Notion

2022-09-06 16:58:05 YouTube'dagi manfaatli media loyihalar

Bugun koʻpchilik uchun manfaatli boʻluvchi, oʻzbek segmenti foydalanuvchilari uchun sifatli videokontentlar tayyorlab kelayotgan YouTube sahifalarini boʻlishmoqchiman.

SUBYEKTIV

Kun.uz nashrining ajoyib loyihalaridan biri boʻlib, Jamshidxon Ziyoxonov muallifligidagi ushbu YouTube sahifasida subyektiv fikrlar aks etgan koʻrsatuvlar berib boriladi. Turli mavzulardagi koʻrsatuvlar sizni fikrlash va xulosa chiqarishga undaydi. (Loyihaning yangi "Oliy ta'lim" haqidagi soniga koʻzingiz tushgan boʻlsa kerak, zoʻr chiqqan-a!? )

Fikrlar subyektiv, xulosa o‘zingizdan!

https://www.youtube.com/c/SUBYEKTIV/

Osmondagi bolalar

Temurbek Adhamov boshchiligidagi Najot Ta'lim markazi jamoasi tomonidan tashkil qilingan ushbu loyihada hayotning past-u balandiga qaramasdan oʻz shijoat-g‘ayrati bilan yuqori marralarni zabt etgan insonlar bilan samimiy suhbat boʻlib oʻtadi. Loyihaning maqsadi bunday insonlarni ommaga tanitishdan iborat.

https://www.youtube.com/c/Osmondagibolalar/

Ular

Laziz Hamidov muallifligidagi ushbu loyiha intervyu koʻrinishida boʻlib, insonlarning hayot prinsiplari, kasbiy faoliyati hamda jamiyatimiz haqidagi fikrlarini ochiqlashga qaratilgan. Loyihaning oxirgi kunlardagi maxsus sonlari esa aynan bir mavzuga qaratilgan boʻlib, ushbu mavzuda mutaxassislar fikri tinglanmoqda.

https://www.youtube.com/c/UlarShow/

XURMO

Ushbu loyiha oʻzbek zabon auditoriya uchun xorijiy YouTube kontentini rasmiy tarjimasi va dublyaji bilan shug'ullanadi. Qiziqarli mavzular va turli qarashlar. (Ushbu sahifani koʻpchilik maqtashgani uchun ulashmoqdaman, oʻzim ham koʻrib chiqishga harakat qilaman. )

https://www.youtube.com/c/Xurmomedia/

=====

YouTube'da foydali videokontentlar talaygina, siz qanday sahifalarni kuzatib borasiz? Fikringiz qiziq, izohlarda yozib qoldiring.

@notions_uz Ochish/sharhlash

2022-08-22 21:23:04 #kitob
#readings

“Beparvolikning nozik san’ati”, Mark Menson

Hayotda hamma narsaga uchun ham qayg’urish, oʻxshamagani uchun kayfiyatni tushirib, biror narsa topish qiyin va foydasizdir. Ba’zi ishlarni kuyib-pishib bajaramiz-u, lekin natijasi biz oʻylagandek boʻlib chiqmaydi. Siqilib, g’am va qayg’uga botamiz.

Shunday vaziyatlarda ba’zi narsalarga beparvo boʻlish kerak, nazarimda. Beparvolik hamma narsaga befarq boʻlish degani emas, muhim boʻlmagan, “приоритет”i past boʻlgan hodisalarga parvo qilmaslikdir. Inson chindan-da qayg’urishga arziydigan narsalar toʻg’risida qayg’urishi afzaldir.

Kitobda Mark Menson ham mana shu narsalarni odamlarga tushuntirishga harakat qilgan, nazarimda. “Muammolar hech qachon tugamaydi, Ular qaysidir ma’noda oʻzgarishi va oʻz darajasini oʻzgartirishi mumkin. Haqiqiy baxt oʻzingiz yaxshi koʻrgan muammoni uchratish va unga yechim topishdan yuza keladi.” – deydi Mark Menson.

Kitobdan olingan ba’zi iqtiboslarni ulashmoqchiman:

Inson chindan-da qayg’urishga arziydigan narsalar to’g’risida qayg’urishni o’rgansagina ulg’aygan hisoblanadi.

Miyamiz fikr ishlab chiqaradigan mashinadir. Biz “ma’no” deb tushunadigan narsa miyamiz ikki yoki undan ortiq tajribalar o’rtasida yaratadigan bog’lanishlar natijasida hosil bo’ladi.

“Qachonlardir miyam tanamdagi eng ajoyib a’zo deb o’ylardim. Keyin tushunib qoldim. Menga buni kim aytyapti!”

… “O’zingizni izlamang.” Hech qachon o’zimni topdim va angladim demang. Shundagina, izlanishda va kurashishda davom etasiz.

Davomi suratlarda...

Albatta, kitobni mutolaa qilishni doimgidek tavsiya qilaman!

#photobyme

@notions_uz Ochish/sharhlash

2022-08-17 12:09:23 ​​#kitob
#readings

“1984”

Asarni har kim ham oʻqishi mumkin lekin har kim ham uning asl mohiyatini tushunavermaydi. Balki menga shunday tuyulgandir, kitob - ogʻir kitob. Bir oʻqishda oʻqib ketaman, desangiz adashasiz, kitobni tushunishga qiynalasiz.

URUSH – TINCHLIKDIR.
ERK – QULLIKDIR.
BILIMSIZLIK – KUCHDIR.

Jorj Oruellning “1984” asari yuqoridagi soʻzlar asosiga qurilgan boʻlib, ushbu soʻzlar butun dunyoga mashhurdir. Asarda inson ongini nazorat qiluvchi totalitar rejim haqida hikoya qilinadi. Insonning barcha fikrlari boshqariladi, tarix har kuni oʻzgartiriladi, partiyani nimani xohlasa oʻsha boʻladi.

Kitobni oʻqib tugating va hayotingizga qarang, shunda “1984” asaridagi manzaralarni koʻrasiz. Kitob haqida koʻp narsa yozishni istamadim. Chunki bu haqida koʻp gapirish mumkin.

Kun.uz nashrining “Kitobdor” ruknida ushbu kitob haqida ajoyib videomaqola tayyorlagan. Maqolani oʻqib, kitobning asosiy gʻoyasini tezda anglaysiz. Men qancha harakat qilsamda, sizga bunday darajada tushuntirib berolmayman.

Maqolaning baʻzi qatorlarini keltiraman:

“... Ha, syujeti farqli boʼlishi mumkin, xayoliy tasavvurlar asosiga qurilgan boʼlishi mumkin, ammo dastlabki 20-30 sahifadan soʼng xohlang dunyoga, xohlang mamlakatingizga, xohlang yashayotgan shahringizga, xohlang oilangizga, xohlang jamiyatning eng kichik hujayralariga boqing – siz duch keladigan manzara Jorj Oruellning “1984” asarida tasvirlangan manzaradir. Xohlang, televizorni yoqing; xohlang, radioning qulogʼini burang; xohlang, gazetalarga koʼz yugurtiring, xohlang, internetga kiring – yana oʼsha manzara qarshingizdan chiqib kelaveradi....”

“... “1984” nega kun tartibidan tushmayapti?

Yuqorida aytilganidek, Jorj Oruell bu asarini 1948 yilda yozgan. Аgar bugun yozgan boʼlsa ham shaxsan men hayron qolmasdim. Ishoning, yuz yildan keyin bolalarimiz, nabira-yu, evara-chevaralarimiz – balki u paytlar insonlar fazo kemalariga minib, Marsga, Yupiterga ketayotgan boʼlishlari ham mumkin, ammo hech narsa oʼzgarmaydi – mundoq atroflariga boqib, koʼradilarki, hayot xuddi “1984” romanidagi kabi. Chunki insonning shaxs boʼlish, shaxs boʼlib shakllanish, kuch va iqtidor sohiblarining esa shaxsni ezish, uni boʼysundirishga intilish jangi hech qachon toʼxtamaydi.

Nima uchun bu asar dunyo kun tartibidan hech tushmayapti? Nega u shoh asar hisoblanadi? Nega u hali ham ohorini yoʼqotmayapti? Chunki “1984” inson va jamiyatning eng nozik nuqtasiga borib tegadi. Bir tomonda shaxs, bir tomonda davlat. Bir tomonda ozod va hur insonlar, bir tomonda esa robotlashtirilgan, ulkan mashinaning kichik bir murvatiga aylantirilgan, ruhsiz, tafakkursiz, estetik diddan mahrum, tussiz va hissiz, bir soʼz bilan aytganda, hech qanday qadr-qiymat va mohiyatga ega boʼlmagan insonni yaratish kurashi...”

Siz-chi ushbu kitobni oʻqiganmisiz? Agar oʻqimagan boʻlsangiz, albatta oʻqishni tavsiya qilaman.

#photobyme

@notions_uz Ochish/sharhlash

2022-08-12 20:28:27 #Bismillah!

Avval ham blog yuritganman va bu menga foydali boʻlgan. Oʻsha vaqt yozgan baʻzi narsalarimga koʻz yugurtirdim. Hozirdagi fikrlash va oʻsha vaqtdagi fikrlash orasida oʻzgarish bordek, nazarimda.

Fikrlashimiz oʻzgargani yaxshi, shaxsiy blog yuritish va undagi oldingi fikrlashimiz va hozirdagi fikrlashimiz orasidagi tafovutni koʻrish — zavqli manzara. Ushbu zavqli manzara koʻrishni uchun harakat qilmoqchiman.

Bu yerda qanday fikrlar va maʻlumotlar ulashib borishimni keyinroq batafsil, alohida yozaman.

12.08.2022 | 22:18
Hayitmurod Safarov Ochish/sharhlash