2023-03-05 12:37:00
Fizikaviy va kimyoviy hodisalar
Fizikaviy hodisalar paytida moddaning agregat holati va shakli o‘zgaradi, aralashmalar hosil bo‘lishi, aralashmalarning tarkibiy qismlarga ajralishi kuzatiladi, lekin moddalar tarkibi o‘zgarmaydi.
Masalan: muzning sinishi, mis simning qayrilishi, suvning qaynashi …
Quyidagi agregat holat o‘zgarishlari ham fizikaviy hodisalar:
1.
Sublimatlanish – qattiqdan gazga o‘tish;
2.
Bug‘lanish yoki qaynash – suyuqdan gazga o‘tish;
3.
Suyuqlanish yoki erish – qattiqdan suyuqqa o‘tish;
4.
Kondensatlanish – gazdan suyuqqa o‘tish;
5.
Kristallanish, qotish, muzlash – suyuqdan qattiqqa o‘tish;
6.
Depozitsiya, desublimatsiya – gazdan qattiqqa o‘tish.
Kimyoviy hodisalar paytida moddalar tarkibi o‘zgaradi, ya’ni bir modda boshqasiga aylanadi.
Masalan: yonish, chirish, zanglash, pishish, bijg‘ish v.b. Kimyoviy hodisalar kimyoviy reaksiyalar deyiladi.
Kimyoviy reaksiya alomatlari. Quyidagi alomatlar sodir bo‘layotgan jarayon kimyoviyligini ko‘rsatadi:
1) issiqlik ajralishi (yonish, chirish);
2) yorug‘lik ajralishi (yonish);
3) rang o‘zgarishi (zanglash);
4) ta’m o‘zgarishi (ovqat pishishi);
5) gaz ajralishi (xamirning yetilishi);
6) cho‘kma hosil bo‘lishi (sutning kesilishi).
Kanalga ulanish: @mts_uz
95 viewsHusniddin Aripov, 09:37
N
