2023-05-22 13:14:16
1-sinf oʻquvchilari uchun “Informatika va axborot texnologiyalari” fani joriy etiladi
Joriy oʻquv yilidan boshlab, umumiy oʻrta ta’lim maktablarining 1-sinfida “Informatika va axborot texnologiyalari” fani joriy etiladi.
Bu haqda Maktabgacha va maktab ta’limi vazirligining 2023-yil 15-may kungi "Umumiy oʻrta ta’lim maktablari uchun 2023-2024-oʻquv yiliga moʻljallangan tayanch oʻquv rejani tasdiqlash toʻgʻrisida"gi 125-sonli buyrugʻida nazarda tutilmoqda.
Unga koʻra, Respublika ta’lim markazi bir hafta muddatda 1-sinf “Informatika va axborot texnologiyalari” fanini oʻqitish metodikasi, oʻquv dasturi, davlat ta’lim standartlari va taqvim-mavzu rejalarini amaliyotga tatbiq etish boʻyicha vazirlikka taklif kiritadi.
Shuningdek, A.Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti tomonidan boshlangʻich sinf oʻqituvchilari uchun 1-sinf “Informatika va axborot texnologiyalari fani”ni zamonaviy metodikalar asosida oʻqitish va oʻrgatish boʻyicha qisqa muddatli oʻquv kurslarining dasturini ishlab chiqadi.
2023-yilning 25-avgustiga qadar boshlangʻich sinf oʻqituvchilari uchun “Informatika va axborot texnologiyalari” fanining mazmun-mohiyati boʻyicha qisqa muddatli oʻquv kurslari tashkil etilib, oʻquv kurslarini muvaffaqiyatli yakunlagan oʻqituvchilarga sertifikat beriladi.
@PEDAGOG
9.8K views10:14