кутилган илк вакцина. Асосий янгиликлар! Мазкур икки ампуладан иборат вакцинага "Спутник V" дея ном берилди. У юқори самарадор ва хавфсиз саналиб, иммунитетни 2 йилгача шакллантиради.
Вакцинани олган кўнгиллилар ўзини яхши ҳис қилган. Улар орасида Путиннинг қизи ҳам бор.
Россияда оммавий эмлаш октябрь ойидан бошланади, шифокорлар эса сентябрь ойида вакцинани оладилар.
Вакцина 18 ёшдан 60 ёшгача бўлганларга укол орқали амалга оширилади - дастлаб биринчи ампуладаги вакцина, уч ҳафтадан сўнг эса иккинчиси берилади.
Россия вакциналари 5 мамлакатда йилига 500 миллион дозада ишлаб чиқарилади. Ҳозирнинг ўзида 20дан ортиқ давлатдан 1 миллиарддан зиёд вакцинага буюртма тушган.
Мазкур кашфиётни ЖССТ яқин орада ўз вакциналари рўйхатига киритиши кутилмоқда.
