Kanal manzili:
Toifalar:
Iltimoslar
Til: Oʻzbek tili
Obunachilar:
12.15K
Kanalning ta’rifi
Реклама ва таклифлар: ADMINKA @Teacher_Axmedova
Ratings & Reviews
Reviews can be left only by registered users. All reviews are moderated by admins.
5 stars
1
4 stars
2
3 stars
0
2 stars
0
1 stars
0
Oxirgi xabar 56
2023-03-10 21:04:36
Bilasanmi, o'rtamizda nima bo'lmasin, qancha janjal qilmasin, qancha bir birimizni xafa qilmaylik, men baribir seni tanlayman. Chunki sen men uchratgan insonlar orasida eng yaxshisisan ALLOHGA OMONATIM......... @orzularim_0922
154 viewsAXMEDOVA, edited 18:04
2023-03-10 20:55:43
@orzularim_0922
169 viewsHAYOT GO'ZAL, edited 17:55
2023-03-10 20:51:58
Yuzimiz egallab turibdi
Kulgudan chizilgan naqshimiz
Qalbimiz kim ochib koʻribdi
Holimiz soʻrabsiz,yaxshimiz
Yuribmiz kun kabi yorishib
Gohida tashvishga qorishib
Ba'zida gʻam bilan olishib
Holimiz soʻrabsiz, yaxshimiz
Peshona ekanda nachora
Kulamiz dilimiz sadpora
Qilmaymiz dardimiz oshkora
Holimiz soʻrabsiz, yaxshimiz
Kun oʻtar bir tekis,bir xilda
Ozor bor,goh tanda,goh dilda
Yurakda boshqamiz,lek tilda
Holimiz soʻrabsiz, yaxshimiz
Kam emas biz kabi xokisor
Kim mehr,yana kim baxtga zor
Hammaning aytilmas dardi bor
Holimiz soʻrabsiz, yaxshimiz
Yosh emas,changlardan koʻzda nam
Odamzod boshida turfa gʻam
Jimdirmiz, ming ozor koʻrsak ham
Holimiz soʻrabsiz, yaxshimiz
Bizlarga hammasi yarashar
Bilmaslar havasla qarashar
Qachondir chindan hol soʻrashar
Holimiz soʻrabsiz yaxshimiz
Yuzimiz egallab turibdi
Kulgudan chizilgan naqshimiz
Qalbimiz kim ochib koʻribdi
HOLIMIZ SOʻRABSIZ...YAXSHIMIZ...
Zohid Ziyo @orzularim_0922
164 viewsHAYOT GO'ZAL, edited 17:51
2023-03-10 20:51:58
Ҳалима ХУДОЙБЕРДИЕВА
***
БИЛМАСЛАР
Кўрдим, қишлоқ, гўзал шаҳарлар кўрдим,
Оҳорлари кетиб борар, билмаслар.
Жамалаксоч пари – пайкарлар кўрдим,
Баҳорлари кетиб борар, билмаслар.
Тугмак бўлса етмас белбоғ учлари,
Дунё молин маҳкам тишлар тишлари,
Боғларининг ширинзабон қушлари,
Олқорлари кетиб борар, билмаслар.
Отлари-я, қорабайир отлари
“Гижинглайди”, деб ўйласам, додлади,
Ёли бўрон бўлганлигин ёдлади,
Шунқорлари кетиб борар, билмаслар.
Кузатиб бу дунёнинг ўру қирини,
Билмай қолдим келмак, кетмак сирини,
Ёлғон ёрлар ялашиб бир-бирини,
Чин ёрлари кетиб борар, билмаслар.
Чарсиллаган бир ўт ёнар ичимда,
Мен шеър айтсам, айтмадим тил учинда,
Бу талотўп, қув-қув, чоп-чоп ичинда
Ҳалима ҳам ўтиб борар, билмаслар. @orzularim_0922
160 viewsHAYOT GO'ZAL, edited 17:51
2023-03-10 20:51:58
#Шеър:
Висолингда узатмайсан бол,
Мен узатсам нечун ичмайсан?
Ўртамизда муҳаббат увол,
Ё қучмайсан, ёки кечмайсан.
Бир тандаги биз икки қанот,
Ишқ осмонин кезиб учмайсан.
Қалбни чўл эт, ё айла обод,
Ё қучмайсан, ёки кечмайсан.
Бахт либоси қолди эскириб,
Ё ўлдириб кафан бичмайсан.
Ишқсизларни ҳайрон қолдириб,
Ё қучмайсан, ёки кечмайсан.
Қалбим – осмон, муҳаббатим – ер,
Минг тугуннинг бирин ечмайсан.
Керакмасми – муштоқларга бер,
Ё қучмайсан, ёки кечмайсан.
Аразлайсан узоқроқ кетсам,
Яқин борсам қучоқ очмайсан.
Гул ўрнида қалбимни тутсам,
Ё қучмайсан, ёки кечмайсан.
Илҳом ИБРОҲИМОВ @orzularim_0922
161 viewsHAYOT GO'ZAL, edited 17:51
2023-03-10 20:51:58
БОРАМАН
Оғриқ танда қолса, фараҳ ташқари,
Сезсам кўзинг қирғоғидан тошганим.
Қайта ёнмас бўлиб ўчган сингари,
Қисматнинг ёзиғи келса тескари,
Шунда ҳам,
бурмасман йўлимни,
эркам!
Сен томон элтажак ул чаппа роҳни,
дуодай
ўнгариб бораман!
Занжирбанд қилсалар зилдай кулфатни –
Гар тақиқ этсалар исминг – жаннатни,
Севгимга илсалар тавқи лаънатни,
Кўзимга тортсалар милдай зулматни,
Шунда ҳам,
нор этиб дилимни,
эркам!
Сен учун зулматдан бир тола оқни,
самодай
қантариб бораман!
Гуноҳлар мозийдай яна қақшатса,
Юзимни кимгадир аниқ ўхшатса.
Соямни Сейлонга қайта тўшатса –
Ҳижоз тоғидаги дардни бошлатса,
Шунда ҳам,
йўл билиб кўнглимни,
эркам!
Сен учун мангулик Арафот – тоғни,
Атодай
ахтариб бораман!
Қароғинг қадаҳдай сим-сим тўлганда,
Руҳимни шуъладай сассиз тилганда,
Висолингга энди етдим деганда,
Бир элчи омонат сўраб келганда,
Шунда ҳам,
рад этиб ўлимни,
эркам!
Мен учун қазилган энг сўнгги чоҳни,
балодай
тўнтариб бораман!
Тақдири гарчи бож бўлса ҳам, ҳатто!
Еру кўк бир қулоч бўлса ҳам, ҳатто!
Ҳаммаси ноилож бўлса ҳам, ҳатто –
Ишқсиз шир яланғоч бўлса ҳам, ҳатто!
Шунда ҳам,
шеър билиб тилимни,
эркам!..
Кўнглингда ҳаётдан узилган ёқни,
наводай
яратиб бораман!
Алибек Анварий @orzularim_0922
157 viewsHAYOT GO'ZAL, edited 17:51
2023-03-10 20:51:58
* * *
Ҳаётингга кирдим беҳуда,
Дард ва ҳижрон топиб олганим.
Алам қилар сен учyн жуда.
Сени яхши кўриб қолганим.
Дунё эски… Ўзгармас олам,
Бекор ундан кўнгил совуши —
Лек менга ҳам қилгайдир алам
Ўзгасини қаттиқ севишинг.
Husan Maqsud @orzularim_0922
153 viewsHAYOT GO'ZAL, edited 17:51
2023-03-10 20:42:49
* * *
Сени эслаганда...
Бир келмайсанми –
кўкламги тўлиққан булутлар мисол
ювиб юракдаги соғинч ва зангни
оламни тўлдириб ёғмасми висол!
Кўклам чечаклари таратарми бўй,
бир ёруғ кунларга бўлгайми изн?
Сен-да бу тўлиқиш, ғам-аламни қўй,
не учун ахир бу маҳзуна исм?
Қақраган тупроққа нам ранг берар сув,
чанқаган дудоққа бўсадир даво.
Келсанг...
Гирдо-гирдга ёғармиди нур,
зора юмшармиди қаҳратон ҳаво...
Ҳижрон чўзилганда узун қиш мисол,
ногоҳ мен томонга бурдингми изни –
оламни тўлдириб ёғарми висол,
баҳор ёмғирлари,
бу келган сизми?
Икром ИСКАНДАР @orzularim_0922
142 viewsHAYOT GO'ZAL, edited 17:42
2023-03-10 08:01:41
@orzularim_0922
47 viewsHAYOT GO'ZAL, edited 05:01
2023-03-10 08:01:40
#Жума_муборак Ассалому алайкум ва раҳматуллоҳи ва барокатуҳ! ЖУМА муборак бўлсин!
Дуога қўл очинг, Толмасин билак,
Бугун сўрайверинг, Хар неки тилак.
Файзи билан берур, Аллоҳ таборак.
Тавба сохибига, «ЖУМА» Муборак...
АЛЛОҲИМ, жума кунида, бизларни, ота-оналаримизни, биз яхши кўрган кишиларни гуноҳларини авф этилганларингдан, улардан рози бўлганларингдан, гуноҳларини кечирганларингдан, Дўзахга ҳаром қилганларингдан, Жаннатий деб ёзганларингдан қилгин! АМИЙН!
Яқинларни биринчилардан бўлиб табриклашни унутманг! @orzularim_0922
44 viewsHAYOT GO'ZAL, edited 05:01
S
