Negative

2023-01-02 22:01:29 "Farma" soʻzi lotinchadan "zaxar" degan ma’noni anglatadi. Agar zaxar dozasi toʻgʻri chiqarilsa shifo, boʻlmasa esa...

Shamollashda tana xarorati 38 dan oshsagina dori mumkin. Shunda xam, xar 8 soatiga bittadan paratsyetamol miqdoricha.

Toʻrtta xatoimiz.

1. Odamlarimiz bexuzur boʻlishni boshlagandan dori ichishni boshlashadi. Voydod isitmam 37 boʻlibdi, deyishadi. Aslida immunitet faol ishlashi uchun harorat koʻtariladi. Kasallik yengmasdan harorat tushirilsa, davolash jarayoni qiyin boʻladi.
2. Firma bitta dorini har xil nom bilan chiqargani sababli tarkibini bilmay, bir xil tarkiblini 3-4-marta ichib yuborib peredoz chaqirishadi.
3. Asoratni chaqirmasin deb antibiotik boshlab yuboradi. Antibiotik tayyer tizimni buzadi.
4. Bitta ukol olsam, yaxshi boʻlib qolaman, deb oʻylashadi. Hech qachon bitta dori bilan tuzalmaydi.

Aniq ayta olaman. Dunyoqarashni oʻzgartirib, immunitet ishlashiga xalaqit berishni toʻxtatmasak, asoratlar kamaymaydi...

Hojiakbar Rajab

@negativ_rasmiy Ochish/sharhlash

2022-12-31 17:49:53 Yil sarhisobi
2022 yilda hayotingizda roʻy bergan eng muhim va esda qolarli uchta hodisani yozib qoldiring Ochish/sharhlash

2022-12-29 16:50:08 "Negative " kanali uchun @TGStat'dan yil natijalari Ochish/sharhlash

2022-12-28 22:02:18 Ishga kirish maqsadida suhbatga borgan oliy ma’lumotli qizga ilmiy salohiyatini sinash uchun xodim tomonidan quyidagi savollar berildi:

- Panama shlyapalarini qaysi mamlakat tayyorlaydi?
Qiz oʻylanib qoldi, keyin tavakkaliga javob berdi:
- Ekvador.

Ensasi qotgan xodim yana savol berdi:
- Xitoy krijovniklarining vatani qayer?
Qiz shiftga qarab:
- Yangi Zelandiya.

Xodim koʻzi ola-kula boʻlib, keyingi savolni berdi:
- Kanar orollari qaysi hayvon yo qush sharafiga nomlangan?
Qiz ikkilanib:
- It.

Xodim miyasi qisib, savollar berishda davom etdi:
- Samolyotlardagi maxsus qora qutining rangi qanaqa boʻladi?
- Sariq.

Xodim asabiylashganidan yuragi uvusha boshladi:
- Jahon tarixidagi Yuz yillik urush necha yil davom etgan?
- Menimcha 116-yil.

Xodim adoyi tamom boʻlib oxirgi savolni berdi:
- Rossiyada Oktyabr inqilobi qachon nishonlanadi?
- Noyabrda.

Xodim indamay oʻrnidan turdi-da, qizga bir oz tikilib qoldi. Keyin esa dedi:
- Siz barcha savollarga toʻgʻri javob berdingiz. Tabriklayman! Ertadan ishga chiqishingiz mumkin.

Ha qiz chindan ham barcha savollarga toʻgʻri javob bergandi.

Panama shlayapalari chindan ham Ekvadorda ishlab chiqariladi.

Xitoy krijovniklari (reza mevaning bir turi) vatani Xitoy emas, balki Yangi Zelandiya.

Kanar orollari esa kanareyka qushi sharafiga emas it sharafiga "Kanar" deb nomlangan. Lotinchada "kanar" soʻzi itni bildiradi.

Qolgan javoblar ham aynan toʻgʻri aytilgan. Siz-chi, siz? Oʻzingizcha qizni oʻqimagan ahmoqqa chiqarayotganmidingiz?

@Negativ_rasmiy Ochish/sharhlash

2022-12-27 22:00:56 Kuch birlikda

@Negativ_rasmiy Ochish/sharhlash

2022-12-22 22:02:12 Tasavvur qiling

• Siz 1900-yilda tugʻilgansiz. 14 yoshga toʻlganingizda, birinchi jahon urushi boshlanadi, 18 yoshingizda 22 million insonning oʻlimi bilan tugaydi.
• Koʻp oʻtmay "Ispan grippi" deb nomlangan global pandemiyadan, 50 million inson koʻz yumadi. 20 yoshingizda pandemiyadan tirik chiqasiz.
• Siz Ikkinchi jahon urushi boshlanganda 39 yoshdasiz va 45 yoshga toʻlganingizda urush tugaydi. Hammasi boʻlib 60 milliondan ortiq oʻlim boʻladi.
• 52 yoshingizda Koreya urushi boshlanadi.
• Vetnam urushi 64 yoshingizda boshlanadi va 75 yoshingizda tugaydi.

1985-yilda tugʻilgan inson, buvisi va buvasi hayotning qanchalik qiyinligini bilmaydi deb oʻylaydi.
⠀
1995-yilda tugʻilgan va bugungi kunda 25 yoshli yigit, Амазон buyurtmasi uch kundan koʻproq vaqt oʻtgach kelmasa, yoki Фаcэбоок yo Инстаграмda postidagi layklar soni 15 dan oshmasa, bu dunyoning oxiri deb oʻylaydi.
⠀
Bugungi kunda koʻpchiligimiz farovon hayot kechirmoqdamiz, uy oʻyin-kulgilarining turli manbalariga ega boʻldik va koʻpincha bizda kerak boʻlgandan ham koʻproq narsalarimiz bor.
⠀
Ammo odamlar hamma narsadan shikoyat qiladilar. Bugun koʻpchilikda elektr toki, telefon, oziq -ovqat, issiq suv va uy bor. Bularning hech biri oldin boʻlmagan.
⠀
Ammo insoniyat bundan ham fojiali vaziyatlarni boshidan kechirdi va hayot quvonchini hech qachon yoʻqotmagan.
⠀
Shunchaki egoistlikdan voz kechish, shikoyat va yigʻlashni toʻxtatish vaqti kelmadimi?

Murat Azamov

@Negativ_rasmiy Ochish/sharhlash

2022-12-21 22:02:08 Kaltak va tarbiya

Aksariyatimiz bola tarbiyasida ota-onamizdan oʻrganganlarimizga tayanamiz. Ammo taassufki, yuz yildan koʻproq vaqtdan beri bu jamiyatda notoʻgʻri “tarbiya” hukmron. Ommaviy madaniyatning eng ogʻriqli nuqtasi ham shunda deyish mumkin. Bobosi jang maydonlarida toliqqan, otasi qishloqda tugʻilib-oʻsib oʻqishga imkoni boʻlmagan bugunning kattalari hayot tashvishlariga shu qadar berilganlarki, hatto, hovuchlari orasida bolalarini yoʻqotayotganlarini anglamaydilar ham.

Kaltak jannatdan quvilganmi?

“Kaltak jannatdan chiqqan” iborasi sharq dunyosi kishilarining ongiga shu qadar singib ketganki, ota-onalar bu jumlani ilohiy soʻzlarni talaffuz etgandek ishlatadilar. “Kaltak jannatdan chiqqan” degan yolgʻonni kim kashf qilib, hayotga tatbiq qilgani noaniq, ammo kim boʻlsa ham yolgʻoniga goʻzal toʻn kiydiribdi. Diniy atama bilan birga qoʻllab, kaltak soʻziga odamlarning tilini shunchalik oʻrgatib yuborishibdiki, ba’zi oilalarda tarbiya deganda bola shoʻrlik kaltakni tushunadigan boʻlib qolgan. Lekin oʻylab koʻrilsa, Paygʻambarimiz sollallohu alayhi vasallam “jannatdan chiqqan” usulni hech qoʻllamaganlar. Rasululloh hech qachon bolani urmaganlar, hatto baland ovozda, tahdidli tanbeh bermaganlar. Shuning uchun kaltak jannatdan chiqqan emas, chiqqan boʻlsa ham u jannatdan quvilgan desak toʻgʻriroq boʻladi!

Muhtaram ota-ona! Zinhor bolangizni urmang, kaltaklamang! Bolasini kaltaklab “tarbiya”lagan bir qancha ota-onalar bugun mehrga zor, iztirob va nadomatda yashayaptilar. Bolasini urib-soʻkib, goʻdakning mungʻaygan yuziga qarashga yuragi betlamay boshqa xonaga kirib yigʻlagan ota-onalarni ham koʻp bora koʻrganmiz.

Bolani kaltaklash — chorasizlik Chorasizlik esa ilmsizlikdandir. Bolangizning oʻyinqaroqligi, shoʻxligi bilan qanday kurashish kerakligini bilmasangiz, ilmsizligingiz alamini bolangizdan olishga haqqingiz yoʻq! Kaltak bolani yo surbet qiladi, yoki yolgʻonchi qiladi. Ursang eti, soʻksang beti qotar, degan gap bejiz emas.


@Negativ_rasmiy Ochish/sharhlash

2022-12-18 22:01:39 Oʻz maqsadingizga ega boʻling, boshqalarning siz haqingizdagi gaplari maqsadga erishishingizga toʻsiq boʻlmasin.

Rouen Atkinson (aktyor)

@Negativ_rasmiy Ochish/sharhlash

2022-12-16 22:02:15 Bolani moddiy ta’minlab qoʻyish otalik vazifasi emas!

Otalar muhim ishlar bilan mashgʻul. Shu darajadaki, farzandlari bilan biroz shugʻullanishlaridan ham muhim. Otalar farzandlarining moddiy ehtiyojlarini qondirish bilangina otalik vazifalarini bajardim deb oʻylamasliklari, vijdonlarini biroz rohatlatish uchun bolalarini haftada bir marta sayrga olib chiqish yetarli, deb tushunmasliklari kerak. Bu tarzda otalik qilayotganlar xafa boʻlishmasin, otalik vazifasi bulardan iborat emas! Ikki hafta farzandi bilan nimaningdir rejasini tuzgan otaga buni yana bir bor eslatmasa unutib qoʻyadigan ota qoʻrqishi, qattiq qoʻrqishi kerak. Modomiki, sizning vaqtingiz hisobli, farzandingiz uchun vaqtingiz boʻlmasa, u holda oʻzingizning kelajagingiz haqida hozirdan qaygʻurishingiz kerak boʻladi.

Endi siz 15 kun yoki 1 oyda bir marta toʻrttagina non bilan bir soatga koʻrgani keladigan farzandingiz ustidan shikoyat qilishni umuman hayolingizga keltirmasligingiz kerak. "Oʻgʻlim, qizim, nega men bilan gaplashib oʻtirgani bemalol kelmaysan, kelasanu ketasan" degan soʻzlaringizga javoban "uyda hamma narsa yetarli boʻlsa, mazza qilib oʻtirsangiz-chi, meni ishlarim boshimdan oshib yotibdi," degan javoblariga tayyor turishingiz kerak. Chunki siz haqiqiy otalik farzandni moddiy ehtiyojlarini qondirish deb hisoblasangiz, kun kelib bolalaringiz ham otamni moddiy tomondan ta’minlasam, farzandlik vazifamni ado etgan boʻlaman deb tushunadi.

Xoʻsh, siz shunga tayyormisiz?

@Negativ_rasmiy Ochish/sharhlash

2022-12-14 22:00:56 Ba’zida hayot sinovlari oyoqlaringdan tutib olib, seni gʻajiyotganda doʻstlaring shunchaki tomoshabin boʻlib turgan bir paytda, umuman begonalar joningga oro kiradi.

@Negativ_rasmiy Ochish/sharhlash