PEGAS portali

2022-09-01 09:27:41 MUSTAQILLIK DEKLARATSIYASI

Yana kuz kelmoqda.
Daryolar tindi.
Shildir-shildir oqdi pokiza suvlar.
Urgut bog‘lariga sukunat qo‘ndi,
Xazonlarni sekin shamollar quvlar.

Ota elim, endi sevingin, shodlan,
Istiqloling kelib chertdi darvozang.
Olis manzillarga shu tongda otlan,
Yo‘qolib ketmagay endi ovozang...

Nega quvonmaysan, toshmaysan jo‘shib,
Axir, mustaqillik keldi o‘lkangga?!
O‘ris amaldori yelkangdan tushib,
O‘z amaldoring... mindi yelkangga.

Nechun baxtdan yayrab, shod yashamaysan,
Nechun boshing egik, o‘zing ovvora?!
Endi sen Moskovga pul tashimaysan,
Endi sen ... Toshkentga tashiysan pora.

Sen yaydoq dalangda ishlagin kuyib,
Paxtangni hokimga topshiru quvon –
Poytaxt zavodlari turibdi quyib,
Ko‘ksingga shaqirlab taqarsan unvon!

Hasrating ko‘p – ichda, lek zo‘r – savlating,
Shod bo‘l, deb men o‘zim bo‘lolmasman shod.
Mana, ozod bo‘ldi buyuk davlating...
Bechora xalqing ham bo‘lsaydi ozod.

1990-yil, 20-iyun.
— Karim BAHRIYEV

Qora qalam - adabiyot haqida! Ochish/sharhlash

2022-08-31 21:26:08 Bilasizmi, musiqa – katarsis!*

Ayniqsa, eng mashhur mashgʻulotlardan biri boʻlgan gitarani bosqichma-bosqich oʻrganish oʻzingizga boʻlgan ishonchingizni oshiradi. Chunki Siz kurs davomida oʻz imijingizni shakllantirasiz va mualliflik asarlaringizni yaratasiz!

Demak, GITARA chalishni oʻrganish ishtiyoqidagilar uchun @UddaLive dan navbatdagi yangilik!

GITARA chalishni biz bilan oʻrganing. Va yaqinlaringizni lol qoldiring!

Qabul boshlandi. Shoshiling, joylar soni cheklangan.

Roʻyxatdan oʻtish uchun:
@UddaLive_bot ga yoki
@UddaLive_administratsiya ga ism-familiyangizni yozib qoldirishingiz kifoya.

Manzil: Farhod bozori chorrahasi
Moʻljal: Oazis savdo markazi
Murojaat uchun: +998950852989

*Katarsis – ruhan poklanish

T.me/UddaLive - birgalikda uddalaymiz!

T.me/katarsis_kundalik Ochish/sharhlash

2022-08-30 10:19:20 Кутиш — оғир,
Кутиш — тош.
Кун — бетақдир.
Умр — ёш.

Кутиш — зиндон,
Муз у муз.
Жаллод — ҳижрон,
Бўғзим уз!..

Жону танни тилкалар,
Юракни ёрар ситам...
Сени кўргим келмоқда,
Худо хоҳламаса ҳам.

Усмон АЗИМ

t.me/pegas_portali —
Ҳар лаҳза – илҳом вақти Ochish/sharhlash

2022-08-27 13:51:35 "Professor Douelning boshi" - boshlarning qalb og'riqlari haqida

Hozir hayotimizda oddiy buyumga aylangan elektron jihozlar hali mavjud boʻlmagan zamonlarda xuddi ularga oʻxshash narsalar ilmiy-fantastik badiiy asarlarda mavjud edi. Qaysidir maʼnoda kashfiyotchi va olimlarning koʻplab gʻoyalari qissa, romanlardan olinganiga ishonaman.

Batafsil o'qish:

https://telegra.ph/Professor-Dning-boshi-08-22

Qora qalam - adabiyot haqida! Ochish/sharhlash

2022-08-26 07:32:01 #nazm

Xosiyat...
Tunlarni ko'ksimdan yulib ol,
Ruhim-la chorlagin bir kecha,
Men samo* tushayin mast bo'lib.

Sayr etgin soyamni qo'ltiqlab,
Bosh qo'ygin tog' turmas yelkamga.
Faqat sen bi-i-r umr yo'q bo'lib,
Men bilmas dunyoga berkinma.

Yoshlaring yomg'irrang emasdi,
Ko'zingni sel yuvar kun sayin.
Men - parvo,
Beparvo ketarsan
Bir mayin!..

Och ruhim bormoqda sensirab,
Quturgan ochundek jon tarang.
Sen ketsang bu qora dunyoning,
Tonglari otmaydi rang-barang.
Quyoshi botmaydi rang-barang.

Zulmatni shuurimdan yulib ol,
Ruhimla chorlagin bir kecha,
Men samo tushayin mast bo'lib.

Xosiyat...
Xudoga evrilgan ko'ngling but,
Cho'ntagi teshilgan men g'arib.
Mangulik uyqudan uyg'otdim,
Onasi o'pmagan qizlarni.

Baxtlarni erkidan ayirdin,
Yashashga mahkumsan qisinib.
Qop - qora tumanlar ichida,
Bir shoir qoladi qirq sinib.

Bizni fosh qiladi nigohlar,
Ko'zimdan chirs etib o't chiqar.
O'lsamda ruhimga qo'shilib,
So'z chiqar,
Ilohiy so'z chiqar.

Xosiyat...
Aybga buyurma, aybim yo'q,
Uzulmas tuningga os mani.
Samimiy kulishga baxt kerak,
Menga bir dard kerak yozgani.

Xosiyat...

*Darvishlar raqsi.

Ahror Darvish

t.me/pegas_portali —
Har lahza — ilhom vaqti Ochish/sharhlash

2022-08-21 07:08:36 ​​#назм

Ў, биродарлар, айрилиқ қурсин! Ойтуман Элбекни соғиниб, юрак-бағри қоврилиб, хаёлини йиғолмай, кўз ёшини тиёлмай — чидолмай дардини кечалари бешикдаги боласига сўзлаб шундай алла айтар экан:

Ойлар тўлганга ўхшар, алла, болам, алла-ё,
Шамол елганга ўхшар, алла, болам, алла-ё,
Шамолларга қўшилиб, алла, болам, алла-ё,
Армон келганга ўхшар, алла, болам, алла-ё,

Шамол гупуриб ўтди, алла, болам, алла-ё,
Ерни супуриб ўтди, алла, болам, алла-ё,
Шамолларнинг ичида, алла, болам, алла-ё,
Биров ўкириб ўтди, алла, болам, алла-ё.

Толим-толим соч шамол, алла, болам, алла-ё,
Ўлмагин, топгин камол, алла, болам, алла-ё,
Шамол бўлиб кетаман, алла, болам, алла-ё,
Менсиз топмагин завол, алла, болам, алла-ё.

Шамол қўшик айтадир, алла, болам, алла-ë,
Жўшиб-жўшиб айтадир, алла, болам, алла-ë.
Дўмбиранинг торига текканмикан, алла-ë,
Ғамни қўшиб айтадир, алла, болам, алла-ё.

Чўлда тўзон тургандир, алла, болам, алла-ë,
Қумдан қўрғон қургандир, алла, болам, алла-ë,
Ойтуман, деб от суриб, алла, болам, алла-ё,
Бегим йиғлаб юргандир, алла, болам, алла-ё.

Соғинч ҳаддан ошибди, алла, болам, алла-ё,
Йўқ, хаёлим шошибди, алла болам, алла-ё,
Ҳеч ким келган йўқ, қўзим, йиғлайвергин, алла-ë,
Ой девордан ошибди, алла, болам, алла-ë.

Жон биродарлар, у пайтларда оналар болам ухласин дебмас, уйғонсин деб ҳам алла айтишар эканлар.

Усмон Азим

t.me/pegas_portali —
Ҳар лаҳза – илҳом вақти Ochish/sharhlash

2022-08-20 17:39:53 Sevgiga ilmiy qarash: Shopenhauerning "metafizikasi"

Asarda u ilgari surgan asosiy gʻoya shundan iboratki, "Sevgi faqat nasl qoldirishni maqsad qiladi. U keltirib chiqargan ehtirosning yagona, haqiqiy maqsadi oʻz naslini, avlodini asrab qolish uchun vujudning intilish uslubidir". Umuman olganda, ilmiy asardagi fikr va mulohazalar qiziqarli va oʻzbek tilli kitobxon uchun kutilmagan ham deyish mumkin. 

Batafsil o'qish:

https://telegra.ph/Sevgi-metafizikasi-08-06-2

Qora qalam - adabiyot haqida! Ochish/sharhlash

2022-08-20 07:24:45 #hozir_ikar_trendda

Sizga rasm tushish yoqadimi? Manzarali, bahavo bog‘da bo‘lsa-chi? 
Trenddagi kitob bilan-chi? Ha, ha, “IKAR” bilan birga suratga tushamiz!

Hammasi juda oddiy:
chiroyli kiyinib chiroyli kayfiyatda “Eco park”ka kelasiz, Sizni chiroyli qilib rasmga olamiz – “IKAR” bilan!

Siz uni o‘zingizning ijtimoiy tarmoqlardagi sahifangizda bo‘lishishingiz , do‘stlaringizga “trend”da ekaningiz bilan maqtanishingiz va hatto to‘plamni xarid qilishingiz mumkin

Ertaga 18.00 dan 20.00 gacha har biringizni jamoamiz bilan kutamiz, “ikar”lashamiz, diydorlashamiz va trendga chiqamiz

Kelasiz-a? Ochish/sharhlash

2022-08-16 13:46:07 Yetti oylik mehnatning roʻyobi qanday yoqimli boʻlishini bilsangiz edi!!
Bu yetti oyning tezroq oʻtishini nima uchun kutdik, bilasizmi? Chunki bu xazina kitoblarni tezroq oʻqishingiz kerak!
_

AVTOMOBILGA ILK QADAM IKARDAN BOSHLANADI...

Kitobxonlarga “IKAR” to‘plamlari yetib bormoqda! Ular avtomobil sari ilk qadamni bosishdi. Kitoblar qancha tez o‘qilsa, shuncha ko‘p vaqtdan yutasiz. Va tanlov boshlanish sanasi ham shuncha oydinlashadi!
Buyurtma uchun: 95 035-95-11

IKAR — ILK KATTA ADABIY REZONANS!

T.me/katarsis_kundalik Ochish/sharhlash

2022-08-16 10:38:23 #назм

Шояд, кўрсам сени эртага,
тасодифан дуч келсанг, шояд.
Кўрмаганга олиб жўрттага
ёнингдан жим ўтсам, ниҳоят.

Салом, десанг аста жилмайиб,
олов бўлиб сенга қарасам
ва негадир сўзларим тойиб
тутилганча ҳолинг сўрасам.

Атринга маст бўлсам, лаҳзада
оёғимдан жон чиқиб кетса.
Кўнглим тоғдай ўсиб, севинчдан
ғариб бошим кўкларга етса.

Сўзсиз қолсак, ўпкамиз тўлиб,
гиналарда иштибоҳ тўлса.
Висолимиз минг савоб бўлиб,
ҳижронимиз минг гуноҳ бўлса.

Кўзларингни тарк этса ашкинг,
сўнг сукунат чўкса ўртада...
Юрагимдан тўкилиб рашким,
шояд, кўрсам сени эртага.

Орифжон Комил

t.me/pegas_portali —
Ҳар лаҳза – илҳом вақти Ochish/sharhlash