PEGAS portali

2022-08-02 10:01:17 #назм

Осмонга боқдингми шу кеча,
Юлдузлар камнамо...
Ой ёлғиз.
Ҳар оқшом сирлашиб туришга,
Тун билан келишиб олганмиз.

Мен куйлай бошлайман ҳар сафар,
У бўлса, сўз демай тинглайди.
Билмайди,
Соғинчим жон қадар
тоғ қадар тошганин билмайди.

Сўнгра шеър ўқийман борлиққа,
Табиат сўзимдек тусланар.
Сен ҳақда!
Ишқ ҳақда!
Биз ҳақда...
Нуқтасиз тугайди мисралар...

Энг охир ер узра сингаман,
Кўзим ранг, бармоғим мўйқалам.
Заминда суратинг чизаман...
Тирила бошлайди тонг билан.

Қўй юрак,
Ҳаммаси ўткинчи,
Минг йиллар кутишга бер чидаб.
Барибир...
Соғиндим.
(айтгинчи...)
осмонга боқдингми шу кеча!?

Дилноза Тошниёзова

t.me/pegas_portali —
Ҳар лаҳза – илҳом вақти Ochish/sharhlash

2022-08-02 05:39:18 #назм

Кечирим
(...га)

Менинг борим сўздир!
Менинг йўғим сўз...
Зулмат-ла қасдлашиб нигоҳим бир дам,
Мана, кўзларингга боқиб йиғладим,
Мана шу(!)
Мана шу сўзларим билан...

Ёшларимни артгил киприкларинг-ла!
Бу умр ҳаяллаб бораётган ўқ,
Майлими, бир умр сени соғинай...
У-да бир омонат.
Кейин борми-йўқ...

Сени севолмадим одамга ўхшаб,
Сабаб не (—) кўнглимнинг энг гўзал доғи(?)!
Кечирим сўрайди такрор шоиринг —
Кечирмаслигингга арзимас чоғи...

Кўнгилдан қарз бўлиб қолмасин девдим,
Бу ҳислар, ҳеч қачон айтмаган сўзим...
Тобора оқарар тунларнинг сочи,
Висолнинг рангига ўтмайди кўзим...

Аҳаджон Исмоилов

t.me/pegas_portali —
Ҳар лаҳза – илҳом вақти Ochish/sharhlash

2022-07-08 04:01:57 #иқтибос

Чала билим эгаси бўлишдан кўра билимсизлик афзалроқдир.

Ибн Сино

t.me/pegas_portali —
Ҳар лаҳза – илҳом вақти Ochish/sharhlash

2022-07-07 07:01:02 #назм

Юрагимни эшитгани кел,
Толиқтирди савашлар мени.
Юрагимни эшитгани кел,
Соғинди у санашларингни...

Кетмоқ бўлди,
Қирқди аёвсиз
Қўлимдаги сочини апрел.
Харобадек қолди қаровсиз,
Юрагимни эшитгани кел!

«Шамол бўлмоқ истайман! Бу не?!»
Йўргагида чинқирарди ел.
Бир кел ўзинг,
Бир яхши сўз де...
Юрагимни эшитгани кел!

Остонамда қанча булоқ шол,
Қанчаси жон бермоқда енгил.
Қудуққа тош ташла.
Қулоқ сол...
Юрагимни эшитгани кел!

Шаҳриёр Шавкат

t.me/pegas_portali —
Ҳар лаҳза – илҳом вақти Ochish/sharhlash

2022-07-07 04:01:10 #иқтибос

Қўрқоқлик — шафқатсизликнинг онаси.

Монтен

t.me/pegas_portali —
Ҳар лаҳза – илҳом вақти Ochish/sharhlash

2022-07-06 07:02:02 #назм

Бир қиз йиғлаяпти, билмайди ҳеч ким,
Кўнглим-а дунёдан совий бошлайди.
Сўнг аччиқ устида кўрпага қўшиб,
Менинг юрагимни қавий бошлайди.

Бир қиз йиғлаяпти, билмайди ҳеч ким,
Юзига армонлар соя ташлайди.
Сўнг аччиқ устида кўйлакка қўшиб,
Ғижимлаб жонимни юва бошлайди.

Бир қиз йиғлаяпти, билмайди ҳеч ким,
Бир аччиқ изтироб туя бошлайди.
Сўнг аччиқ устида кўйлакка қўшиб,
Жонимни дорларга ёя бошлайди.

Бир қиз йиғлаяпти — эшитар ҳамма,
Ичимда ғамларнинг ўйи бўляпти.
Сўнг аччиқ устида кўрпа ёпиниб,
Йиғладим,
шу қизнинг тўйи бўляпти.

Бир қиз йиғлаяпти...

Ғайрат Мажид

t.me/pegas_portali —
Ҳар лаҳза – илҳом вақти Ochish/sharhlash

2022-07-06 04:02:04 #иқтибос

Қўрқувнинг ўзидан кўра қўрқинчлироқ нарса йўқ.

Френсис Бэкон

t.me/pegas_portali —
Ҳар лаҳза – илҳом вақти Ochish/sharhlash

2022-07-05 19:01:04 #multfilm_vaqti

Beg'uborlikka yo'g'rilgan multfilm!

https://t.me/bolajonlar_vaqti
Dunyo faqat bolalarniki! Ochish/sharhlash

2022-07-05 17:01:26 #suratda_ijod

Rassom: Gulnoza Shermamatova

t.me/pegas_portali —
Har lahza — ilhom vaqti Ochish/sharhlash

2022-07-05 07:04:01 #назм

Мана қалб дунёси: сочилиб ётар,
Кузги барглар мисол дарахт пойида.
Осмонга тикилар, жуссаси ботар,
Улгурмоқ ройида, унмоқ ройида.

Фақат бир нигоҳда тонглар бошланар,
Қўл чўзар дунёга, дунё сабри йўқ.
Ташналар кўринар, ёлғиз ташналар,
Дилга тўкилмоққа дилнинг абри йўқ.

Бу шундай бошланар, гарчи ҳаммаси
ҳовучдай юракнинг ҳоврин босолмас.
Ташналар ичинда талош палласи,
Тўкилмоқ осонмас, тўлмоқ осонмас.

Нуриддин Расулов

t.me/pegas_portali —
Ҳар лаҳза – илҳом вақти Ochish/sharhlash