Финляндия парламенти Туркия ва Венгриянинг розилигини кутмасда | Platina.uz | Расмий канал

Финляндия парламенти Туркия ва Венгриянинг розилигини кутмасдан НАТО аъзолигига овоз беради

Финляндия парламенти февраль ойи охирида мамлакат аризасининг Туркия ва Венгрия томонидан маъқулланишини кутмасдан, мамлакатнинг НАТОга кириши учун овоз беришга қарор қилди.

Финляндия парламентининг Ташқи ишлар қўмитаси раҳбари Жусси Ҳалла-Ахо жума куни бўлиб ўтган матбуот анжуманида НАТОга аъзо бўлиш аризаси бўйича овоз бериш 28 февралга белгиланганини маълум қилди.

Финляндия сиёсатчилари, Туркия ва Венгрия Финляндияга киришга рухсат берганда, унинг якуний рўйхатга олиниши деярли бир зумда амалга ошишини кутишмоқда.

"Бу жараён олдиндан амалга оширилгани яхши. НАТОнинг барча давлатлари томонидан ратификация ниҳоясига етгач, альянсга киришимиз бир неча соатдан ошмайди", — деди Финляндия бош вазири Санна Марин ўтган якшанба куни телевидениега берган интервьюсида.

Россиянинг Украинага ҳужумидан сўнг, Финляндия ва Швеция узоқ йиллик қўшилмаслик сиёсатидан воз кечишга қарор қилди ва ўзини Россиядан ҳимоя қилиш мақасадида НАТОга аъзо бўлиш учун ариза берди.

Қонунга кўра, янги давлатнинг НАТОга кириши альянснинг амалдаги 30 аъзоси томонидан маъқулланиши керак ва Туркия ҳамон Швеция аризасини ратификация қилишдан бош тортиб, Туркиядан у ерда бошпана топган курдларга қарши репрессияни талаб қилмоқда.

Венгрия эса иккала шимолий мамлакатларнинг аризаларини тез орада ратификация қилишни ваъда қилган.

https://t.me/platina_uzb