She'riyat

2023-01-01 15:32:30 Sahro soʻqmogʻida boshin egib jim,
Bir kimsa ketmoqda — bilmasman u kim.
Agar u sen boʻlsang yoningga boray,
Agar u men boʻlsam, tezroq kel doʻstim.

A. Oripov Ochish/sharhlash

2022-12-06 18:44:02 DUTORIM TORI IKKIDUR…



Dutorim tori ikkidur: biri quvnoq, biri mahzun
Ki, baytim satri ikkidur: biri dilxush, biri dilxun.



Nigorim chashmi ikkidur: biri yagʻmo, biri jodu,
Bu jodudan ikki koʻzim biri Sayhun, biri Jayhun.



Jahonda ikki dilbarning biri sensan, biri Laylo,
Jahonda ikki oshiqning biri menman, biri — Majnun.



Jahonda ikki yulduz bor: biri sensan, biri Zuhro,
Misoli ikki nuqtamning biri ostin, biri ustun.



Jahonning mehri ikkidur: biri sensan, biri oftob,
Tarozu pallasi ikki: biri yerdur, biri gardun.



Makoni ikki lochinning – biri qoya, biri osmon,
Qanoti ikki shoirning – biri oʻlka, biri ochun.



Gʻazal bitmakda sachrabdur koʻzimdan yosh, dilimdan oʻt.
Shu bois ikki satrimning biri qatra, biri uchqun.



Kelib bogʻ sayridan Erkin gʻazalga toʻlqin izlardim,
Kirib keldi ikki doʻstim: biri Sayyor, biri Toʻlqin.

1968

Erkin Vohidov Ochish/sharhlash

2022-12-06 17:04:59 Koʻngil bu kecha ham uyda yotmadi.

Faxriyor Ochish/sharhlash

2022-11-23 10:16:33 Iymon sotilganda bozor qolmasdi,
Benomus qolmasdi, beor qolmasdi.
Birpasda sotilib eski oʻliklar,
Keyinroq oʻlganga mozor qolmasdi.

Asqar Mahkam Ochish/sharhlash

2022-09-28 17:40:40 Binafsha, senmisan, binafsha — senmi,
Ko‘chada aqchaga sotilgan.
Binafsha menmanmi, binafsha menmi,
Sevgingga, qayg‘ungga tutilgan?

Binafsha, nimaga bir ozroq ochilmay,
Bir erkin kulmasdan uzilding?
Binafsha, nimaga hidlaring sochilmay,
Yerlarga egilding, cho‘zilding?

Binafsha,
Ayt menga,
Kimlardir, ularkim,
Ignani bag‘ringga sanchalar?
Binafsha,
Bir so‘yla,
U qanday qo‘llarkim,
Uzalar, hidlaylar, yanchalar?

Binafsha, shunchalar chiroyli yuzing bor,
Nimaga uzoqroq kulmaysan?
Binafsha, shunchalar tortguvchi tusing bor,
Ko‘nglimga isriqlik to‘kmaysan?

Binafsha, yig‘lama, binafsha, kel beri,
Qayg‘ungni qayg‘umga qo‘shgil.
Binafsha, sen uchun ko‘kragim erk yeri,
Bu yerdan ko‘klarga uchgil.
Binafsha, go‘zalim, qayg‘ulim, kelmaysan,

Qayg‘ung zo‘r, qayg‘umni bilmaysan,
Menga bir kulmaysan.

1922

Abdulhamid Choʻlpon. Ochish/sharhlash

2022-09-22 19:27:29 XAYRLASHMOQ KERAK

Xayrlashmoq kerak sen bilan,
Ko’ngillarni uzmoqlik kerak.
Kechmoq kerak g’arib umiddan,
Dunyomizni buzmoqlik kerak.

Boshqalarga bermoqlik kerak,
Kuzgi oqshom charchoqlarini.
Endi ma’yus termoqlik kerak,
Sevgimizning aldoqlarini.

Bizga do’zax va’dalar etib,
Tepamizdan jim boqar xudo.
Seni saqlay, sevgidan ketib,
Ishqda qolib, sen bo’lma ado.

Muncha shirin bu kuz oqshomi
Labingdagi charchoq kalomlar:
- Men do’zaxdan qo’rqmayman, jonim,
Do’zaxdaman allaqachonlar...

Usmon Azim Ochish/sharhlash

2022-09-20 05:26:14 Sevishni bilmaydi sharqlik ayollar | Xayrulla Hamidov Ochish/sharhlash

2022-09-06 07:29:29 Шоир Эшқобил Шукурнинг шеъри бир дунё, ўқиши бир дунё!

Келинг, шеър билан юрак чангларини "артайлик"!

@javlonjovliyev Ochish/sharhlash

2022-09-06 07:08:56 https://telegra.ph/Turgʻunlik-yillari-09-06 Ochish/sharhlash

2022-09-04 16:12:55 Koʻp yigʻlama,
ogʻriydi boshing,
axir baxtli boʻlmogʻimiz shart.
Yomon boʻlar agar koʻzyoshing
tugab qolsa, kelgunicha Baxt.

Koʻzyoshingni sochma tunlarga.
Asrab qoʻygin yaxshi kunlarga.

Shavkat Rahmon Ochish/sharhlash