6-palata

2021-02-13 14:45:52 :)

@nozimjonov Ochish/sharhlash

2021-02-11 21:34:39 ​​QALAMPIR.UZ’нинг Президент сайлови тўғрисидаги сўровномасида бир «қори ака» Шавкат Мирзиёевни зотга тенглаштирибди:

«Биз ҳамма нарсадан розимиз, чунки Аллоҳ таолонинг назари тушган бир зот бизга бош бўлиб турибди. Бу зотдан ортиқ бирор инсон бизга юртбоши бўлади, деган тасаввурим йўқ».

Аслида, шахсга сиғиниш мана шундай чала муллаларнинг бемаъни баёнотларидан бошланади. Диний репрессиялардан қўрқиб, парда ортига беркинадиган даврлар ўтиб кетган. Ихлос билан соқол қўйиш ва илм олишнинг ўзи етарли эмас, уларга лойиқ бўлиш ҳам керак.

Унутманг, Ислом — ёруғлик ва унда одамларга фақатгина бандалик даражаси берилади, холос.

@nozimjonov Ochish/sharhlash

2021-02-09 20:11:36 ​​Мендан муҳаббат нима, деб кўп сўрашади. Дўстларим, дейман))

@nozimjonov Ochish/sharhlash

2021-02-09 16:09:55 ​​Бугун Навоийшунос устоз Акром Малик Алишер Навоийнинг “Ҳайратул аброр” достонига ёзилган шарҳ: “Биринчи китоб. Муқаддима боблар” тақдимотини ўтказдилар.

Эътиборга лойиқ кўрилиб, таклиф қилинган бўлсак-да, маълум сабабларга кўра тақдимотга бора олмадик. Бир томондан устознинг яхши кунларида ёнида тура олмаганимиздан бироз хафа ва ҳижолат бўлсак, бир томондан инсон аҳлига мана шундай хазина тақдим этилганидан ғоят хурсандмиз.

Бизга маълум бўлишича, китоб яқин кунларда сотувга чиқарилади. Ушбу китоб ўқишингиз мажбурий бўлган асарлардан биридир. Ўзи хайрли қилсин.

@nozimjonov Ochish/sharhlash

2021-02-09 15:02:29 ​​Аввал ҳам айтган гапим ўзим учун ҳамон актуал: ривожланаётган ёки ривожланишни мақсад қилган ҳар қандай давлат ўзига географик жиҳатдан яқин бўлган гигант мамлакатлар билан алоқани яхшилашга мажбур.

Ривожланишни истасанг бошқаларни унут, бошқаларни истасанг, ривожланиш ҳақида унут.

Россия ва Хитой билан иложи борича яхши ва иложи борича эҳтиёткор муносабат шакллантирган маъқул.

@nozimjonov Ochish/sharhlash

2021-02-08 16:20:00 ​​Қирғизистон Президенти Садир Жапаров ўзининг портретларини мансабдорларнинг идораларига осмасликни сўрабди.

Ўхшамаган пиар усули. Бир томондан, «Ака, бу бўлган-ку», дегим келди. Яъни, Украина Президенти Владимир Зеленский ҳам вазифасига киришганидан сўнг, давлат ташкилотларидан идораларга ўзининг портретини илмасликни сўраганди.

Ундан кўра, яхшироқ лағмон тайёрлаб, ижтимоий тармоққа жойлаш керак.

@nozimjonov Ochish/sharhlash

2021-02-07 20:54:25 Мен бўлмасам

Мен бўлмасам осмонингда
Ойлар бутун турарми, айт.
Мен бўлмасам дунёйингда
Жонинг зарра куярми айт.

Мен бўлмасам сочларингни
Бармоғида тарайди ким?
Ўзи қолиб Аллоҳимдан
Сенга умр тилайди ким?

@nozimjonov Ochish/sharhlash

2021-02-07 17:21:39 Ҳозирча бу икки сурат изоҳсиз туриб турсин.

@nozimjonov Ochish/sharhlash

2021-02-06 16:21:53 ​​Мафкура ва манипуляция

Суратда ихтисослаштирилган мактаб-интернатини битириб, мажбуран 3 йил умримни ўтказган коллежим. Ундаги "ҳолл". "Янги Ўзбекистонни Ёшлар билан қурамиз" мавзусидаги тадбир.

Мана шундай ура-урачилик асосида ўтказиладиган, мафкуравий пропаганда ва онг манипуляциясига йўғирилган тадбирларга ўқувчилар мажбурий олиб кирилади. Қаҳратон қишнинг совуғими, ёз чилласининг жазирамасими, унинг фарқи йўқ.

Бу ерда ўқитувчилар ёки раҳбариятнинг айби бўлмаган. Умумий тизим мана шундай чириб битган эди. Бундай вазият ҳозир ҳам Республика бўйлаб давом этмоқда.

Ўқувчи ва талабалар онгини ҳозирги сиёсат билан тўлдиришга мажбурлаш керак эмас. Шундай сиёсат олиб бориш керакки, уларнинг ўзи мана шу воқеаларга хайриҳоҳ бўлсин. Барчанинг танлови ва ҳуқуқи ўзининг қўлида.

@nozimjonov Ochish/sharhlash

2021-02-05 16:27:08 Ўрта Осиё мамлакатларида «аждод талашиш».

@nozimjonov Ochish/sharhlash