2022-11-10 11:54:48
«Еситип, жүдә ренжидим» — Саида Мирзиёева
Саида Мирзиёева оқытыўшыларды тап жигирма жыл алдынғыдай тағы хожалықларды айланып шығыўға ҳәм оқыўшылар дизимин дүзиўге мәжбүрлеп атырғаны ҳаққында еситип, жүдә ренжигенин мəлим етти.
«Мен оқытыўшыларға болған мунасәбетти қайтадан көрип шығыў оғада зәрүр деп есаплайман ҳәм лаўазымлы шахслардан олардың мойнына керексиз ҳәм нызамға қайшы ўазыйпаларды жүклеўди тоқтатыўларын сорап қаламан.
Оқытыўшылардың тийкарғы ўазийпасы — перзентлеримизге билим бериў арқалы мәмлекетимиз келешегин тәмийинлеў болып есапланады.
Буның өзи де жүдә аўыр ўазыйпа. Билимлендириў тараўында сонсыз да машқалалар толып атырған бир ўақытта, оқытыўшылардың мойынына қандай да бир қосымша ўазыйпалар жүклеў — бул енди артықша», — дейди ол.
«Мен бәрше жуўапкер шахслардан бул машқаланы илажы барынша тезирек шешиўди ҳәм оқытыўшылардан сабақ бериўден басқа барлық ўазыйпалардан азат етиўин сорайман.
Ҳәзир мәмлекетимизде билимлендириў биринши мәселе болып табылады. Биз оқытыўшыларды тегин хызметкер ретинде көриўди тоқтатыўымыз шәрт. Олар жәмийеттиң ең ҳүрметли ҳәм ардақлы қатламына айланыўы, оның ушын бәрше бирдей ҳәрекет етиўи зәрүр деп есаплайман. Тек билимлендириў, тек оқытыўшылар жәрдеминде ғана биз раўажланыўға ерисе аламыз. Перзентлеримиздиң келешеги, олардың турмыста өз орнын табыўы ушын да устазларымызды ҳүрметлеўимиз шәрт! », — деди Саида Мирзиёева.
@NE_JANALIQ —
LIVE жаңалықлар!
14.4K views08:54