Олтин воҳа | Пул 10

2022-08-29 16:32:29 Ялпоқтепа. Оҳангарон тумани. Байрамнинг ҳақиқий эгаси шу инсонлар аслида.

@oltin_voha Ochish/sharhlash

2022-08-29 09:08:28 Вазият ойдинлашмоқда

Қурувчи билан гаплашдим. Ерни аукцион орқали 37 миллионга ютиб олган экан. Деярли сув текин.

Беш қаватли турар-жой комплекси қураётган экан. Лойиҳа-смета ҳужжатларини сўрадим, кўрсатолмади.

Қурувчи ҳам ўзича ҳақ. Лекин, айнан шу қурувчи томонидан сал аввал қурилган «Янгилик» маҳалласи биноси тўкилиб тушишни бошлаганда, ремонт қилиб бергани эсимга келди. Сифатсиз қурувчи.

Ҳай. Бу энди бошқа масала деманг. Уй қуриш жиддий иш. Сифатсиз ишлари билан танилган қурувчига буни ишониб бўлмайди.

Асосий гап. Архитектура талабларига зид равишда қурилаётган бу уйни қуриш таклифини берган, ерни аукционга чиқарган калласи катта одамларга раҳмат. Сизларга гап йўқ. Гап увол.

Ўзи шу аукционга ер чиқаришдан олдин жамоатчилик фикри ўрганиладими? Айнан гавжум жойларда қурилиш бошлашдан бурун ўша объектга эҳтиёж, зарурат, қуришга шароит борлигини қандай аниқланади? Саволлар кўп.

Қонунчиликка биноан қурувчи қурилиш бошлашидан аввал объектни ўраб олиши, лойиҳа паспортини кўринарли қилиб илиб қўйиши керак. Бу энг минимум талаб. Шунгаям эринган. Ўғрига ўхшаб тунда қурилишни бошлаб, ковлаб қўйишди. Эрталаб турсак, болалар майдончаси йўқ ваҳоказо.

Умид қиламизки, Оҳангарон шаҳри жамоатчилиги ҳудудда рўй бераётган шу ва бошқа муаммоларга эътибор қаратади. Шаҳарнинг ҳақиқий эгаси унда яшовчилар. Бошқа вилоятдан келиб аҳоли зич яшаётган жойга одатдагидек сифатсиз қурилишни бошлаган тадбиркорда маҳаллий аҳолига нисбатан ҳурмат кайфиятини кутиш беҳуда эканлигини тушундим. Акс ҳолда қайсидир йўллар орқали, ҳарислик билан болалар майдончаси ўрнига кўз тикиб, сув текинга эга чиқиб олмасди. Уялар эди халқдан...

Охирги гап: шубҳали аукцион операцияси орқали лойиҳани ютиб олиб, қурилишни бошлаш, бу ҳали ҳаммаси қонуний дегани эмас!

@oltin_voha мавзуга доир ўрганишни давом эттиради Ochish/sharhlash

2022-08-29 05:25:57 Ишончга мана шундай пайтда дарз кетади. Шаҳарсозлик ва архитектура меъёрлари ухлатилди.

Кўриб турибсан, кўз олдингда амалдаги қонунчиликка тупуриб, уй қуришмоқда, шаҳарнинг гавжум жойини недир келишув билан тадбиркорга беришган.

Лекин, қаерлардадир қонун ҳам бор, ҳуқуқ-тартибот идоралари ҳам бўлса керак, дейсан ўйланиб...

Маҳалла болаларининг стадиони эди, шу атрофдаги учта уй учун спорт майдончаси эди бу жой. Ачиндим.

@oltin_voha Ochish/sharhlash

2022-08-28 18:46:43 “Ҳар қанақа ташвишнинг бир қувончи бўларкан. Мен қамалганимда қувончим шу бўлдики, яхшиям онам ўлган эканлар...” — Шукрулло

Видеони тўлиқ кўринг:




Бизни кузатиб боринг
Youtube | Facebook | Telegram | Instagram Ochish/sharhlash

2022-08-28 18:44:25

Қурилиш тўхтади. Агар қонуний бўлганда давом этарди. Қурилишни бошида турганлар биттаям ҳужжат кўрсатолмади. Ҳаммаси қочиб кетди.

Оҳангарон шаҳар прокуратураси ҳам уйғониб, вазиятга баҳо беришини кутамиз. Шаҳарсозлик норма кодексига зид бўлган ҳоким қарори учун жавоб беринглар!

Бу ерда қурилиш қилишга Ўзбекистон Республикасининг қонунлари йўл қўймайди.

Оҳангарон шаҳри ҳам Ўзбекистон қонунларига бўйсунадими, хўш?

@oltin_voha Ochish/sharhlash

2022-08-28 18:35:54

Вилоят прокуратурасидан изоҳ кутамиз. Қандай қилиб кўп қаватли уйларнинг муҳофаза зонасига тунда келиб уй қуришни бошлашади?

Кодекс қонун демакдир. Агар Оҳангарон шаҳрида прокуратура бўлса, қонун қўриқчилари уйғоқ бўлса, бу жирканч вазиятга баҳо беришсин!

Бу қандай гап ахир? Кўп қаватли уйнинг орқа томонидаги майдонга участкавой учун уй қуриб олишса, олди томонига яна нимадир қурилиш бошлашса?

Оҳангарон шаҳрида ҳам инсонлар яшайди! Уларни ҳурмат қилинг! Мен водийда туғилдим, лекин бугун Оҳангаронликман. Фарзандларим шу ерда катта бўлаяпти.

Бизда фақат битта савол бор. Бу ноқонуний, шаҳарсозлик норма кодексига зид қурилишни прокуратура тўхтата оладими? Ўзбекистон қонунларини Оҳангарон шаҳар ҳокимлиги ҳам тан оладими?

Прокуратурадан жавоб кутамиз.

@oltin_voha Ochish/sharhlash

2022-08-28 17:54:26 Ҳеч кимни огоҳлантиришмайди, қонунни ўзлари бузишади, шаҳaрсозлик норма кодексига амал қилишмайди.

Ими-жимида тунда, уйлар орасида қурилиш бошлашади. Шу туришда улар энг камида учта қонунни бузишаяпти.

Ким рухсат берди бу қурилишга? Санлар қонунни оз бўлсаям ҳурмат қиласанми? Оддий одамлар қалбида президент сиёсатига нафрат туғдираётган ҳокимлардан жирканаман. Оҳангарон шаҳрида нафас олишга жой қолмади.

Оҳангаронда қонун ишласа, бу шаҳар ҳам президент қарорларига бўйсунса, бу ноқонуний ва аҳолидан беркитиб, тунда қилаётган ишларини тўхтатади.

Умид қиламизки, Оҳангарон шаҳридаги бошбошдоқлик вилоят, республика раҳбарияти томонидан назоратга олинади.

@oltin_voha Ochish/sharhlash

2022-08-28 10:58:09 Меҳнат фахрийси Амин Тажиев: "Июль ойида бўлган воқеаларда иштирок этганларнинг биронтаси дўст эмас, на элнинг, на Қорақалпоғистоннинг, на қорақалпоғистон халқининг".

Шу йилнинг 26 август куни Қорақалпоғистон Республикаси Жўқорғи Кенгесининг навбатдан ташқари 34-сессиясида Меҳнат фаҳрийси Амин Тажиевнинг Президент Шавкат Мирзиёев олдида сўзлаган нутқидан.

@oltin_voha Ochish/sharhlash

2022-08-28 08:41:54 #Изоҳсиз

«Мадина бизнинг олтинимиз эди» - Қуйи Чирчиқда эри томонидан ўлдирилган келинчакнинг кундалик дафтари топилди. Марҳуманинг отаси профилактика инспекторини ўлдиришини айтмоқда. Ochish/sharhlash

2022-08-28 06:16:35 Mandat e’lon qilindi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 6 xil usulda bilish mumkin.

my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz sayti orqali:

mandat.dtm.uz saytining “Bakalavr-2022” bo‘limiga abituriyentning ID raqamini kiritgan holda.

SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

Davlat test markazining quyidagi telegram botlari orqali (abituriyentning ID raqamini yuborgan holda):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.

Каналга уланиш:
https://t.me/+tcc8Accr_k80OGNi Ochish/sharhlash