2022-10-03 19:00:22
Ё ҳаммаси яхши бўлади, ёки яхшиликка бўлади...
Адашмасам 2009-2010 йиллар эди "ЖАР"да Жанговор УШУдан мусобақа бўлди, бизни залдан 50 га яқин бола борган ҳаммаси ёш ва ўзига ишонган худди 50 нафар борган барча иштирокчи бир хилда барчаси чемпион бўлиб қайтадигандек.
Кимлар ўшанда ютди, кимлар ютқазди бу эсимда йўқ аммо бир камбағалроқ ҳаётда жуда кўп қийинчилик билан улғайган шеригимизни жангги ҳали ҳамон эсимдан чиқмайди.
Финалгача жуда ажойиб жанг кўрсатди, ҳақиқатда талант эди.
Финалда уни ўзидан нақ 20 килоча оғир ва ёши бобом тенгги тажрибали спортчи билан қўйишди.
Умримда биринчи кўрган энг дахшатли ноҳақлик шу эди.Лекин шеригимиз барибир урушаман деб туриб олди.
Спортда 3 кило вазн ҳам катта рол ўйнайди 20 кило эса бу шунчаки дахшат.
Хуллас 3 раундлик жанг тенгма-тенг ўтди.
Аммо ғалаба ҳалиги бобойга берилди. Тақдирлашдан кейин ҳалиги қария келиб шеригимизга тан бердим кучли бола экансан деб кетди лекин бу тан бериш қилинган номардлик олдида копейка эди.
Шеригимиз шу мусобақадан қайтгач қайтиб залга келмади.
Ҳамма уни зўр чемпион бўларди эссиз деб эсларди.
Шу билан у болани анча йил кўрмадим.
Яқинда кўриб қолдим анча оёққа туриб ўзини ушлаб кетибди, спортдаги ноҳақлик уни спортдан совутди аммо ҳаётдан совимади.
У спорт аренада эмас, ҳаётнинг аренасида курашди.Шароитини анча яхшилаб олибди, катта бир савдо марказида иш бошқарувчи.
Уни кўриб хурсанд бўлдим ва ўйладим спортдаги ноҳақлик унинг фойдасига бўлган экан шу учун айтишса керакда
Ё ҲАММАСИ ЯХШИ БЎЛАДИ, ЁКИ ЯХШИЛИККА БЎЛАДИ деб...
@Otabek
5.7K viewsОтабек Артиков, edited 16:00