Get Mystery Box with random crypto!

Oq masjid

Telegram kanalining logotibi oqmasjidjomemasjidi22 — Oq masjid O
Telegram kanalining logotibi oqmasjidjomemasjidi22 — Oq masjid
Kanal manzili: @oqmasjidjomemasjidi22
Toifalar: Din
Til: Oʻzbek tili
Obunachilar: 4.96K
Kanalning ta’rifi

Ўзбекистон мусулмонлари идораси, Тошкент вилояти, Бекобод шаҳар "Оқ масжид" жоме масжидининг телеграмдаги расмий канали. Таклиф ва мулоҳазалар учун: @Savoloqmasjidbot

Ratings & Reviews

2.50

2 reviews

Reviews can be left only by registered users. All reviews are moderated by admins.

5 stars

0

4 stars

0

3 stars

1

2 stars

1

1 stars

0


Oxirgi xabar 3

2022-08-30 07:30:57 ОТА-ОНА ХАҚЛАРИНИ ЧИРОЙЛИ ВА ТЎЛА АДО ЭТИНГ

Жаноби Муҳтарам Пайғамбаримиз Расулуллоҳ саллаллоҳу алайҳи васаллам айтдилар:
«Уч хил дуонинг ижобат бўлишида шак-шубҳа йўқ:
1) мазлумнинг дуоси,
2) мусофирнинг дуоси,
3) ота-онанинг фарзанди ҳаққига қилган дуоси»

(Имом Термизий ривоятлари).

Аллоҳ Таоло гуноҳлардан хоҳлаганини Қиёмат кунига олиб қўяди.
Бироқ ота-онасига оқ бўлиш бундан мустасно.
Аллоҳ Таоло ота-онасига оқ бўлган одамни ўлмасидан олдин шу дунёнинг ўзидаёқ жазолайди.


Кимки ота-онасини ҳақорат қилса, дафн қилинганидан сўнг унинг қабрига, осмондан ерга тушадиган ҳар бир томчи миқдорича қизиб турган чўғ тушади.

Ота-онасига оқ бўлган кимса дафн қилинса, қабри уни қаттиқ сиқади. Ҳаттоки унинг қовурғалари бир-бирига кириб кетади.

Қиёмат кунида энг қаттиқ ғазабга гирифтор бўладиган инсонлар уч тоифа бўлиб, улар – мушрик, зинокор ва ота-онасига оқ бўлган кимсадир.

Банда ота-онасига оқ бўлса, Аллоҳ таоло тезроқ азоб бериш учун уни тезда ҳалок этади.
Банда агар ота-онасига меҳрибон бўлса, янада кўпроқ яхшилик ва меҳрибонлик қилиши учун Аллоҳ Таоло бу банданинг умрини узун қилиб қўяди.


Каъбул Аҳбордан: «Ота-онага оқ бўлиш нима?» – деб сўрашган эди, у киши:
«Агар отаси ёки онаси унинг номидан қасам ичса, қасамини оқламайди.
Бирор ишга буюрса, буйруғига итоат этмайди.
Бирор нарса сўраса, бермайди ва омонат қўйса, хиёнат қилади»
, – деб жавоб бердилар.

Уланиш учун:
@INSONIYLIKUZ_IIR

https://t.me/insoniylik_uz_iir

Facebook | Telegram | Instagram | Одноклассники | YouTube
741 views+998999991425, 04:30
Ochish/sharhlash
2022-08-30 06:36:04
#кун_ояти

وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ.

"Роббингиздан бўлган мағфиратга ва кенглиги осмонлару ерча бўлган, тақводорлар учун тайёрлаб қўйилган жаннатга шошилинг".
(Оли Имрон сураси, 133-оят).

Бизни ижтимоий тармоқларда кузатинг:
Telegram|Facebook|Instagram
974 viewsОқ масжид жоме масжиди, 03:36
Ochish/sharhlash
2022-08-30 06:24:09
Истиғфор дуоси

أسْتَغْفِرُ اللهَ الَّذِي لاَ إِلَهَ إِلاَّ هُوَ الحَيُّ القَيُّومُ وَأَتُوبُ إِلَيْهِ

«Астағфируллоҳаллазий лаа илаҳа илла ҳувал ҳаййул қоййум ва атубу илайҳ»

Маъноси: "Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан".

#Истиғфор #дуо
Muslim.uz
@muslimuzportal | @mp3muslim | @diniysavollar
869 viewsОқ масжид жоме масжиди, 03:24
Ochish/sharhlash
2022-08-30 02:02:02
Ассалому алайкум!

Бошланган янги ҳафта, янги кунингиз хайрли, барокатли, дунё ва охиратингизга фойдали давом этсин!

@oqmasjidjomemasjidi22
1.6K viewsОқ масжид жоме масжиди, 23:02
Ochish/sharhlash
2022-08-29 21:19:04 Oq masjid pinned a photo
18:19
Ochish/sharhlash
2022-08-29 20:17:02
#Намоз_вақтлари

إِنَّ ٱلصَّلَوٰةَ كَانَتۡ عَلَى ٱلۡمُؤۡمِنِینَ كِتَـٰبࣰا مَّوۡقُوتࣰا

"...албатта намоз мўминларга вақтида фарз қилингандир".
(Нисо сураси, 103-оят)


Бизни ижтимоий тармоқларда кузатинг:

Telegram|Facebook|Instagram
1.4K viewsОқ масжид жоме масжиди, 17:17
Ochish/sharhlash
2022-08-29 18:27:18 #Мутолаа_вақти
Волий Абу Ҳурайра

Кунларнинг бирида Ҳазрати Умар томлари тунукадан ёпилаётган, деворлари охаксувоқ қилиб курилаётган уйни кўрдилар. Ўша давр учун бу уй ҳашаматли ҳисобланарди. Ҳазрати Умар уй кимникилигини сўраганларида, одамлар Баҳрайн волийи Абу Ҳурайраники эканини айтишди. Ҳазрати Умар бир муддат ўйлаб туриб: «Динору дирҳамлар буларнинг бурнини кўтариб қўйибди» дедилар.

Зеро, Абу Ҳурайра Мадинадан кетаётган пайтда бундай уй қурдирадиган имкони йўқ эди. Лекин ўша ерда топган пулларига шундай ҳашаматли уй қурдиряпти.

Ҳазрати Умар сўраб-суриштириб, бир минг динорга зотдор от ҳам сотиб олганини аниқладилар. Тезда Баҳрайнга хабар юборилди ва Абу Ҳурайра Мадинага етиб келди.

Ҳазрати Умар мол-мулкининг ярми Байтулмолга олинажагини айтганларида, Абу Ҳурайра эътироз билдирди. Бунисини ортиқча деб билган Ҳазрати Умар қўлларидаги таёқ билан тушириб қолдилар.

— Ўзи бир ёқдан келиб, Баҳрайнга кетган бўлсанг. Одамлар ўзлари олиб келадиган мол-мулклари билан сени бой қилиб қўйсинлар, шунаками?

Абу Ҳурайрага нисбатан «Пора олган» иборасини қўллашдан йироқмиз. У бундай қилиши мумкин эмасди, чунки Расулуллоҳ соллаллоҳу алайҳи ва салламнинг: «Пора олган ҳам, берган ҳам жаҳаннамга киради», деганларини у зотлар яхши билишади.

Абу Ҳурайра пора кенг тарқалган жамиятда хотиржамлик йўқолишини, адолат ўртадан кўтарилишини яхши тушунарди. Балки у тажрибасиз волийлиги учун савдо-сотиқ қилаётганда кўпроқ фойда қилиб, имкониятлари кенгайгандир.

Ажаб, у ёкқа волий эмас, Абу Ҳурайра сифатида борганида ўша ҳушсуханлик билан кутиб олиниб, ўша қулайликларга эга бўлармиди? Жамият хусусиятларини яхши биладиган одамлар бу саволга «Ҳа» деб жавоб бермаса керак. Абу Ҳурайра эртага яна Баҳрайнга қайтса, фақат волий сифатида эмас, у муомалалар ўзгарганига гувоҳ бўлиши турган гап эди. Кеча очиқчеҳра, ширин тил билан мурожаат қилган, ҳол-аҳвол сўраб саломига алик олишига илҳақ турганлар бугун уни кўрмасликка олиб кетадилар. Кеча ёнига келиши учун имкон излаганлар бугун нари юриш учун минг баҳона топиб берадилар.
Давоми бор...

@oqmasjidjomemasjidi22
1.4K viewsОқ масжид жоме масжиди, 15:27
Ochish/sharhlash
2022-08-29 15:51:28 Ваъз

Одамлар масжидга намозни жамоат билан ўқиш учун борадилар. Шундай кишилар ҳам борки, музлатгични ўчириш ёки ёқишни назорат қилиш, намоз вақтини эрта ёки кечлигини танқид қилиш, имомнинг қироатини узун ёки қисқа қилганлигини текшириш, намозхонларнинг қиёмда қандай турганларини тафтиш қилиш учун борадилар.
Сиз масжидга хушуъ билан намоз ўқиш учун боринг. Зинҳор бировни танқид қилиш, одамларга ўзингизни кўз-кўз қилиш учун борманг.
Масжидга кираётганингизда шунга ишончингиз комил бўлсинки, масжиддаги бошқа одамлар сиздан кўра тақводорроқ, сиздан кўра илмлироқ ва сиздан кўра Аллоҳга яқинроқ бўлиши мумкин.

@oqmasjidjomemasjidi22
1.4K viewsОқ масжид жоме масжиди, 12:51
Ochish/sharhlash
2022-08-29 12:45:19
ЖОНЛИ СУҲБАТ

Бугун, 29 август куни соат 15:00 да @fitratuz телеграм каналида онлайн савол-жавоб бўлиб ўтади.

Тошкент вилояти бош-имом хатиби Жасурбек домла Раупов саволларингизга жавоб берадилар.

Ўзингизни қизиқтирган диний саволларга жавоб олишингиз мумкин.

Дўстларингизга ҳам улашинг
https://t.me/joinchat/AAAAAEGj0hkBXGlopIDbXA
1.1K viewsОқ масжид жоме масжиди, 09:45
Ochish/sharhlash
2022-08-29 08:53:55
Дунёда яхши инсондек кўриниб, охиратда муфлис бўлиб қолишдан эҳтиёт бўлинг.

Имом Шаъровий роҳимаҳуллоҳ
(Муфлис - охиратга савоблар билан бориб, ҳаммасидан маҳрум бўлиб, гуноҳкор бўлиб қолган киши)

Бизни ижтимоий тармоқларда кузатинг:
Telegram|Facebook|Instagram
1.3K viewsОқ масжид жоме масжиди, 05:53
Ochish/sharhlash