Еттинчи осмонга чиқиб руҳимиз Ҳаёлан жаннатга сайр, Рамазон Би | Оналар Канали

Еттинчи осмонга чиқиб руҳимиз
Ҳаёлан жаннатга сайр, Рамазон
Бирпасда ўтибди ўттиз кунимиз
Келгуси йилгача хайр, Рамазон.

Ҳоли қил ғубордан барча дилларни
Дуода ўтказдик гўзал тунларни
Заржирбанд айладинг шайтон, жинларни
Бизларга ўн бир ой сабр, Рамазон.

Саждага умидвор бошлар эгилган
Дилларга имондан уруғ экилган.
Бандалар кўзидан дув дув тўкилган
Нафсу гуноҳларга қабр, Рамазон.

Аллоҳдан биз учун эҳсон бўлгандек
Имони бутунга осон бўлдинг лек.
Бор йўғи бир ойга меҳмон бўлдинг лек
Савобинг бир йилга татир Рамазон.

Бирзумда ўтибди ўттиз кунимиз
Яна келгунингча хайр, Рамазон...

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw