Oylik Qancha?

2023-05-06 18:43:43 Bugun Toshkent vaqti bilan soat 21:00 dan boshlab 2024-yil uchun "Green card" lotereyasi natijalarini bilish mumkin.

Natijalar tasdiq raqamini kiritgan holda quyidagi havola orqali tekshiriladi:

https://dvprogram.state.gov/

Hammaga omad yor bo‘lsin!

@Oylikqancha — foydali va qiziqarli Ochish/sharhlash

2023-04-26 19:51:43 Dunyoning eng yirik IT kompaniyalarida qancha maosh olishadi?

levels.fyi websaytida dunyoning eng yirik IT kompaniyalarida xodimlar qancha maosh olishini bilishingiz mumkin.
IT gigantlarda asosan xodimlar oyligi ularning qaysi "level" daligi bilan belgilanadi, ya'ni qaysi bosqichda ekanligi.

Masalan, Google'da 8 ta bosqich bo'lsa, Facebook'da 7 ta, Microsoftda esa 13 ta level bor.

Eng quyi bosqichdagilar, endigina ishga qabul qilingan xodimlarga beriladi. Eng katta 5 ta IT gigant kompaniyalarda eng quyi bosqichda xodimlar yiliga qancha maosh olishi bilan qiziqdik:

— Apple $167,400 dollar/yiliga
— Amazon $161,037 dollar/yiliga
— Google $188,912 dollar/yiliga
— Facebook $179,252 dollar/yiliga
— Microsoft $160,471 dollar/yiliga

Eng yuqori bosqichlarda xodimlar bir necha million dollar maosh olishadi.

@Oylikqancha — foydali va qiziqarli Ochish/sharhlash

2023-04-21 07:19:49 Hayit muborak! Ochish/sharhlash

2023-04-13 08:34:34 Tojikistonlik vrachlar Markaziy Osiyoda eng kam maosh olishadi — Asia Plus

Markaziy Osiyo davlatlarida vrachlarning oʻrtacha maoshi:
Qozogʻistonda — 923 dollar;
Turkmanistonda — 303 dollar;
Oʻzbekistonda — 231 dollar;
Qirgʻizistonda — 221 dollar;
Tojikistonda — 142 dollar.

Tojikiston SSVga koʻra, mamlakatda 2,5 ming vrach va 600 dan ziyod hamshira yetishmaydi.

@Oylikqancha — foydali va qiziqarli Ochish/sharhlash

2023-03-31 07:27:30 "Doktor D" ning koʻrigiga kirishning narxi qancha?

Yurtimizda tibbiyot sohasida xususiy sektorning oʻrni oshmoqda. Ular xizmat sifatiga va baʼzibir elementlarga qarab bitta qabul uchun narx belgilashgan. Quyida biz shularni koʻrib chiqamiz:

— NeoVita klinikasi shifokorlariga 50 ming soʻm;
— ZarMed klinikasi shifokorlariga 95 ming soʻm;
— Shifo Nur koʻz klinikasi 60 ming soʻm;
— Doktor D klinikasi bitta odamga 300 ming soʻm boʻlsa, er-xotin birgalikda qabuli 350 ming soʻm.

Nafaqat shaxsiy klinikalar, hozirda ixtisoslashtirilgan davlat tibbiyot muassasalari ham fuqarolarni qabul qilishda pulli xizmat koʻrsatishmoqda va bunda narxlar oʻrtacha 60 ming soʻmni tashkil etar ekan.

@Oylikqancha — foydali va qiziqarli Ochish/sharhlash

2023-03-25 12:29:02 O‘zbekistondagi «eng qimmat» boshlovchi — Dilnoza Kubayevaning daromadi qancha?

«Kelgindi kelin», «Telba», «Baron», «Farzandim» kabi filmlardagi rollari bilan mashhurlikka erishgan kino va teatr aktrisasi Dilnoza Kubayeva 22 noyabr sanasida tug‘ilgan.

Bugungi kunda boshlovchi va aktrisa milliy akademik drama teatrida faoliyat yuritib kelmoqda va uning davlat muassasasidagi oylik maoshi 4 mln soʻmdan oshiqni tashkil etadi.

Shu bilan birga, Dilnoza Kubayeva to‘ylarda boshlovchilik qilgani evaziga $1000 gonorar olar ekan. Shu bois u O‘zbekistondagi «eng qimmat» ayol boshlovchi hisoblanadi.

Shuningdek, 2005 yilda katta ekranlarga chiqqan «Kelgindi kelin» filmidagi Charos obrazi uchun Dilnoza Kubayeva 600 ming so‘m gonorar olgan. Maʼlumot uchun 2005-yilda yurtimizda eng kam oylik ish haqqi 7835 soʻmni tashkil etgan.

@Oylikqancha — foydali va qiziqarli Ochish/sharhlash

2023-03-24 04:14:49 Eng arzon kreditlar qayerda va nima uchun bizda kredit foizlari baland

Yurtimizda kredit foizlari unchalik maqtanardi darajada emas.

Lekin dunyoda foizlar quyidagicha:
— Daniyada. Kredit foizi odatda 2-3% lekin baʼzida ipoteka kreditining salbiy stavkasi boʻlishi mumkin. Ya'ni, bank nafaqat qarz uchun haq olmaydi, balki qarz oluvchiga oyiga masalan $38 to'laydi.

— Yaponiya 1,45%;
— Xorvatiya 2,77%;
— Tayvan 2,89%.

Dunyo boʻyicha eng katta foizli kreditlar 2023-yil yanvariga kelib Venesuelada boʻlib xozirda bu mamlakatda kredit foizi 59,3% ni tashkil etmoqda. Oʻzbekiston ham dunyo boʻyicha eng katta foizlar(23-29%)da kredit beruvchilar qatoriga kiradi.

Yurtimizda kredit foizlari stavkasi balandligining asosiy sababi qayta moliyalash stavkasining (hozirda 14%) balandligidadir. Yaʼni tijorat banklari shu foizdan kam foizda kredit bermaydi. Yana bir omil bu inlyatsiya darajasi va mamlakatning iqtisodiy xolatiga bogʻliq boʻlgan omildir.

@Oylikqancha — foydali va qiziqarli Ochish/sharhlash

2023-03-22 07:47:02 Uylanishning narxi qancha?

To'y har bir inson hayotidagi eng katta va eng qimmat voqeadir. Toʻy oʻtkazishning narxi xududga va avallambor insonning oʻziga bogʻliqdir.

Quyida biz turli mamlakatlarda toʻy oʻtkazishning narxi bilan qiziqdik:

— BAA da $157 ming. Narxning qimmatligiga sabab jamiyatning bosimi va yuqori ijtimoiy standartlar sabab.

— Avstraliyada oddiygina "men roziman"ning qiymati $55 ming ekan.

— Buyuk Britaniyada o'rtacha to'y taxminan $30 mingni tashkil qiladi.

— AQSH. Mamlakatdagi oila qurish uchun eng qimmat joy Manxetten bo'lib, o'rtacha narx $76 944;

Boshqalar:
— Ispaniya $15 000;
— Rossiya $13 000;
— Xitoy $11 000;
— Meksika $7200;

Eng arzon toʻy Mavrikiyda boʻlib atiga $450 ekan. Bundan tashqari, Madagaskar sohilidagi bu Orol marosimning o'zi va to'y fotosessiyalari uchun ajoyib joylarga to'la.

@Oylikqancha — foydali va qiziqarli Ochish/sharhlash

2023-03-21 17:36:40 Putinni qamomoqchi boʻlgan sudning iqtisodiy xolati va oylik maoshlari

Kuni kecha Xalqaro Gaaga sudi Rossiya prezidenti Vladimir Putin va bolalar ombudsmani Mariya Lvova-Belovani hibsga olish uchun qaror chiqardi.

Xalqaro Sud BMT'ning asosiy sud organi hisoblanadi va unga 123 ta mamlakat aʼzodir (Oʻzbekiston qoʻshilgan lekin ratifikatsiya qilmagan hali). U Gaagadagi (Niderlandiya) Tinchlik saroyida joylashgan.

Sudning yillik budjeti $160 mln ni tashkil etadi va ushbu summaning 22% ni Yaponiya toʻlaydi qolganini aʼzo mamlakatlar.

2018-yil xolatiga koʻra sudda 100 ta davlatdan 800 ta atrofida xodim ishlaydi va shundan 18 tasi 9 yilga saylanadigan sudyalardir. Sudyalarning yillik maoshi $230 mingni tashkil etadi.

Sud qarorini bajarmaslik tarixda yangilik emas, Putindan oldin ham Sudanning sobiq rahbari Umar Al Bashirni hibsga olish boʻyicha qaror chiqqan, lekin mana 10 yildirki ushbu qaror bajarilmaydi. Sababi qarorni bajaruvchi majburlovchi vositalar mavjud emas.

@Oylikqancha — foydali va qiziqarli Ochish/sharhlash

2023-03-20 08:37:40 Telefonni zaryadlash uchun sarflanadigan elektr energiyaning narxi qancha?

Smartfonlar hayotimizning ajralmas qismiga aylandi, shuning uchun ko'pincha biz ularga qancha pul sarflayotganimizni ham bilmaymiz.

Masalan, I phone 13 telefonining batareya quvvati 3227 mA/soatni tashkil etadi va buni 1000 ga bo'lib 3,8 (batareyaning ish kuchlanishi 3,8 voltni tashkil qiladi) ga ko'paytiramiz.

((3227/1000) * 3,8)/1000=0,01226

Natija taxminan 12,26 vt/soat yoki 0,01226 kVt/soat chiqadi.

Yurtimizda 1 kVt/soat elektr energiya uchun 295 so‘mni tashkil etadi va buni 0,01226 ga ko'paytiramiz:

295*0,01226=3,6167 so'm ekan.

Demak I Phone 13 telefonini bitta zaryadlash narxi atiga 3 so'mu 61 tiyinga tushar ekan va bu bir yilda (agar kuniga atiga bir marta zaryadlasez) 1 317,65 so'm bo'ladi.

Shuni unutmaslik kerakki "rozetka"da qolib ketgan zaryadlovchi qurilma doimo elektr energiya sarflaydi. Lekin bu shu darajada kamki sizning elektr energiyaga to'lovingizga ta'sir qilmaydi.

@Oylikqancha — foydali va qiziqarli Ochish/sharhlash