Бугун Наманган вилояти прокурори Бектош Сайипов томонидан Мингбулок туманида сайёр қабул ўтказилди.
Қабулда ишга жойлаштириш, уй-жой, тиббий ёрдам кўрсатиш ва моддий ёрдам ажратиш, ҳуқуқни мухофаза қилувчи органлар қарорларига, алимент ҳамда коммунал соҳаларга оид жами 48 нафар фуқароларнинг 72 та масаладаги мурожаатлари келиб тушди.
Мурожаатларнинг 4 таси жойида қаноатлантирилди, 2 тасига хуқуқий тушунтиришди, қолган мурожаатлар ўрганиш учун вақт талаб қилгани боис, масъулларга топшириқ берилиб, ижроси назоратга олинди.
Мурожаатларни кўриб чиқишда узоқ вақтдан буён ечимини топмаётган муаммоларни ҳал этишга, жисмоний ва юридик шахсларнинг ҳуқуқларини амалда тикланишига алоҳида эътибор қаратилмокда.
