“Энг намунали тадбиркор” кўрик-танлови эълон қилинади! Оила в | NAVOI.UZ | Navoiy viloyati hokimligi axborot xizmati | 2023-yil – Insonga e'tibor va sifatli ta'lim yili! 🇺🇿

“Энг намунали тадбиркор” кўрик-танлови эълон қилинади!

Оила ва хотин-қизлар давлат қўмитаси томонидан ҳудудларда касаначилик орқали иш ўринларини ташкил этган тадбиркор хотин-қизлар ўртасида “Энг намунали тадбиркор” кўрик-танлови ўтказилади.

Танлов касаначилик орқали хизмат кўрсатишни ташкил этиб, иш ўринлари ташкил этган, ишсиз хотин-қизларни жалб қилган ҳолда шартнома орқали бандлигини таъминлаган , фаолияти давомида самарали натижаларга эришаётган ҳамда касаначилик орқали хотин-қизлар бандлигини таъминлашда ўз ҳудудида наъмуна кўрсатиб келаётган тадбиркорлар ўртасида ўтказилади.

Ғолиблар қуйида номинациялар бўйича аниқланади:
- “Касаначилик орқали энг кўп иш ўрни яратган тадбиркор”;
- “Касаначилик орқали энг кўп маҳсулот ишлаб чиқарган тадбиркор”;
- “Касаначиликни йўлга қўйган энг намунали маҳалла фаоли”;
- “Касаначиликни йўлга қўйган энг наъмунали экспортёр аёл”.

Танлов 2 босқичда ташкил этилиб, танловнинг ҳудудий босқичи жорий йилнинг 5-15 ноябр кунлари ўтказилади.

Танловда иштирок этиш истагида бўлган касаначи хотин-қизлар ҳужжатларини жорий йилнинг 10 ноябрь санасига қадар ўзлари истиқомат қилаётган туман (шаҳар) Оила ва хотин-қизлар бўлимларига тақдим этишлари лозим.