Notarius maslahati 24/7

2022-07-08 12:05:57 #Биласизми

Ходимларни байрам (ишланмайдиган) кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, – иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.

Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек, кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.

Дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.

Байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.

Каналга уланиш
https://t.me/huquqiyaxborot Ochish/sharhlash

2022-07-08 09:56:03 Нотариус кундалиги
АДОВАТ ЭМАС, АДОЛАТ ЕНГАР…
Мен нотариат соҳасини танлашимга нотариал идорада ишлаб юрган пайтларим менга нотариал ҳаракатларни расмийлаштиришга қизиқишим ва фуқароларни оғирини енгил қиладиган касб эканлиги тушуниб етганим деб ўйлайман. Нотариат соҳаси сир ва асрорларини менга устозим, Денов туман 1-сонли давлат нотариал идораси нотариуси Р.Азимова ўргатган. Иш фаолиятимни 2008 йилда Денов туманидаги 1-сонли давлат нотариал идораси нотариуси стажёри лавозимида иш бошлаганман. 2014 йилда Денов туман 4-сонли давлат нотариал идораси нотариус лавозимида тайинландим.
Батафсил Ochish/sharhlash

2022-07-08 09:33:58 Такси ҳайдовчилари ўзини ўзи банд қилган шахслар рўйхатига киритилди

Президентнинг тегишли қарори билан автотранспорт воситаларини бошқаришда ва йўналишсиз такси фаолиятини амалга оширишда қўшимча қулайликлар яратилди:

1. 2022 йил 1 сентябрдан бошлаб автомобилларни бошқариш ҳуқуқини берувчи ишончномаларни давлат хизматлари марказлари ва Ягона интерактив давлат хизматлари портали орқали электрон шаклда расмийлаштириш имконияти яратилади.

Бунда:

автомобилни бошқариш ҳуқуқини берувчи электрон шаклдаги ишончнома расмийлаштирилганда, уни нотариал тасдиқлаш талаб этилмайди;

электрон ишончнома расмийлаштирилганда давлат божи унинг амал қилиш муддатидан келиб чиққан ҳолда - 1 ойгача бўлган муддатга 90 минг сўм, 6 ойгача бўлган муддатга 450 минг сўм, 3 йилгача бўлган муддатга 900 минг сўм миқдорида ундирилади;

электрон ишончнома давлат йўл ҳаракати хавфсизлиги хизмати ходимлари томонидан фақатгина планшет орқали текширилади.

2. Юридик шахслар ҳайдовчиларининг икки йилда бир марта мажбурий малакасини ошириш талаби бекор қилинади.

3. Фуқаро томонидан ўзининг автомобилини йўловчи ташиш лицензиясига эга бўлган юридик шахсларга ижарага берилганда нотариал идоралар томонидан тасдиқлаш талаби бекор қилинмоқда. Ижара шартномаси солиқ органларида электрон ҳисобга қўйилади.

4. 2022 йил 1 сентябрдан 2024 йил охирига қадар йўловчиларни енгил автотранспорт воситаларида ташиш фаолияти ўзини ўзи банд қилган шахслар шуғулланиши мумкин бўлган фаолият турлари рўйхатига киритилмоқда.

Бунда:

лицензия варақасини беришда автомобилнинг 10 йиллик эксплуатация даврига қўйилган талаб бекор қилинади;

мажбурий тиббий ва техник кўрик муддати 1 йилда 1 марта қилиб белгиланади;

ўзини ўзи банд қилган ташувчилардан, шу жумладан юридик шахслардан лицензия варақаси берилганлиги учун давлат божи миқдори 300 минг сўм этиб белгиланади.

Каналга уланиш
https://t.me/hudud24official
______________________________
#Ҳуқуқ Ochish/sharhlash

2022-07-08 08:27:47 #Биласизми

Фуқаролар ўртасида қарз шартномаси, агар бу қарзнинг суммаси БҲМнинг 10 бараваридан (3 млн сўмдан) ортиқ бўлса, оддий ёзма шаклда тузилиши шарт, шартномадаги тарафлардан бири юридик шахс бўлганида эса суммасидан қатъи назар, ёзма шаклда тузилиши шарт.

Агар қарз олувчининг тилхати ёки унга қарз берувчи томонидан муайян сумма ёки муайян миқдордаги ашёлар топширилганлигини тасдиқлайдиган бошқа ҳужжат мавжуд бўлса, қарз шартномаси ёзма шаклда тузилган ҳисобланади.

Агар қарз мажбурияти қарз олувчи томонидан берилган вексель, облигация ёки қарз суммасини ва қарз берувчининг уни ундириб олиш ҳуқуқини белгилайдиган бошқа қимматли қоғоз билан тасдиқланган бўлса, қарз шартномасининг ёзма шаклига риоя қилинган ҳисобланади.

Каналга уланиш
https://t.me/huquqiyaxborot Ochish/sharhlash

2022-07-08 08:15:07 Нотариус кундалиги
НОИНСОФ СОТУВЧИ СОТГАН УЙИНИ ҚАЙТАРИБ ОЛМОҚЧИ БЎЛГАН
Ёдимда, 2006 йилда квартира олди-сотди шартномасини расмийлаштирганман. Ўта эҳтиёткормидим, ишқилиб, ушбу шартномани тасдиқлаш чоғида рўйхатда турган сотувчининг фарзандларидан ҳам квартиранинг сотилишига розилигини олганман.
Бир йил ўтиб, шу ҳаракат бўйича мени фуқаролик судга чақиришди. Даъво аризада сотувчининг ўғли “менинг розилигимсиз шартнома тасдиқланган, мен имзо қўймаганман” деб важ келтирган. Мен судда “Сиз розилик берувдингиз, ўзингиз имзо қўйгансиз, мен кечагидай эслайман бу ишни” деганимда, судья менга қараб “нимасидан эслаб қолдингиз бу ишни?” деб савол берди.
Батафсил Ochish/sharhlash

2022-07-08 07:58:22 #Қонунчиликдаги_янгиликлар

Енгил автотранспортда йўловчи ташиш фаолияти ўзини ўзи банд қилиш ҳисобланади

“Автотранспорт воситаларини бошқаришда ва йўналишсиз такси фаолиятини амалга оширишда қўшимча қулайликлар яратиш тўғрисида”ги Президент қарори қабул қилинди

Қарорга кўра, 2022 йил 1 сентябрдан автотранспортни бошқариш учун ишончномаларни Ягона интерактив давлат хизматлари портали орқали (my.gov.uz) электрон расмийлаштириш йўлга қўйилади.

Электрон ишончномани нотариал тасдиқлаш талаб этилмайди ва у ЙПХ ходимлари томонидан электрон текширилади.

Электрон ишончнома учун давлат божи ишончномани нотариал тасдиқлаш учун белгиланган давлат божига (БҲМнинг 3 баравари – 900 минг сўмга) нисбатан қуйидаги фоизларда ундирилади:

бир ойгача бўлган муддатга – 10 фоиз (90 минг сўм);
олти ойгача бўлган муддатга – 50 фоиз (450 минг сўм);
уч йилгача бўлган муддатга – 100 фоиз (900 минг сўм).

Юридик шахслар ҳайдовчиларининг 2 йилда 1 марта мажбурий малакасини ошириш талаби бекор қилинди.

2022 йил 1 сентябрдан фуқаролар ва йўловчи ташиш лицензиясига эга юридик шахслар ўртасидаги транспорт ижараси шартномаларини нотариал тасдиқлаш талаб қилинмайди.

Бунда мазкур шартномалар солиқ органларида электрон ҳисобга олинади.

2022 йил 1 сентябрдан 2024 йил охиригача:

4 тадан кўп бўлмаган ўриндиқларга эга транспортларда йўловчи ташиш ўзини ўзи банд қилиш деб қаралади ва ушбу фаолият лицензия варақаси асосида амалга оширилади;
лицензия варақаси беришда автомобилнинг эксплуатация даврига қўйилган талаб бекор қилинади. Ochish/sharhlash

2022-07-08 07:49:01 Нотариус кундалиги
“ФАРЗАНДЛАРИМ ДАФН МАРОСИМЛАРИМДА ҚАТНАШМАСИН!”
Нотариал идорамизга васиятномаларни тасдиқлаб беришни сўраб кўплаб фуқаролар мурожаат қиладилар. Биз эса амалдаги қонун ҳужжатларига мувофиқ васиятномаларни тасдиқлаймиз. Фуқаронинг ўзига тегишли мол-мулкни ёки бу мол-мулкка нисбатан ҳуқуқини вафот этган тақдирда тасарруф этиш хусусидаги хоҳиш-иродаси “васият” деб эътироф қилинади.
Давлат нотариал идораси нотариуси вазифасида ишлаётган пайтларим эди. Батафсил Ochish/sharhlash

2022-07-08 07:18:15 "Воҳа" газетасининг 2022 йил 7 июль сонида эълон қилинди. Ochish/sharhlash

2022-07-07 14:59:45 НОТАРИУС СТАЖЁРИ КИМ?
Нотариал идораларга бориб қолсангиз, тез-тез “стажёр” сўзи қулоғингизга чалинади. Хўш, нотариус стажери ким, шунақа лавозим борми?
Албатта, давлат ҳуқуқий хизматларини қонун талабларига мос равишда амалга оширадиган нотариус касбининг ўзига хос муҳим жиҳатлари мавжуд. Шу боисдан ҳам, олий юридик маълумотга эга бўлсангизда, дарров нотариуслик лицензиясини олиш имконияти йўқ. Энг аввало, нотариусликка тайёргарлик, яъни стажировка ўташингиз лозим.
Стажёр томонидан нотариус мақомига эга бўлишга тайёрланиш ва унинг касбий билимларини ҳамда кўникмаларини ҳосил қилиш стажировканинг асосий вазифасидир.
Батафсил Ochish/sharhlash

2022-07-07 14:28:01 Нотариус кундалиги

ИШОНИНГ, ЛЕКИН ТЕКШИРИБ КЎРИНГ

Ёш нотариус бўлганлигим учун кўп нарсаларни устозларим билан маслаҳатлашиб қилишга ҳаракат қиламан. Устозларимнинг битта ўгитини шиор қилиб олганман. Яъни, ҳар қандай ҳаракатни бажаришдан олдин мурожат қилган тарафларни яхшилаб эшит, иложи борича уларнинг сенга очиқ айта олмаётган ички ҳис-туйғуларини ҳам илғаб олишга ҳаракат қилгин, дея уқтиришган.
Батафсил Ochish/sharhlash