2023-04-23 14:48:38
Янгиланаётган Конституция бўйича
референдумга 7 кун қолди. Ушбу муҳим воқеа
жамият ҳаётининг барча жабхаларига катта таъсир кўрсатиши кутилмоқда.
Биринчидан, сўнгги йилларда амалга оширилган ислоҳотларнинг асосий натижалари мамлакатимизнинг бош қонунида мустаҳкамланмоқда.
Шуни эътироф этиш керакки, сўнгги
6 йил ичида мамлакатда кўплаб ўзгаришлар рўй берди,
“прописка” тизимидан тортиб,
мажбурий ва болалар меҳнатигача. Аҳолининг катта қисмининг кундалик ҳаёти ва эртанги кунига бевосита таъсир қилиб келган ушбу муаммолар энди
қайтмас ўтмиш сифатида белгиланмоқда.
Иккинчидан, давлатимиз ривожланишининг
кейинги босқичига ўтиш учун ҳуқуқий замин яратилмоқда.
Мисол учун, Ўзбекистон –
ижтимоий давлат, деб қайта кўриб чиқилиши мумкин эмас норма сифатида белгиланмоқда. Бу — ҳеч бир фуқаро ўз муаммолари билан ёлғиз қолмайдиган адолатли давлат қурилиши учун мустаҳкам замин дегани. Хусусан, Конституцияда давлатнинг ижтимоий соҳадаги мажбуриятлари билан боғлиқ нормалар
3 баробарга кўпайтирилиб, ижтимоий давлат моделини амалга ошириш механизмлари белгиланмоқда.
Учинчидан, Конституцияга нафақат ички ривожланиш принциплари, балки
мамлакатнинг ташқи алоқалари борасида ҳам ўзгаришлар киритилмоқда.
Хусусан, ташқи сиёсатнинг асосий принципларидан бири сифатида
"давлатларнинг ҳудудий яхлитлиги" принципининг киритилаётганлиги катта аҳамиятга эга. Унга кўра, ҳар қандай давлат бошқа давлатнинг ҳудудий яхлитлигини ҳурмат қилиши,
унинг суверенитети, миллий бирлиги ва ҳудудий яхлитлигини қисман ёки тўлиқ бузишга қаратилган ҳар қандай ҳаракатлардан ўзини тийиши лозим.
Ҳудудий яхлитлик принципига мувофиқ, нафақат Ўзбекистон бошқа давлатларни, балки
бошқа давлатлар ҳам мамлакатимиз чегаралари дахлсизлигини ҳурмат қилиши керак.
Умуман олганда, Конституциявий қонун лойиҳаси билан амалдаги Конституция
65 фоизга янгиланмоқда, унинг амалдаги
275 та нормаси
434 тага кўпаймоқда. Конституцияга киритилиши таклиф этилаётган
100 та энг муҳим янгиликларнинг мазмун-моҳияти билан махсус қўлланма орқали батафсил танишишингиз мумкин.
@Olmaliqhayoti
Online mustang taxi 1052
4.2K views11:48