Oxun bobo markaziy masjidi

2021-12-21 11:58:31 ОЗГИНАСИГА САБР ҚИЛСА БЎЛАДИ...

Бир киши Ҳазрати Умар розияллоҳу анҳу ҳузурларига аёлидан шикоят қилиб келган экан. Шу пайт Ҳазрати Умар розияллоҳу анҳунинг хонадонларидан аёл кишининг қаттиқ-қаттиқ гапирган овози эшитилибди. Арзчининг ҳаёлидан: «Ҳазрати Умардек обрўли кишининг оиласида шундай ҳолат бўлса, мен нолимасам ҳам бўлар экан», дегaн ўй ўтиб, ортига қайтибди.

Шунда Ҳазрати Умар розияллоҳу анҳу уйдан чиқиб, уни кўриб, чақирибдилар.
– Нима гапинг бор эди, – деб сўрабдилар.
– Ё амирул мўъминин, аёлимдан сизга шикоят қилиб келгам эдим. Лекин, билдимки, сизнинг аёлингиз ҳам меникидан қолишмас экан. Шунинг учун арз қилишга ҳожат қолмади, – дебди.

Шунда Ҳазрати Умар розияллоҳу анҳу:
– Эй биродар, аёлимнинг менда ҳаққи кўп. Чунки у менга овқат пишириб берадиган ошпаз, нон ёпадиган нонвой, кийимларимни ювгувчи хизматкор, фарзандларимни тарбияловчи, хонадонимнинг қўриқчиси, мени ҳаром ишлардан сақловчи... Шунча хизматларни қилган аёлимнинг озгина озорига сабр қилмоғим зарур эмасми?..– деган эканлар.

«Саодат қучганлар ибрати» китобидан.
@oxunbobooficial Ochish/sharhlash

2021-12-21 10:26:50 ҚУРЪОН ЎҚИЛАЁТГАНДА ТАСБЕҲ АЙТСА БЎЛАДИМИ?
#Қуръон #тиловат

851-CАВОЛ: Қуръони карим тиловат қилинаётганда тасбеҳ айтса бўладими?

ЖАВОБ: Бисмиллаҳир Роҳманир Роҳим.
Қуръон тиловат қилинганда уни тинглаш ва жим туриш вожиб амал. Аллоҳ таоло Қуръони каримда:

وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُونَ

"Қуръон ўқилганда унга қулоқ тутинг ва жим бўлинг. Шунда раҳм қилинурсиз", — деган (Аъроф сураси, 204-оят).

Қолаверса, тиловатни тинглаш ҳам катта ибодат саналади. Шунинг учун тиловатни тинглаш керак. Валлоҳу аълам.

Ўзбекистон мусулмонлари идораси
Фатво ҳайъати.

@oxunbobooficial Ochish/sharhlash

2021-12-21 10:26:50 ОШХОНА ВА ҲАММОМНИ ОҚАВАСИНИ БИТТА ҚИЛСА БЎЛАДИМИ?
#қисқа_савол_жавоблар

CАВОЛ: Уйларда ошхона ва ҳаммомни канализация тизимини битта жойга қилса бўладими?

ЖАВОБ: Бисмиллаҳир Роҳманир Роҳим.
Ошхона, ҳаммом ва ҳожатхоналарнинг оқавасини битта қилишга уламоларимиз рухсат берганлар. Агар имкон ва шароит бўлса алоҳида қилган яхши. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @oxunbobooficial Ochish/sharhlash

2021-12-21 10:26:50 НАМОЗНИ ҚАСР ҚИЛИБ ЎҚИЙМАНМИ?
#қисқа_савол_жавоблар

CАВОЛ: Мен Андижонданман. Тоққа икки кунга дам олишга борсам, намозни қаср қилиб ўқийманми ёки тўлиқ ўқийманми? Масофа 200 км атрофида.

ЖАВОБ: Бисмиллаҳир Роҳманир Роҳим.
Сиз бу ҳолатда мусофир ҳисобланасиз ва тўрт ракатли фарз намозларнигина қаср қилиб ўқийсиз. Суннатларни эса тўлиқ адо қиласиз. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @oxunbobooficial Ochish/sharhlash

2021-12-20 22:14:23 “Men - donorman” aksiyasi – ezgulik sari yana bir qadam!

21-23 dekabr kunlari Respublikamiz bo‘ylab o‘tkaziladigan "O'zbekiston yoshlari forumi" doirasida "Men - donorman" xayriya qon topshirish aksiyasi orqali start beriladi.

Bir bolajonning hayoti saqlab qolinishi, sog‘ligi tiklanishiga sababchi bo‘ling – 21-dekabrdan 23-dekabrgacha Viloyat qon quyish markaziga tashrif buyuring va ezgu ishga xissa qo‘shing!

Donorlarga talablar:

- 18 - 60 yosh chegarasida bo‘lishi (pasport bilan tashrif buyurasiz);
- 1 kun avval achchiq, sho‘r mahsulotlar, spirtli, gazli yaxna ichimliklar, ertalabki nonushtada tuxum, yog‘, sut iste’mol qilmasligi;
- sariq kasalga chalinmagan, D ro‘yxatda turmasligi;
- vazni 60kgdan kam bo‘lmasligi.

Qon topshirish vaqti 10:00dan 16:00gacha

Murojaat uchun: (99) 965-66-09

Google kartadan manzilni topish

#Oʻzbekiston_yoshlari_forumi_2021
#Men_donorman
#Ezgulik_albatta_qaytadi

Telegram kanalimiz @yoshlaragentligixorazm Ochish/sharhlash

2021-12-20 20:42:34 САВОЛ: Масжидларда намозхонлар намозни хоҳлаганича ўқийвериши мумкинми?

ЖАВОБ: Кейинги давр уламолари муайян бир мазҳабга эргашиш вожиб, дейдилар. Чунки ҳар бир мусулмон ўзи тўғридан­-тўғри Қуръон ва ҳадисдан ҳукм олиш имкониятига эга эмас. Ҳар ким ўзи билганича амал қиладиган бўлса, адашади ва омма ўртасида турли ихтилоф ҳамда низоларнинг келиб чиқишига сабаб бўлади.

Аллома Зафар Аҳмад Усмоний раҳматуллоҳи алайҳ “Эълоус­-сунан” китобида бундай деган: “Тўрт мазҳаб имомлари ҳақиқатан тўғри йўлдадир. Бир юртда улардан қай бирининг мазҳаби тарқалган бўлса, унинг уламолари ва китоблари кўп бўлса, ижтиҳод даражасига етмаган (муқаллид) киши учун ўша мазҳабга эргашиш вожиб.

Ўз юртида кенг тарқалмаган ва уламолари кўп бўлмаган мазҳабга эргашиш жоиз эмас. Чунки бундай ҳолатда мазкур мазҳабнинг барча ҳукмларини ўрганиш имкони бўлмайди. Буни яхши билинг!Иншааллоҳ, ҳақиқат бундан бошқа эмас”.

Демак, бизнинг юртимизда фақатгина Имоми Аъзам Абу Ҳанифа раҳматуллоҳи алайҳнинг мазҳабларига амал қилиш энг тўғри йўл ҳисобланади. Хориждан келган меҳмонлар эса, бизнинг диёримизда ўз мазҳабларига биноан ибодат қилаверадилар. Валлоҳу аълам. Ochish/sharhlash

2021-12-20 19:25:13 Sehrning alomatlari qandoq bo'ladi?

Shayx Yorqinjon rohimahulloh
@oxunbobooficial Ochish/sharhlash

2021-12-20 19:24:21 Sehr va mo'jiza farqlari

Shayx Yorqinjon rohimahulloh
@oxunbobooficial Ochish/sharhlash

2021-12-20 16:55:12 ​​НОМАИ АЪМОЛИНИ БИРИНЧИ ОЛАДИГАН ЗОТ

«Бас, ўз китоби (номаи аъмоли) ўнг томонидан берилган киши айтур: “Мана менинг китобимни ўқинглар”» (Ал-ҳоққа сураси, 19-оят).

Ушбу ояти карима дастлаб Ҳабашистонга, сўнг Ясрибга ҳижрат қилган биринчи муҳожир Абу Салама ҳақида нозил бўлган.
Ибн Абу Осим Ибн Аббос розияллоҳу анҳудан қилган ривоятда бундай келади: “(Қиёмат куни) номаи аъмолини ўнг томонидан оладиган биринчи киши Абу Салама ибн Абдул Асад розияллоҳу анҳудир.

Номаи аъмолини чап томонидан оладиган биринчи киши унинг акаси Суфён ибн Абдул Асаддир”.
Тўлиқ исми: Абдуллоҳ ибн Абдул Асад Махзумий. Куняси: Абу Салама. Исломни илк қабул қилган ўн саҳобадан кейин Набий алайҳиссалом Дорул Арқамга киришларидан олдин имон келтирганлардан. Отаси: Абдул Асад ибн Ҳилол. Онаси: Расулуллоҳ соллаллоҳу алайҳи васалламнинг аммалари Барра бинти Абдулмутталиб. Турмуш ўртоғи: Умму Салама розияллоҳу анҳо. Абу Салама Набий алайҳиссаломнинг ҳам аммаларининг ўғли, ҳам эмикдошларидир. Абу Лаҳабнинг чўриси Сувайба розияллоҳу анҳо иккалаларини эмизган.

Дўстларингизга ҳам улашинг.
@oxunbobooficial Ochish/sharhlash

2021-12-20 16:48:38 Толиблар учун ҳакимона бир насиҳат

Ҳазрат Ашраф Али Таҳонавий айтдиларки, бу оламда сабаблардан асарлар (натижа, нишоналар) пайдо бўлганидек, мисол учун иссиқ нарса истеъмол қилишдан иссиқлик, совуқ нарса истеъмол қилишдан совуқлик пайдо бўлганидек, баъзида асарлардан (натижа, нишоналардан) сабаблар ҳам пайдо бўлади. Мана кўринг, овқат ейишга очлик ва рағбат сабаб бўлади. (Яъни очлик ва иштаҳа сабабли овқатланасиз.) Умуман олганда шундай бўладики, аввал қорин очқайди, овқатланишга рағбат пайдо бўлади, сўнг мана шунинг тақозоси (талаби) билан овқат ейилади. Лекин сут ичадиган болани кўринг. Ота-онаси сутдан чиқараётганда унинг аввалдан (бошқа таомга) рағбати бўлмайди, аксинча таомдан нафратланади ва юз ўгиради. Унда она сутига рағбат бўлади, холос. Лекин ота-она унга озгина-озгина қилиб, овқат егиздирадилар. Мана шу егиздириш билан унда таомга рағбат пайдо бўлиб қолади.
Тамаки ва чилим чекишга одатланган одамлардан сўрангчи, тамакининг ишқи уларда аввалдан пайдо бўлиб, мажбурликдан чекканмикинлар ёки иш aксинча бўлганмикин? Улар аввал чекишни бошлаганлар кейин эса тамакига бўлган рағбатлари ишқ даражасигача етиб борган. Худди шундай, ботинда (ичкарида) иймоннинг комиллиги инсоннинг солиҳ амаллар қилишига сабаб бўлганидек баъзида (солиҳ амал қилишга) бошида дилда чақириқ бўлмайди, лекин амални бошлаш билан дилда шавқ ва рағбат пайдо бўлади. Шунинг учун солик ва толибларга менинг насиҳатим шуки, муршид буюрган вазифаларни бажариш учун аввал дилда рағбат пайдо бўлишини кутмасин. Балки амални бошлайверсин, аста-аста дили берилиб кетади ва бажармаса туролмайдиган бўлиб қолади.

"Мажолиси ҳакимул-умма" китобидан.
@oxunbobooficial Ochish/sharhlash