Кўнглим ёмон оғриди Кўнгил кўчасидан сизни сўроқлаб, Хаёлан с | Оналар Канали

Кўнглим ёмон оғриди

Кўнгил кўчасидан сизни сўроқлаб,
Хаёлан сиз билан сухбат қураман.
Хамон гўдак каби талпиниб сизга,
Тополмай кўз ёшим тўкиб бораман.

Бораман, туғилган ховлимга бот, бот,
Сизни ахтараман, сиз эккан гулдан,
Хатто тополмасдан бирор изингиз,
Кўнглим йиғлар, овозсиз сассиз.

Мен нега билмадим, қадрингиз она.
Кун келиб тополмай, қилишим нола.
Кўз ёшим қуритди, аламлар яна,
Онажон соғиндим, мен хамон бола.

Сочимга қор қўнди, унутолмадим.
Ёшлигим тарк этди кўниколмадим.
Юзимда ажинлар юрагим ғашлар,
Соғинчидан эгилди бу мағрур бошлар.

Муҳайё Нишонова

Барча, онасини яхши кўрадиганлар учун канал

@Onalar_kanali

https://telegram.me/joinchat/TvtkE6oET_SJ2DTx