АЙТИ-ШЕЪР Замонанинг зайлига кекса-ёш шайдо бўлди, Ажабтовур | Oлмалиқ ҳаёти | Аллоҳнинг паноҳида бўлинг!

АЙТИ-ШЕЪР

Замонанинг зайлига кекса-ёш шайдо бўлди,
Ажабтовур қавм ичра ажиб тил пайдо бўлди.

Отарчи - суперстар,
чайқовчилар - бизнесмен,
Даллол - маклер дейилар,  мен фарқини билмасман.

Кюар код хира десанг, елка қисар менежер,
Қозоқча қилиб айтсам, менежеринг мени жер.

Ҳаммаёқни блогер, ботикс, бот  босиб кетди,
Инстаграм, Твиттер, гив, пин- код босиб кетди.

Футбол кўрсанг, голкипр тўсмайди, сейв қилади,
Бир қўлида  айфони селфини хайп қилади.

Лайсменлар офсайтни реактив белгилайди,
Кембэк қилолмай вингер газонни тепкилайди.

Тик-токчилар вайнни ноухау дейдилар,
Узунқулоқ шов-шувни булар шоу дейдилар.

«Корзинка»нинг ёнида лаллайиб турар Эшбек,
Смартфонига  дўкон ташлаб бермабди кэшбек.

Брокер унга қараб, терпила, бор кет дебди,
Лўх,  негатив қимагин,  сургин, бўт маркет, дебди.

Кўча бўйлаб фаст-фуд-у Макдональдс бўлиб кетди,
Чизбургер ва чипсга ситилар тўлиб кетди.

Чол СМС ёзяпти - хавотири хўтикдан,
Кампир Телеграмда калиш излар бутикдан.

Асли бечора шулар, ниманиям кўришган?
Лав ҳистори қилмасдан уйда турмуш қуришган.

Замонанинг зайлига замондош шайдо бўлди,
Онатилга бегона чулчиттил пайдо бўлди.

Ота ўғлини сўкиб алжийсан токай, дейди,
Туври гапир, ўв, дейди, ўғил йес, окэй, дейди.

Креатив ёндашиб дардимни ёзиб қўйдим,
Позитив руҳ ёйсин деб ФБга босиб қўйдим.

Лайк қўндириб, поделить лентага илиб олинг,
Тайм-аут пайтида скриншот қилиб олинг.

Шоядки челенжларда номимиз бренд бўлгай,
Фейсбукда айланиб, айти-шеър тренд бўлгай.

Иқбол Мирзо

@Olmaliqhayoti

Каналга уланиш: https://t.me/+SA-Ow_e4UUq1kgRE

Online mustang taxi 1052