Ўқитувчига имтиёз беринг! Кеча Олий Мажлис ялпи йиғилишида 2 | Ўқитувчилар

Ўқитувчига имтиёз беринг!

Кеча Олий Мажлис ялпи йиғилишида 2 йил олдин тайёрланган “Педагог ходимнинг мақоми тўғрисида"ги қонун лойиҳаси муҳокама қилинди. Жараённи онлайн кузатдим ва ўқитувчиларга умуман имтиёз берилмаганини гувоҳи бўлдим. Очиқ ойдин ўқитувчилар устидан кулиш бўлди бу.

Нима эмиш, қоғоз, ручка ва қалам билан таъминлашмиш. Бу нарсага ўзимизни қурбимиз етади. Ўқув-методик материаллар билан бепул таъминлаш эмиш,  шундоқ ҳам ўзи бор-ку бу жараён.
Тиббий кўрикдан ўтиш бепуллиги меҳнат кодексига кўрсатиб ўтилганку.

Янги конституциясининг 52-моддасида қадр-қимматимиз, шанимиз ўзи шундоқ ҳам бор.

Хуллас ўзи бор нарсани кўрсатиб, бизни алдашни нима кераги бор. Ўқитувчи мақомини кўтариш ният бўлса, дадил-дадил имтиёзлар берилсин.

Депутат Жаҳонгир Зияевнинг айтишича, бир кун олдин ўтказилган фракция йиғилишида “Миллий тикланиш” депутатлари ҳам “ўқитувчилар кутган қонун бўлмабди” дея жиддий эътироз билдириб, ҳатто лойиҳани қайтариб юбормоқчи ҳам бўлган экан.

Аслида 2 йил олдин ваъда қилинган юқоридаги имтиёзлар ҳам бугун арзирли бўлмай қолди. Хорижий тажрибани кузатинг, ҳатто қўшниларимиз ҳам бу борада биздан олдинда. Масалан, Қирғизистонда устозларнинг коммунал ва яшаш харажатлари маҳаллий бюджет ҳисобидан имтиёзли қопланаркан. Уй-жой қуриши учун фоизсиз кредит бериларкан. Қозоғистонда ҳам коммунал тўловда, ёқилғи сотиб олишда имтиёз бериларкан. Уй-жой қуриши учун ep ҳам ажратиларкан.

Хўш, бизнинг қўшниларимиздан қаеримиз кам? Устозларга ҳозирча “отнинг калласидек ойлик” беролмас эканмиз, бошқа енгилликлар берайлик. Бу борада биздан ўрнак олсин.

Ўқитувчилар ҳар йили мажбурий тартибда санаторийларда бепул дам олсин, заруратга қараб бепул даволансин. Бошланғич бадали бюджетдан қопланиб, уй-жой билан таъминлансин. Фоизсиз кредит олсин, коммунал тўловда имтиёз берайлик, жамоат транспортида бепул юрсин. Навбатсиз машина олсин. Фарзандлари олий ўқув юртида имтиёзли шартларда ўқисин.

Ҳарбийлар, қайсидир соҳа вакиллари, ҳатто ёшлар етакчилари учун ҳам имтиёзлар жорий қилинган. Лекин устозларнинг меҳнати уларникидан кўп бўлса кўпки, асло кам эмас.

Ўқитувчиларнинг иш ҳақини бир неча баробарга оширдик, деб жар солишни ҳам тўхтатиш керак. Статистика агентлиги маълумотига кўра, таълим вакилларининг маоши ҳамон ўртача кўрсаткичдан ҳам паст. Банк, суғурта соҳаси вакиллари ойига қарийб 11 млн сўм иш ҳақи олади, устозларники эса атиги 2,6 миллион сўм. Қани, адолат? Аслида тескариси бўлиши керак эмасми?

Кўчага чиқсанг, сизда пул кўп, ойликларинг 1000$ бўлиб қолдику деб айтади одамлар. Ишонинг ҳаттоки шуни ярми ҳам эмас ойликлар. 1000$ олувчилар сони жуда кам. Улар ҳам бошқа вилоятда ишлаб 30 соат дарси борларники. Мактабда 1 ставка иш йўқку, бўлса ҳам ақлий чарчаш одамни еб битиради.

Хуллас имтиёз бериш керак, дадилроқ имтиёз беринг. Ҳақиқий имтиёз беринг. Барча каби имтиёз беринг.

Сурхондарё вилояти, Бойсун туманидан Тўраев

@pedagoglarmiz