#фойдали
ОЛМА ВА НОКНИ ПАЙВАНДЛАШ ТУРЛАРИ ВА МУДДАТЛАРИ
Деярли барча мевали дарахт турлари вегетатив усуллар орқали кўпайтирилмокда, чунки бу усулда етиштирилган кўчатлар ўз ота-она дарахт навига хос барча хусусиятларни ўзида сақлаб қолади.
Яратилган навлар одатда ҳосил юқорилиги, сифати, шакли, гули ва барги ҳамда касалликларга қарши чидами билан ажралиб туради. Бу сифатлар шу нав мева уруғидан униб чиққан кўчатларда учрамайди, яъни уруғдан кўкарган кўчатлар ўз асл ҳолатига қайтади.
Уруғли мева дарахтларини, хусусан, олма ва нокни кўпайтириш учун пайвандтаг диаметридан бироз кичик куртак отган новдалар танлаб олиниши керак.
Пайвандуст новдалар қишки уйқу даврида, кеч баҳор ёки эрта кузда кесиб йиғиб олиниши мумкин. Қишки уйқу даврида йиғиб олинган новдалар баҳорда ўсиш жараёнидаги пайвандтагларга улаш учун сақланиши мумкин.
Олиб қўйилган новдалар кузда ҳам ишлатилиши мумкин, лекин бу пайтга келиб, дарахтлардан яшанг куртакли новда кесиб олиб, пайванд қилган афзалдир.
Куртакларни танлаб олишда уларнинг етишиб тўлишганлигига эътибор бериш керак. Уйқудаги пайвандустни уйқудаги пайвандтакка улаш учун оддий қаламча тилчали, искана ёки тилчали ёнлама пайванд усулларидан фойдаланилади.
Маҳаллий шароитни хисобга олган ҳолда кеч баҳор ва эрта кузда Т-симон ва кесма куртакпайванд усуллардан фойдаланиш яхшироқ натижа беради. Кеч баҳорда уйқудаги куртакли новда билан бирга яхши пишиб етилган куртакка эга янги новда ҳам ишлатилиши мумкин.
Олма ва нок навларини кўпайтиришда пайвандтаг учун уларнинг ўз уруғларидан униб ривожланган кўчатлардан фойдаланса бўлаверади. Шу билан бирга тупроқдан тарқалувчи касалликларга чидамли пайвандтаг навларига улаш ҳам яхши натижалар беради.
Манба: AGROBLOGER
| Youtube | Веб сайт | Telegram |
