Плацебо

2020-12-01 09:43:05 ​Tabiiy resurslar la'nati. (To'kin-sochinlik paradoksi)

Juda yaxshi hayot sharoitlari jamiyatga salbiy ta'sir ko'rsatib, oxir-oqibat mutlaq tanazzulga olib kelishi haqida hikoya qilgan edik. Bugun ham bir qarashda yaxshi hisoblangan ustunliklar hayotda davlat uchun katta kamchilikka aylanishi mumkinligini ko'rib chiqamiz.

Venesuela - dunyodagi eng katta neft zahirasiga ega davlatlardan biri. Lekin o'tgan yilgi inqiroz natijasida mamlakatning yangi tarixida misli ko'rilmagan ocharchilik boshlandi. Aholi oziq-ovqat topish ilinjida o'zi ahvoli Venesueladan ham og'ir bo'lgan qo'shni malakatlarga ko'chib keta boshladi. Oziq -ovqat yetishmovchiligi va ocharchilik shu darajaga yetdiki, aholi hech bo'lmaganda nimadir iste'mol qilib qorin to'ydirish uchun hayvonlar qonini icha boshladi.

Bir qarashda boshqa sohalarni rivojlantirmay, faqatgina neftni sotish evaziga ham butun aholisi uchun to'kin-sochinlikda hayot tarzini ta'minlab berishi mumkin bo'lgan davlat bunday o'gir ahvolga tushib qolishiga iqtisodchilar tomonidan "resurslar la'nati " deb ataladigan omil sabab bo'lgan.

Uning asosiy sabablari quyidagicha:
- resurslar ustidan nazorat borasida ichki kelishmovchiliklar. Daromadli soha ustidan nazoratni olish uchun davlat tashkilotlari o'rtasida bahs ketadi. Bir tashkilotga nazorat huquqi berilsa, qolganlari u xato qilishi uchun harakat qilishadi: hatto mamlakat miqyosida atayin katta baxtsiz hodisalarni uyushtirishdan ham qaytmaydi. Shuningdek, asosan Afrika davlatlarida, resurslarga boy bo'lgan hududlar uchun jinoiy to'dalar o'rtasida qurolli to'qnashuvlar yuz beradi. Natijada davlat boshqaruvi susayadi. Davlat ichida siyosiy barqarorlik buziladi.
- soliq imtiyozlari. Tabiiy resurslarga boy bo'lgan davlatlarda davlat aholiga unchalik ham katta soliq yuki qo'ymaydi. Chunki budjet resurslarni sotish hisobiga osongina to'ldiriladi. Aholi ham budjet mablag'lari qanday sarflanayotgani to'grisida davlatdan hisob so'ramaydi. Chunki odamlar o'z ishlab topgan daromadidan soliq to'lamagach, budjet pullarini o'ziniki deb hisoblamaydi. (Aslida esa o'sha tabiiy resurslar ham xalqqa tegishli. Davlat shunchaki ularni boshqaradi xolos).
-davlat budjeti resursning jahon narxiga bog'liq bo'lib qoladi. Jahon bozoridagi narx o'zgarishlari davlatning rejalarini o'zgartirib yuboradi.Eng birinchi o'rinda ijtimoiy soha xarajatlari qisqartiriladi. Yana bir hayratlanarli tomoni shundaki, resursga boy davlatlar o'zida manba mavjud bo'lishiga qaramay, juda katta miqdorda qarz olishadi. Chunki ular hamma narsaga hozirning o'zida ega bólishni(osmonópar binolar qurishni, global loyihalarni amalga oshirib hammani hayratda qoldirishni) xohlashadi. Xalqaro tashkilotlar ham ulardagi resurslarni qarzni qaytarishga kafolat sifatida baholab, qarz borasidagi talabni rad etishmaydi. Lekin yuqorida ta'kidlanganidek, resursning jahon bozorda narxi tushishi ortidan nafaqat davlat yangi qarz ololmaydi, balki eski qarzlarni qaytarishga ham mablag' yetishmaydi.
-texnologik qoloqlik. Qazib olish sanoatida oddiy ishchilarning ham daromadi yuqori bólganligi sababli aholi orasida yuqori malaka talab etadigan sohalarda óqishga qiziqish pasayadi. Mamlakat texnologik jihatdan qoloq mamlakatga aylanadi.

Yuqorida mamlakat resursga boy bo'lishining eng asosiy salbiy ta'sirlari sanab ótildi. Unchalik katta bólmagan, lekin jamlanma holida mamlakat rivojlanishiga katta tósiq bóladigan omillar ham talaygina.

Suratda: Neft zahirasi bóyicha dunyoda 2-órinda turuvchi Venesuela va hatto ichimlik suvini ham import qiladigan Singapur.


Kanalga qo'shiling
https://t.me/joinchat/AAAAAEwyhT3hYvD6u8LOGA

t.me/plazebo1 Ochish/sharhlash

2020-11-10 17:05:41 davletovuz kanalida yozilishicha, endi maktablarda dars oldidan o'quvchilar madhiyani kuylashlari, tanaffus vaqtida esa vatan haqida qo'shiqlar eshittirilishi belgilanibdi. Bu taklifni bildirganlar bu orqali vatanparvarlikni oshiramiz deb óylagan shekilli.

Yuqoridagi videoda esa odamlarga Vatannni sevishni o'rgatish orqali emas, davlatga insonlarni sevishni o'rgatish orqali insonlarda vatanparvarlik oshishi ko'rsatib o'tilgan.

Chindan ham qorni och odamga, Vatanni sevish haqida va'z o'qigandan ko'ra, shu qornini to'yg'azib qo'ysin,yashash uchun sharoit qilib bersin, tamom. Odamlar o'zlari sevadi shu Vatanni, kerak bo'lsa davlatni.

DGUz

Kanalga qo'shiling
https://t.me/joinchat/AAAAAEwyhT3hYvD6u8LOGA

t.me/plazebo1 Ochish/sharhlash

2020-11-07 21:15:40 ​​Tosh davri odamlari haqida

Dunyoning rivojlangan davlatlarida ham biz kabi ikkita qo'li, ikkita oyog'i bor bo'lgan odamlar yashaydi.

Shunday ekan, bir necha oylik maoshini jamg'arib yaxshi avtomobil sotib oladigan amerikaliklar o'n yillab mehnat qilib ming mashaqqat bilan pul yig'ib, yana sifati axlatdan farq qilmaydigan mashina sotib olishga majbur bo'ladigan xalqimiz bilan bir xil odamlar.

Ham katta miqdorda soliq to'lab, ham shu to'langan soliqdan maosh oladigan davlat ishchisiga allaqachon maosh to'lanayotgan vazifasini bajargani uchun pora berishga majbur bo'ladigan xalqimiz har bir yevrosent solig'i uchun davlat tomonidan hisob beriladigan germaniyaliklardan kam emas.

Tug'ilgan farzandining hatto tagligigacha davlat tomonidan qoplab beriladigan shvetsiyaliklar tug'ilgan bolasini tug'ruqxonadan olib chiqish uchun(hatto vafot etgan yaqinini o'likxonadan olib chiqish uchun) pul berishga majbur bo'lgan bechora xalqimizdan biror ortiq joyi yo'q.

Oltin sotish hajmi bo'yicha dunyoda 1-o'rinda turgan bo'lsada, birorta ham tabiiy boyligi bo'lmagan va hatto suvni ham qo'shnilaridan sotib olishga majbur bo'lgan Singapur davlatiga havas bilan qaraydigan xalqimizning singapurliklardan kam joyi yo'q.

Insonlar uchun eng yaxshi sharoitlarni yaratib bergani uchun eng yaxshi aql egalari kelib hayotni yanada yaxshilayotgan kanadaliklarning yer osti boyliklari qiymati 1.1 trln dollarga baholangan bo'lsada, qashshoqligidan, chorasizligidan o'zini yoqib yuborishga majbur bo'layotgan bechora xalqdan nimasi ustun? Ikkisi ham inson, ikkisi ham yaxshi yashashga birdek haqli.

Lekin nima uchun kelajagi buyuk davlatdagi odamlar chirigan g'arb davlatlaridagi odamlar kabi yasholmaydi? Shu savolni bersa, ayrimlar ajoyib javob berishadi. Ular mustaqil bo'lganiga bir necha yuz yillar bo'ldi. Biz esa bor yo'g'i 30 yil oldin mustaqil bo'lganmiz.

Bu shunchalik ahmoqona argumentki, bunaqa fikr kelgan miyaga tushunarli bo'lishi uchun o'z aytmoqchi bo'lgan fikringni qay darajada maydalab tushuntirishing kerakligini o'ylab, yaxshisi javob bermaganim yaxshi deb qolasan kishi.

Qaysidir davlat bizdan oldin mustaqil bo'lgan bo'lsa, biz ham.ularning darajasiga yetishimiz uchun yuz yil kerak degani emasku. Aslida ular biz uchun tayyor tajriba quyonchasi vazifasini o'tab bergan. Davlat 300 yil oldin mustaqil bólgan bolsa, demak qolgan davlatlar uchun nima qilish kerakligi va nima qilmaslik kerakligini bir davlat tomonidan 300 yil davomida amaliyotda sinab berilgan tayyor qóllanma turibdi. Biz yana 300 yil vaqtimizni sarflab, har bir siyosatni sinab kórishimiz shart emas.

Qaysidir davlat kabi yaxshi rivojlanmaganimizga u davlat oldinroq mustaqil bo'lganligi, biz esa hali yosh davlat ekanligimiz sabab deydigan insonlarning qólidan smartfonini tortib olib, o'zini kimsasiz orolga jónatish kerak. Ular avval toshdan qurol yasashni, olov yoqishni, va h.z. ni órgansin. Axir smartfon ishlatadigan darajaga kelish insoniyat millionlab yil sarflagan, u insonlar tug'ilganiga esa nari borsa 60 yil bólgan. Million yildan keyingina ular ham smartfon ishlatadigan darajaga yetadi. Ungacha esa tosh davrida yashayveradi.

DGUz

Kanalga qo'shiling
https://t.me/joinchat/AAAAAEwyhT3hYvD6u8LOGA

t.me/plazebo1 Ochish/sharhlash

2020-11-02 16:02:09 ​Yadro urushi bo'lishi mumkinmidi?

Odatda katta davlatlar o'rtasida qarama-qarshilik eng qaynoq nuqtaga chiqqan vaqtlarda ham, tog'ridan-to'gri harbiy harakatlar orqali emas, 3-davlat hududidagi harbiy to'qnashuvlar orqali hal qilishmoqda: bunga misol, Suriyada AQSh va Rossiya, Qorabog'da Turkiya va Rossiya.

Lekin o'tgan asrning 60-yillarida SSSR va AQSh o'rtasidagi raqobat eng cho'qqisiga ko'tarilgan vaqtda o'zaro urush boshlanish xavfi yuzaga kela boshladi. Davlatlarning bir-biriga yo'llayotgan tahdidlari borgan sari oddiy qo'rqitishdan ko'ra haqiqiy urush boshlanishi haqida xabarga ko'proq o'xshardi. Urush bo'lganda ham oddiy emas, yadroviy urush tahdid sola boshladi. Ushbu jarayonda "Karib krizisi" ikki davlat o'rtasidagi raqiblik oloviga sepilgan moy bo'lib, uni dushmanlikka aylantiradi. .

Vaziyat shu darajada jiddiy tus oladiki, har ikkala tomonda ham "Yadro urushi arafasida" rejimi joriy qilingan. (Undan keyingi rejim "Yadro urushi" rejimi edi). 1962-yil 28 -oktyabrda Okinava orolidagi bazada yadro raketasini ishga tushirishga mas'ul bo'lgan Uilyam Basset markazdan shifrli xabar oladi. Ushbu xabarda Vladivostok (SSSR), Pekin (Xitoy), Xanoy (Vyetnam) va Pxenyan (Shimoliy Koreya) shaharlariga yadro raketalarini yuborish to'g'risida buyruq berilgan edi.

Instruksiya bo'yicha Basset darhol buyruqni bajarishi talab etilardi. Lekin u bir nech soniya ichida vaziyatni tahlil qildi va bir nechta holatlar unga shubhali tuyuldi:
1) harbiy bazada "Yadro urushi arafasida" rejimi o'rniga "Yadro urushi" rejimi joriy qilinmadi;
2) Sanab o'tilgan shaharlardan faqat bittasi SSSRda joylashgan edi. To'g'ri AQSH qolgan davlatlar bilan yumshoqroq qilib aytganda, unchalik ham yaqin munosbatda bo'lmasa-da, har holda birvarkayiga 4 ta davlatga urush boshlash ahmoqlik hisoblanardi.

Basset bunkerda raketa tugmasini bosishga mas'ul ofitserga uning buyrug'isiz hech qanday harakat qilmaslikni tayinlaydi. O'zi esa markazdan buyruqni takrorlashini so'raydi. Markaz bunday buyruq berilmaganligini aytadi.

Ushbu holatda Basset mas'uliyatni o'z bo'yniga olib, instruksiyada berilgan topshiriqni bajarmaydi va shu orqali balki juda katta urushning oldini oladi.

Basset umrining oxirigacha sirni oshkor qilmaydi. Faqatgina 2015-yilda uning xizmatdoshi Jon Borden bu voqeani ommaga oshkor qiladi. Keyinroq AQSh hukumati ham ushbu voqealar chindan ham yuz berganligini tasdiqlaydi.

Suratda Uilyam Basset.

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash

2020-10-29 20:51:45 ​​To‘qilgan qo‘g‘irchoqlar

Er-xotin birgalikda ellik yil umr kechirishdi. Ularning bir-birlaridan yashirgan hech qanday sirlari yo‘q edi, faqatgina ayol bir qutida nimadir saqlar va eriga hech qachon uni ko‘rsatmasdi. Er bu qutini unutib ham yuborgandi. Ayol bir kuni kasalxonaga tushib qoldi. U umri tugab borayotganini sezdi va eridan o‘sha qutini ochishni so‘radi. Er qutini ochdi va ko‘zlariga ishonmadi. Uning ichida ikki dona to‘qilgan qo‘g‘irchoq va yuz ming dollardan ortiq pul bor edi. Er kasalxonaga borib xotinidan quti ichidagilar qayerdan kelib qolganini so‘radi.

— To‘yimiz kuni buvim mustahkam nikohning siri janjallashmasdan yashay olishda degandi. Har safar sizdan jahlim chiqqanida men ip olib qo‘g‘irchoq to‘qirdim, - dedi ayol.
Erning qalbi larzaga keldi. Qutida ikki donagina qo‘g‘irchoq bor edi. Demak, shuncha yil davomida ayoli faqat ikki martagina undan jahli chiqqan. U turmush o‘rtog‘ini asta o‘pdi va pullar qaydan kelganini so‘radi.

— Bu pullar shuncha yildan buyon to‘qigan qo‘g‘irchoqlarimning puli, - deb javob berdi ayol.

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash

2020-10-26 17:30:12 Quyida postni muhokama qilish va mavzu borasida fikrlaringizni bildirishingiz mumkin Ochish/sharhlash

2020-10-26 15:54:32 Davomi.

Kelxun eksperiment yakuni bo'yicha quyidagi xulosaga keladi. Inson (bu holatda sichqon) hayoti davomida turli qiyinchiliklar, bosim, muammolar ichida yashab o'rgangan. Shu qiyinchiliklar uni hayot uchun kurashishga, yanada rivojlanishga majbur qiladi. Agar hayotda qiyinchiliklar bo'lmasa, insonlar (asosan erkaklar) ruhan kuchsiz bo'lib, himoya qilishga qodir bo'lmagan, faqat yeyish, ichish va uxlash bilan shug'ullanadigan maxluqqa aylanib qoladi.

Keling ushbu xulosani yana davom ettiramiz. Erkaklar tomonidan himoyani his qilmagan ayollar hayot uchun o'zi kurashishni boshlaydi. Himoyachi erkaklarsiz ham yaxshi hayot kechira olishi haqida fikrga keladi. Erkaklarga nisbatan agressiya namoyish etadi. Natija feminizm.

Kuchsiz erkaklar o'zidan nasl qoldirish uchun, hayotini yaxshilash uchun, ayollar uchun kurashishni xohlamaydi. Faqat o'ziga oro berib yuradi. Natija - gomoseksualizm.

Ayollar ham, erkaklar ham boshqa jins vakillarisiz yashashga o'rganadi. Oila qurish, farzand ko'rishni inson erkinligini cheklash yoki katta muammo sifatida qabul qila boshlashadi. Natija- millat qarishi va tug'ilish keskin kamayishi.

Bundan ko'rinadiki, feminizm yoki gomoseksualizm kabilar shunchaki oson hayot natijasida yuzaga keladigan illatlar ekan.

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash

2020-10-26 15:52:58 ​#interesting #mustknow

Yaxshi hayot har doim ham yaxshimi?

Bugun Jon Kelxun tomonidan ótkazilgan Olam-25 (Вселенная-25) eksperimenti haqida gaplashamiz.

Ikkinchi jahon urushi tugagan vaqtda "baby boom" róy berganidan xabaringiz bor. Ya'ni urushda katta miqdorda insonlar halok bólishi natijasida yangi avlod uchun hayot sharoitlari yaxshilandi:ish órinlari bóshadi, aholi soni kamayganligi uchun kishi boshiga resurslar ham kóproq tóg'ri kela boshladi. Ya'ni, yangi avlod ishga kirish uchun, qorin toydirish uchun kamroq kurasha boshladi. Hayot osonlashdi. Natijada bunday yaxshi sharoitlarda tug'ilish darajasi keskin oshib ketdi.

Boshqa tomondan esa olimlarni bir savol qiynardi: bunday mukammal sharoitlar ortidan aholi soni keskin oshib ketsa, kelajakda buning oqibatlari qanday bóladi?

Ushbu savolga javob topish uchun professor Jon Kelxun sichqonlar yordamida eksperiment ótkazadi.

U sichqonlar uchun maxsus qafas yasab, u yerda "jannatmonand" sharoitlar yaratdi:
- ovqat va suv hech qachon tugamaydi;
- sichqonlarning sog'ligi doimo veterinarlar kuzatuvida;
- hech qanday yirtqichlar yo'q;
- yashash uchun juda katta hudud berilgan;
- bir vaqtning ózida 9500 ta sichqon bir-biriga halal bermagan holda ovqatlanishi mumkin.

Hamma narsa sichqonlar ózini qiynamay (ovqat yoki joy uchun boshqalar bilan olishmay, hayotini xavfga qóymay) yashashi uchun móljallangan edi.

Eksperiment boshida 8 ta sichqon (4 ta erkak va 4 ta urg'ochi) sichqon yashashni boshlaydi. Ular qafasdagi sharoitni órgangach, kópayishni boshlaydi.

Dastlabki bosqichda ko'payish sur'ati misli ko'rilmagan darajada edi: har 55 kunda sichqonlar soni ikki baravarga ortardi. Sichqonlar soni 620 taga o'tgach 2-bosqich boshlanib, o'sish sur'ati biroz kamayadi. Endi son ikki baravarga ko'payishi uchun 145 kun talab etila boshladi.

Shu bosqichda dastlabki muammolar yuzaga kela boshladi. Yoshi katta sichqonlar yoshlarga zulm o'tkaza boshladi. Natijada ruhan singan yoshlar o'z urg'ochilarini himoya qilmay qo'yishadi. O'zlarini o'zlari himoya qilishga to'g'ri kelganligi sababli urg'ochilar agressivlashib ketadi. Ko'p hollarda bu agressiya begonalarga emas, o'z bolalariga yo'naltiriladi.

Hayot sharoiti yaxshilanishi natijasida, sichqonlar uzoqroq umr ko'ra boshlaydi. Natijada katta avlod soni yoshlardan ortib ketadi. O'z o'rnini yoshlarga bo'shatishni istamagan yoshi kattalar erkaklar yoshlarga bosimni kuchaytiradi. Doimiy zulmlardan charchagan jabrdiyda yosh erkaklar hayot uchun kurash qobiliyatini yo'qotadi. Endi ular faqat yeyish, ichish, uxlash va o'ziga oro berish bilan shug'ullanadi.O'zida nasl qoldirishga harakatlar to'xtaydi.

Urg'ochi sichqonlar ham o'z bolalarini tarbiyalashni istamay, ularni o'ldira boshlaydi. Sichqonlar orasida gomseksualizm ommalashadi. Oziq-ovqat mo'l bo'lishiga qaramay kannibalizm avj oladi- sichqonlar bir-birini yeyishni boshlaydi.

Eksperiment boshlanganidan 1780 kun o'tib qafasda 122 sichqon qoladi: ularning hammasi ko'payish yoshidan o'tgan edi. Ya'ni sichqonlar qirilib ketishi aniq. Shu nuqtada Kelxun eksperimentni to'xtatishga ahd qiladi.

Davomi bor.

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash

2020-10-20 21:40:42 ​​G'alati qoidalar (2-lavha)!

Shunday qilib o'zini boshqara olish suzishdan ko'ra muhimroq ekan. Bu narsa jismoniy kuch, chidamlilik yoki ambitsiyalardan ham ustunroqdir. Ushbu qobiliyat aql-idrokdan, bilimdan va insonning dabdabali italiyan kostyumida qanchalik yaxshi ko'rinishdan ham ko'ra muhimroq ekan.

Ushbu ko'nikma - bu siz xohlagan narsada instinktlarga berilmaslik qobiliyati, bu har kimning o'zi rivojlantirishi mumkin bo'lgan eng muhim qobiliyatlardan biridir. Nafaqat dengiz flotida xizmat qilish uchun, balki hayot uchun ham zarur ekan.

Aksariyat odamlar harakat va uning mukofoti to'g'ridan-to'g'ri bog'liq deb o'ylashadi. Agar biz ikki baravar ko'p ishlasak, natija ikki baravar yaxshi bo'lishiga ishonamiz. Misol uchun, agar biz yaqinlarimizga ikki barobar ko'proq e'tibor qaratsak, unda biz ikki baravar ko'proq sevilamiz. Agar biz ikki baravar balandroq baqirsak, bizning so'zlarimiz ikki baravar ishonchli bo'ladi va hokazo.

Ya'ni, hayotimizda sodir bo'ladigan voqealarning aksariyati to'gri chiziqli grafik bilan tasvirlangan va "harakat birligi" uchun mukofotning "birligi" mavjud deb taxmin qilinadi.

Dunyoda sodir bo'layotgan voqealarning aksariyati chiziqli qonunlarga amal qilmaydi. Chiziqli munosabatlar faqat eng ibtidoiy, monoton va zerikarli narsalarda - mashinani haydashda, hujjatlarni to'ldirishda, hammomni tozalashda va hokazolarda kuzatiladi. Ushbu holatlarning barchasida, agar siz biron bir narsani ikki soat davomida qilsangiz, bir soat davomida qilganingizdan ikki baravar ko'proq natija olasiz. Ammo bu narsa yangilik o'ylab topish yoki ixtiro qilishning hojati yo'qligiga olib keladi.

Ko'pincha bizning hayotimizda chiziqli munosabatlar aniq kuzatilmaydi, chunki bir xildagi mexanik harakatlar hayotimizning ancha kichik qismini tashkil qiladi. Bizning ishlarning aksariyati murakkab hamda aqliy va hissiy harakatlarni talab qiladi.

Shunday qilib, aksariyat faoliyat turlarimizning katta qismi unumdorligi kamayib boruvchi egri chiziq shakliga mos tushadi. Unumdorlikning kamayib borishi qonuni shuni ko'rsatadiki, biron bir vaqtdan boshlab investitsiyalarning (harakatlarning) ko'payishi ekvivalent daromad (natija) keltirmaydi. Klassik misol - bu pul. 20 000 dan 40 000 dollargacha pul ishlash o'rtasidagi farq juda katta, bu hayotni butunlay o'zgartiradi. 120 000 dan 140 000 dollargacha pul ishlashning farqi shunchaki sizning mashinangizda yaxshi o'rindiqli isitgichlar bo'lishini anglatadi. 127 020 000 va 127 040 000 dollarlik daromadlar o'rtasidagi farq odatda statistik xatolardagi kabi qaraladi.

Kamayib boruvchi unumdorlik tushunchasi murakkab yoki yangi bo'lgan barcha voqealarga nisbatan qo'llaniladi. Qanchalik tez-tez dush qabul qilib tursangiz, kechki ovqat paytida shunchalik ko'p tanovvul qilsasiz.

Yana bir misol: unumdorlikni o'rganish shuni ko'rsatadiki, biz faqat kunimizning dastlabki to'rt-besh soatida samarali ishlaymiz. Bundan kelib chiqadiki, biz qanchalik uzoq vaqt ishlasak umumdorlik shunchalik pasayib boraveradi. Misol uchun, 12 soatlik ish bilan 16 soat ishlash o'rtasidagi farq deyarli sezilmas darajada bo'ladi.

Xuddi shu qoida do'stlik uchun ham amal qiladi. Yagona do'st har doim hayotda muhim ahamiyatga ega. Ikki do'st bo'lishi har doim bir do'st bo'lishdan yaxshiroq. Ammo, agar o'ninchi kishi 9 do'stga qo'shilsa, unda bu sizning hayotingizda ozgina o'zgarish qilishi mumkin. Va 20 ta o'rniga 21 ta do'st faqat ismlarni eslash bilan bog'liq muammolarni keltirib chiqaradi.

Kamayib boruvchi unumdorlik tushunchasi oziq-ovqat, uxlash, spirtli ichimliklar ichish, sport zalida shug'ullanish, kitob o'qish, ta'tilga chiqish, ishchilarni yollash, kofein iste'mol qilish, pulni tejash, yig'ilishlarni rejalashtirish, o'qish, video o'yinlar uchun ishlaydi (bu kabi misollar cheksizdir). Biror narsani ko'proq qilsangiz, har bir keyingi harakatlar uchun kamroq mukofot olasiz. Deyarli hamma narsa kamayib boruvchi unumdorlik qonuniga muvofiq ishlaydi.

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash

2020-10-14 22:27:02 ​​G'alati qoidalar (1-lavha)!

AQSh dengiz flotidagi “dengiz mushuklari” bo’linmasida maxsus mashqlar mavjud: ular odamning qo'llarini orqasiga bog'lab, to'pig'ini bog'lab, 3 metr chuqurlikdagi basseynga tashlashadi.

Ishtirokchining vazifasi - besh daqiqa davomida omon qolish.

"Dengiz mushuklari" ning mashg'ulotlarida bu kabi mashqlar tez-tez takrorlanadigan bo'lsa ham, yangi ishtirokchilarning aksariyati muvaffaqiyatsizlikka uchraydi. Ko'pchilik odamlar tezda vahimaga tushib qoladilar va tortib olishlarini so'rab qichqira boshlaydilar. Ba'zilar esa suzishga harakat qilishadi, lekin ular suv ostiga tushishganidan keyin ularni ham qutqarib olishga to'g'ri keladi. Ko'p yillik mashg'ulotlar mobaynida hatto bir necha bor o'lim holatlari kuzatilgan.

Shunday bo'lsa ham, ba'zi odamlar bu vazifani uddalay olishadi va bunda ularga mutlaqo bir-biriga qarama-qarshi ikkita qoidalarni bilish yordam beradi.

Birinchi qoida paradoksga oxshaydi: siz boshingizni suv ustida saqlab turishga qanchalik ko'p urinsangiz, shunchalik cho'kish ehtimolligingiz ko'payaveradi.

Bog'langan qo'llar va oyoqlar bilan o'zingizni suv yuzasida besh daqiqa ushlab turish imkonsiz ish. Bundan tashqari, sizning notekis tebranishingiz sizni yanada tezroq cho'ktirishga yordam beradi. Bu mashg’ulotning siri shundaki, o'zingizni hovuz tubiga cho'ktirishingiz kerak. Keyin, oyoqlaringizni pastki qismini hovuz tubiga tirab, kuch bilan itarishingiz kerak va siz suv yuzasiga chiqqaningizda, tez nafas olishga ulgurishingiz zarur va butun jarayonni yana qayta boshlashingiz kerak.

(8 yoshimda AQSh dengiz harbiy kuchlarida “dengiz mushuklari” bo’linmasi borligini hali bilmagan paytlarimda, men Zatokada dengizda shu usul bilan qutulib qoldim (to’pimni olish uchun dengizga tushib ketgan edim), chuqurlikda turib oyoqlarimga tayanib yuqoriga qirg’oq tomonga sakradim. Shunday qilib sakrab-sakrab sayoz joyga yetib kelib oldim)

Ajablanarlisi shundaki, ushbu texnika g'ayritabiiy kuch yoki maxsus chidamlilikni talab qilmaydi. Hatto, suzishni bilishning ham hojati yo'q, aksincha, siz suzishga hattoki urinmasligingiz talab etiladi. Siz fizika qonunlariga qarshi turmasligingiz, aksincha, ularni hayotingizni saqlab qolish uchun ishlatishingiz kerak.

Ikkinchi qoida biroz aniqroq, ammo ayni paytda paradoksal xususiyatga ham ega: qanchalik ko'p vahima qilsangiz, sizga shuncha ko'p kislorod kerak bo'ladi va siz hushingizni yo’qotib, suvga g'arq bo'lish ehtimoli ortadi. Mashg’ulot sizning omon qolish instinktingizni sizning o’zingizga qarshi qo’yadi: nafas olish istagingiz qanchalik kuchli bo'lsa, buning uchun sizda shunchalik kam imkoniyat bo'ladi. Va sizning yashash istagingiz qanchalik kuchli bo'lsa, o'lishingiz ehtimoli shunchalik yuqori bo’ladi.

Shunday qilib, ushbu mashg’ulot jismoniy kuch yoki irodani sinash uchun emas. Balki, bu qiyin vaziyatlarda o'zini boshqarish qobiliyatiga qaratilgan. Inson o'z instinktiv impulslarini boshqara oladimi? U potentsial o'lim oldida tinch tura oladimi? U qandaydir yuqori darajadagi topshiriqni bajarish uchun o'z hayotini xavf ostiga qo'ya oladimi?

(c) Mark Menson

Kanalga qo'shiling
https://t.me/joinchat/AAAAAEwyhT1Lhgrehqk6OQ

t.me/plazebo1 Ochish/sharhlash