БАХТ ТОНГИ Сен қалбингни очдингмикин оқшом маҳал? Тонгда қуёш менга қараб кулиб қўйди. Битдингмикин шамолларга дил мактубин? Субҳи сабо юзим майин силаб суйди. Субҳидамни қутлар ҳар кун тонг қушчаси, Сирдошмикин сенинг бирла шул сайроқи? Қўнимгоҳдир, балким, унга шунинг учун Деразамнинг ёнидаги ўрик шохи. Муҳаббатинг жилосими гулғунчаю, Майсаларнинг юзидаги шаффоф шабнам? Разм солсам, ҳар томчида сенинг аксинг, Сувратингдан кўнгил бироз топар малҳам. Ҳар тонг менга шундай қувонч ато этар, Сен юборган меҳр тўла дил изҳоринг. Вужудимда бу ҳаётнинг яшаш завқи, Менинг учун бахтдир ўзи сенинг боринг. Сарвара Эшонхонова Kanalimizga azo bo‘ling! @ONA_TILIM_MILLAT_RUHI 1.7K viewsedited 03:01
