2022-06-28 10:30:07
Psixologik nuqtai nazardan kechirish
Hamma turdagi konsultatsiyalarda uchrab turadigan muhim mavzulardan biri bu kechirish mavzusi. Afsuski bu haqida internetda ham o'qishlarda ham ko'p ma'lumot bor-u lekin ko'p noto'g'ri yondashuv ham bor.
Avvalambor kechirish siz uchun kerakligini tushunib olishingiz kerak. Nima uchun-mi? Sababi bu siz hayotingizni to'la qonli his qilib mazza qilib yashashga xalaqit beradi. U miyani o'yib har zamon xayolingizni o'g'irlaydi. Oddiy qilib aytganda miyani hisob kitob mashinasi, kompyuter deb tasavur qilsangiz u sizga ortiqcha programma sifatida joy egallab bekorchi energiya sarflaydigan zararkunanda virus
Kechirish asli biror bir insonni hattoki o'zini kechirganda ham bu kelajakda aynan shunday sizni xafa qilgan ishni takrorlanishiga ruxsat berish degani emas, yoki shuncha-ki bu bo'lgan voqeani unutish degani emas, va nihoyat hech narsa bo'lmagandek o'zini tutish ham emas. Xo'sh unda kechirish nima degani deb so'rasangiz sizga bu javobni aytishdan oldin nima uchun yozilgan uchta sabablarga amal qilish xato bo'lishini tushuntiraman.
Sizni kimdir xafa qilsa-yu u odam sizni yana takror va takror kamsitaversa unda siz faqatgina bu kamsituvchi odamni ko'zida emas balkim boshqa bunga guvoh bo'lgan odamlarni oldida ham sizni kamsitish mumkinligiga signal berish bo'ladi. Bu odamga qo'shilib boshqalar ham qo'shilishni boshlaydi. Shuning uchun bunday narsaga umuman ruxsat bermaslik kerak.
Voqeani unutib qo'yish jismonan imkoni yo'q. Hamma xotiralar miyamizda joylashib qoladi. Faqatgina juda dahshatli ko'rinishdagi xotiralar travmatik bo'lsa ularni miya vaqtincha xotira kitobxonangizni shunday burchagiga yashirib qo'yadi-ki uni ongli ravishda eslab topishingiz qiyin bo'ladi. Miya o'zini himoya qilish uchun qo'rqinchli xotiralardan shunday o'zini himoyalaydi. Lekin bu baribir ichki yashirin stresni chiqarib psixosomatik kasalliklarni vujudga keltirib chiqarishi yoki turli xil yomon odatlarni shakllanishiga sabab bo'lishi mumkin.
Shunaqa xolatda gipnoz yaxshi yordam beradi. Sababi bu holatda odam o'zini nisbatan xavfsiz his qilib u xotirani kuzata oladi. Shu bilan yomon xotiralar bilan effektiv ishlash mumkin.
Hech narsa bo'lmagandek yursangiz birinchi tasvirlangan holat bo'lishi mumkin. Yana bir tur kechirish bor odamni tasavvur qilib uni kechiraverish, bu ham tog'ri ish emas. Agarda sizni kimdir kamsitsa buni yoki to'xtatish kerak yoki bu qilmishiga yarasha o'sha inson qonunan jazolanishi kerak.
Ana endi psixologik nuqtai nazarda to'g'ri kechirish qanday bo'lishni aytaman. Bu mana shu holat sabablik insonda paydo bo'lgan his-tuyg'ulardan qutulish, forig' bo'lish kechirish bo'ladi. Sababi aynan shu his-tuyg'ular bizni miyamizni o'yib tinch qo'ymaydi yo qasosga undaydi yo o'zimizni ayblashga chaqiradi. Bu his-tuyg'ulardan qutulmanimizgacha bizni bezovta qilaveradi. Hamma holatlar bilan ishlash shart emas faqatgina bizga salbiy ta'sir qilib miyamizni bekorga band qiluvchi salbiy his-tuyg'ularni uyg'otuvchi holatlar bilan ishlangan ma'qul.
Kechirish uchun muhim qadamlar:
-Sizni bezovta qilgan holatni eslab oling.
-U qanday his-tuyg'ularni uyg'otayapti shuni aniqlang.
-Keyin haqiqatdan ham shu his-tuyg'ulardan qutulishga qaror qiling. Undan qutulsangiz nimalarga erishasiz shuni anglab oling.
- His-tuyg'ular bilan ishlang va ulardan xalos bo'ling.
Shunday qilib erkinroq hayot kechirishni boshlang .
27 views07:30