​ҲАР НЕНИНГ ХАЙРЛИСИ БЎЛСИН Бир куни ўлим бир инсоннинг қарш | 📖 ILMLI KANAL 📖

​ҲАР НЕНИНГ ХАЙРЛИСИ БЎЛСИН

Бир куни ўлим бир инсоннинг қаршисига чиқди ва деди:
-Бугун сенинг сўнгги кунинг.
Одам шошиб қолди:
— Мен тайёр эмасман-ку.
Ўлим деди:
-Бугун жони олиниши керак бўлганлар рўйхатининг аввалида сенинг исминг қайд этилган.
- Яхши, - деди одам.- Кел, охир сафардан олдин бир ўтириб қаҳва ичайлик.
- Майли,- жавоб қилди ўлим истеҳзоли кулимсираб.
Одам ўлимга қаҳва икром қилди. Қаҳвага бир неча дона уйқу дори аралаштирган эди.
Ўлим қаҳвани ичиб қаттиқ уйқуга толди. Одам эса ўлимнинг рўйхатини олиб, исмини охирги ўринга тиркаб қўйди. Ўлим уйғондию шундай деди: -Сен менга марҳамат кўрсатдинг. Марҳаматинг учун миннатдорчилик билдираман ва ишимни рўйхатнинг энг сўнгидан бошлайман!..

Қадарга ёзилганларни ўчиролмайсан. Қалам кўтарилган. Сиёҳ қуриган. Бу ёзувларни ўзгартиришга ҳар қандай уринма-тиришма, ЎЗГАРМАЙДИ. Қарға ва тўтиқуш азалдан хунук кўринишда яралган. Тўтиқуш кўринишга эътироз қилди ва гўзаллашди. Аммо қарға Яратганнинг розилигидан мамнун ҳолида қолаверади. Бугун тўтиқуш қафасда, қарға эса озод!