O‘zbekiston Milliy universiteti talabalari! | Rasmiy xabarlar

2022-09-01 20:30:26 Texnikumlarda yoki OTM (davlat, xususiy yoki xorijiy OTM filiali)da o‘qiyotgan “Yoshlar daftari”ga kiritilgan o‘quvchi-talabalarga kontraktining bir qismi qoplab beriladi.

Bunda yoshlar yetakchisining ijobiy tavsiyasi bilan kontraktning 50 foizigacha, biroq BHMning 50 baravaridan oshmagan qismi to‘lab beriladi.

@NUU_students Ochish/sharhlash

2022-09-01 19:00:02 Ta’lim kreditlarini ajratish tartibi.

Kontrakt asosida oʻqishga kirganlar uchun ta’lim kreditlarini ajratish maqsadida Moliya vazirligi huzurida Ta’lim kreditini moliyalashtirish jamgʻarmasi tashkil etilgan.

Jamgʻarma kreditlarni tijorat banklari orqali ajratadi.

Kredit olish uchun Moliya vazirligining rasmiy veb-saytida e’lon qilingan tijorat banklariga quyidagi hujjatlar taqdim etiladi:

ariza;
toʻlov-kontrakt asosida oʻqish haqidagi shartnoma (kontrakt);
krediti qaytarilishining ta’minoti boʻyicha hujjat (“Ijtimoiy himoya yagona reyestri”ga kirgan oilalar farzandlariga garov va kafillik talab etilmaydi);
“Ijtimoiy himoya yagona reyestri”ga kiritilganligini tasdiqlovchi ma’lumotnoma (reyestrga kiritilgan oilalar farzandlari uchun);
bankning ichki hujjatlarida (siyosatida) belgilangan boshqa hujjatlar.

Hujjatlar 5 ish kunida koʻrib chiqiladi.

Kreditning asosiy qarzi talabaning rasmiy oʻqish muddati tugagandan soʻng yettinchi oydan boshlab 7 yil davomida qaytariladi.

Kredit Markaziy bankning asosiy stavkasi miqdorida ajratiladi.

P.s: Oʻqishga toʻlov-kontrakt asosida kirib, ammo toʻlashga sharoiti yoʻq talabalar uchun taʼlim krediti ishlab chiqilgan.

@NUU_students Ochish/sharhlash

2022-09-01 18:00:57 LEADERS ACADEMY yangi o'quv yili uchun intensiv HAR KUNLIK IELTS kurslariga qabul boshladi.

Har bir dars davomiyligi: 2-4 soat

Darslarimiz yuqori malaka va tajriba ega ustozlar (IELTS 8.0/TESOL/CEFR C1) tomonidan olib boriladi.

Hoziroq ro'yxatdan o'ting va 10%lik chegirmaga ega bo'ling.

Murojaat uchun:
+998339261101
@leadersacademy_1 Ochish/sharhlash

2022-09-01 08:51:34 OʻzMU yotoqxonalarining ayrimlarida ayni vaqtda ta’mirlash ishlari ketmoqda. Yangi oʻquv yiliga tayyorgarlik avjida.

Yotoqxonadagi xonalar aslida 2 kishi turishiga moslab qurilgan, buni ichkaridagi buyumlar 2 talik va xonaning hajmidan ham aniqlash mumkin. Keyinchalik bu xonalarga 3 kishi joylashtirila boshlandi. Oʻtgan yildan esa 1 xonaga 4 kishi qoʻyilyapti. Oʻsib boruvchi arifmetik progressiya shu joyida toʻxtaydi deb umid qilamiz :)

@NUU_students Ochish/sharhlash

2022-09-01 08:46:32 Talabalarni yotoqxonaga joylashtirish boʻyicha asosiy mezonlar qanday? Ular quyidagilar: Kam ta’minlangan oila farzandlari; Boquvchisini yoʻqotgan koʻp bolali oila a’zosi; I va II guruh nogironligi boʻlgan talaba; Toʻliq davlat ta’minotida boʻlganlar… Ochish/sharhlash

2022-09-01 08:37:19 Talabalarni yotoqxonaga joylashtirish boʻyicha asosiy mezonlar qanday?

Ular quyidagilar:

Kam ta’minlangan oila farzandlari;

Boquvchisini yoʻqotgan koʻp bolali oila a’zosi;

I va II guruh nogironligi boʻlgan talaba;

Toʻliq davlat ta’minotida boʻlganlar (chin yetim);

Oilasida 2 va undan ortiq toʻlov-kontrakt asosida ta’lim oluvchi talaba;

“Temir daftar”ga tushgan oila farzandi;

Ota-onasining doimiy ish joyi mavjud boʻlmagan talaba;

Oilasida I va II guruh nogironligi yoki surunkali kasallik bilan davolanadiganlar boʻlgan talaba.

Oddiy gap bilan tushuntirganda, yuqoridagi toifadagi talabalar yotoqxona olishida ustunlik beriladi. Ulardan joy ortsa keyin qolganlarga beriladi. Yuqoridagi toifalarga kirmasangiz, yotoqxona olishingiz qiyinroq.

Yotoqxona berish uchun onlayn platforma ishlab chiqilayotgani haqida maʼlumot berildi. Qachon ishga tushirilishi esa nomaʼlum. Hozircha maʼlum boʻlgani esa, 5-sentabrdan yotoqxona berila boshlanadi. “2- yoki 3-sentabrdan yotoqxonaga borib joylashsam boʻladimi?” degan mantiqsiz savol bermang))

@NUU_students Ochish/sharhlash

2022-08-31 22:42:37 Barchamizga mustaqilligimiz muborak boʻlsin!

Mustaqilligimizning 31 yilligi barcha ilmga chanqoq talabalarga, sergʻayrat professor-oʻqituvchilarga va jonkuyar xodimlarga muborak boʻlsin. Mustaqilligimiz abadiy boʻlsin!.

Rasm muallifi: Boborahimov Otabek

@NUU_students Ochish/sharhlash

2022-08-31 22:34:40 Bizdagi kontrakt narxlari juda arzon

Talabaning bir yillik kontrakt miqdorini taxmiman 7 mln. soʻm (stipendiyasiz) deb olaylik. Bu summani u 10 oy uchun (iyul va avgust oylarida oʻqish boʻlmaydi) toʻlaydi.

7 mln./10=700 ming soʻm;

Har oyga 700 ming soʻmdan toʻgʻri kelyapti. Ana endi bir oyda taxminan 6-7 ta fan oʻtilishini hisobga olsak:

700 ming soʻm/7=100 ming soʻm;

Bir fan uchun atigi 100 ming soʻm tolayapmiz ekan. Hatto abituriyent boʻlib tayyorlanganda ham bir oylik toʻlov bundan koʻproq boʻlardi. Balki universitetimizga moliyaviy mustaqillik berish toʻgʻri qarordir. Yuqoridagi summa haqiqatdan iqtisodiy jihatlarni qoplamaydi.

@NUU_students Ochish/sharhlash

2022-08-31 16:27:31 Talabalarni yotoqxonaga joylashtirishning elektron tizimi hamda talabalarni ijara uylari bilan taʼminlashga koʻmaklashish maqsadida yagona elektron platforma ishga tushirilishi eʼlon qilindi.

@NUU_students Ochish/sharhlash

2022-08-31 16:19:53 Talabalarni yotoqxonaga joylashtirish va ijara uylari bilan taʼminlash tizimi toʻliq raqamlashtiriladi

Oliy va oʻrta maxsus taʼlim vaziri oʻrinbosari Sarvarxon Buzrukxonov rahbarligida oliy taʼlim muassasalari rektorlarining birinchi va moliya-iqtisod ishlari bo‘yicha prorektorlari ishtirokida boʻlib oʻtgan videoselektor yigʻilishda yangi oʻquv yiliga tayyorgarlik holati tahlil qilindi.

Batafsil ushbu havolada

Oliy va oʻrta maxsus taʼlim vazirligi

@NUU_students Ochish/sharhlash